-
ياجماعة الخير
التيدا على حد علمي ومالكيها ادرى مافيهاش مؤشر حرارة
لكن فيها لمبة بتنور لو الحرارة زادت اوي
وصاحب الموضوع الكريم عمله علشان يحذر مالكيها ان ممكن اللمبة تعلق وماتنورش ويحصل الي حصل
علشان كده بيطلب تكشفوا على المية لان نقصها يرجح سخونيتها الزايدة حتى لو اللمبة مانورتش وعلقت
التيدا عربية رائعة بصراحة وبها مزايا تاخد العقل بس فيها شوية عيوب بسيطة منها حكاية المؤشر دي وحكاية عدم فتح الشنطة من الداخل
ان شاء الله نطمن على العربية ويطلع شوان بيتغير بسهولة
وجزاكم الله خيرا
-
بسيطة ان-شاء الله
طبعا التشيك على مستوى السوائل بتاع العربية كلها -من فترة لفترة- مهم جدا؟؟!!!
بس بردو موضوع اللمبة ده إفتكاسة تيييييييييت؟!!
المفروض كمان فيه measures قبل النقطة دى؛ :U_thin1[1]:
زى حساسات فـ القربة أو الرادياتير لمستوى المياه، وحساس على الطلمبة نفسها!!
ويديك alarmــات قبل السخونة ماتوصل للدرجة دى..
يعنى:
- يقولك Coolant tank empty لو الميه نقصت بكمية،
- أو Low coolant-pump pressure لو نقصت لدرجة ان ضغط الطلمبة نزل جامد
عشان مايوصلش لمرحلة ان مفيش coolant والحرارة تعلى كده؟؟!!!
-
-
يا ترى إيه الأخبار دلوقتي يا دكتور؟؟؟
-
-
معلش يا شباب انا اسف ع التأخير بس كنت مستني استلم العربيه الاول عشان اقول الاخبار ايه
العرربيه قعدت في التوكيل 10 ايام
الحمد الله اللي باظ هي الجوانات وتم تغييرها
اما وش السلندر والموتور فهو سليم الحمد الله
التكلفه كانت 250 جوانات
750 مصنعيات
وتم تغيير زيت ومياه
والموضوع دخل كله بالضرايب 1550 ج بالضبط
الحمد الله
المشكله بأه وهم شغالين مهندس الورشه قالي ان عامود كامة البنزين فيه مسمار اتكسر جوه
وده بيتباع طقم كامل وثمنه عندهم 3500 جنيه ومش موجوده عباره عن مسمار وترس وعامود الكامه
المهم لفيت اسأل عليهم في الحرفيين والوكاله وكل الموزعين ماحدش عنده خالص
خطفت رجلي للتوكيل وقولتلهم عايز القطعه المكسوره اخدتها منهم ووريتها لواحد صديق عزيز عنده محل قطع غيار
مشكلتها ان المسمار اتكسر جوا عامود الكامه
روحنا عند خراط وفور المسمار وعملي مسمار حديد واخد مصنعيه 35 ج وخلصت القصه بعد ما دوخني التوكيل معاه على البتاع كامله وكنت هاتكلف الافات وخلصت الموضوع بكلام فاضي
وبعدها قررت اني ماروحش التوكيل تاني
كفايه العطله ال 10 ايام من غير العربيه ..الموضوع مايخدش اكثر من يومين عند اي ميكانيكي بره
اخري ممكن اروح اعمل صيانه دوريه انما اصلاح اعطال مستحييييل
والحمد الله
اخر حاجه قالولي المقصات عايزه تتغير لأن الجلب بايطه وتمنها حوالي 1800 ج
اشتريتها تايلندي ب 350 ج ولسه ماركيتهاش
لما اركبها هاقولكم ايه الاخبار
-
مبروك الأصلاح يا دكتور وربنا يباركلك فيها
-
معلش
كله خير ان شاء الله وبسيطه
-
-
مبروووك، الحمد لله إنها جت على كده
Content Relevant URLs by
vBSEO 3.6.0 PL2