الفيتيس الاتوماتيك بيسخن قوي

**dodohany** · 27-07-2008 09:19 AM

سيارتي لانسر مو 2006 اتوماتيك 1600 سي سي ، أنا شاريها مستعملة من أسبوع ولاحظت أن الفيتيس بيسخن لدرجة اني بحس بيه وانا سايق ، وكنت قريب من واحد ميكانيكي قولت له شوف السخونة دي طبيعية والا ايه ، قاللي دي طبيعية دي سخونة الشكمان من تحت ، بس انا مش مقتنع أنها طبيعية ياريت تدلوني .

**sab3aawy** · 27-07-2008 10:26 AM

سؤال ، انت بتحس بسخونة الفتيس ازاى؟

السيارة اللانسر جر امامى، فيما معناه ان الفتيس بعيد جدا عنك اثناء قيادتك للسيارة، اللى جنبك دى مجرد عصاية تتصل بالفتيس بواير صلب طويل ومالهاش علاقة بجسم الفتيس نفسه، لكن الفتيس نفسه فى قلب غرفة المحرك بعيد عند بحوالى متر ولا يمكن انك تشعر بيه

لو فيه سخونة جنب ركبتك اليمنى فدى سخونة الشكمان لأن الفتيس ليس فى هذا المكان ولا شئ يمكن ان يكون ساخنا فى هذة المنطقة سوى الشكمان، ويبقى ده عيب عزل للحرارة فى العربية، لو هو عيب مكرر فى كل السيارات اللانسر يبقى ده عيب تصميمى فى اللانسر، ولو هو فى سيارتك بس يبقى مفربوض تراجع العزل

**أبو عبدالله** · 27-07-2008 10:34 AM

المشاركة الأصلية كتبت بواسطة sab3aawy

سؤال ، انت بتحس بسخونة الفتيس ازاى؟

السيارة اللانسر جر امامى، فيما معناه ان الفتيس بعيد جدا عنك اثناء قيادتك للسيارة، اللى جنبك دى مجرد عصاية تتصل بالفتيس بواير صلب طويل ومالهاش علاقة بجسم الفتيس نفسه، لكن الفتيس نفسه فى قلب غرفة المحرك بعيد عند بحوالى متر ولا يمكن انك تشعر بيه

لو فيه سخونة جنب ركبتك اليمنى فدى سخونة الشكمان لأن الفتيس ليس فى هذا المكان ولا شئ يمكن ان يكون ساخنا فى هذة المنطقة سوى الشكمان، ويبقى ده عيب عزل للحرارة فى العربية، لو هو عيب مكرر فى كل السيارات اللانسر يبقى ده عيب تصميمى فى اللانسر، ولو هو فى سيارتك بس يبقى مفربوض تراجع العزل

كلام مظبوط
هو اكيد مشكلة في العزل بتاع العربيه

**dodohany** · 27-07-2008 10:37 AM

شكراً يا اخ سبعاوي على ردك ، انا اعتقد ان دي فعلاً سخونة الشكمان وده عيب عزل بس عايز اعرف هل العيب ده في كل اللانسر والا عندي انا بس ؟

**Sharky** · 27-07-2008 11:43 AM

فيه كذا عضو فى المنتدى كانوا إشتكوى برضه من سخونية فى فتيس اللانسر الأتوماتيك

**limo** · 27-07-2008 12:28 PM

المشكله عندك حاجه من اثنين
اولا :عايز اسألك سؤال انت بتحس بالسخونه وانت منور نور العربيه الوالى او العالى ؟
لو الاجابه نعم يبقى السخونه ده جايه من المبات الى بتنور حروف الحارات وده موجوده فى كل العربيات
او الاجابه لا يبقى انت عندك المشكله التانيه
فبر الكنسول المغطى للفتيس مغطى من جوه بعازل للحراره يمكن يكون العازل ده اتشال او مش محطوط فى مكانه كويس

**Sharky** · 27-07-2008 12:29 PM

المشاركة الأصلية كتبت بواسطة limo

لو الاجابه نعم يبقى السخونه ده جايه من المبات الى بتنور حروف الحارات وده موجوده فى كل العربيات

الحكاية دى غير موجودى فى الياريس او الميجان

**limo** · 27-07-2008 12:59 PM

المشاركة الأصلية كتبت بواسطة sharky

الحكاية دى غير موجودى فى الياريس او الميجان

انا كان عندى كده فى الانوس -واحده صاحبى معاه فكترا كانت نفس النظام
كمان السخونه ده مش بتدرب فى الفتيس كله لأ ده بتحس فيها فى مكان حروف الحارات والحته الصغيره الى حوليها
كمان لو حد حط ايده فى الحته ده ايده مش هتولع يعنى :) السخونه بسيطه جدا
يعنى لو ماسك عصابه الفتيس لايمكن تحس بيها ولا يمكن تحس بيها فى الكنسول
وسببها سخونه الملبات مش اكتر

**مصراوي جدا** · 27-07-2008 01:36 PM

لسه حالا كنت باسأل المهندس مدير الصيانة في التوكيل على الموضوع ده وان دي شكوى متكررة من ناس كتير وقال لي (فعلا هي شكوى متكررة وانا شخصيا لاحظت الموضوع ده في عربيتي الكريستالة ثم البومة والموضوع ده لا علاقة له بالفتيس لأنه بعيد كذلك لا علاقه له بالشكمان لأن اللي تحت المنطقة دي ماسورة الشكمان ولا يمكن ان تنقل حرارة انما السبب هو اللمبات الصغيرة اللي بتنور الفتيس وحاراته لو كنت سايق فترة طويلة)

نفس ما قاله الاستاذ LIMO

يعني من الآخر اللي بيعاني من المشكلة دي يتطمن خالص ان مفيش اي حرارة عالية في الفتيس او الشكمان او المحرك او غيره دي مجرد اللمبات الصغيرة

الموضوع: الفيتيس الاتوماتيك بيسخن قوي

LinkBack

أدوات الموضوع

عرض

العرض المتطور

-

-

-

المواضيع المتشابهه

ميكانيكي الفيتيس الاتوماتيك

ايه الفرق بين التيدا الهاتشباك الاتوماتيك و الاتوماتيك ال. F/o ?

العجل بيسخن

استشلرة عن الاتوماتيك لمستجد فى الاتوماتيك - نيو اكسنت

دلوقتى سعر الافيو الاتوماتيك 83000 وسعر النوبيرا الاتوماتيك 82500 يبقى انهى فيهم احسن

الكلمات الدلالية لهذا الموضوع

المفضلات

المفضلات

ضوابط المشاركة