السلام عليكم. السياره لانسر 2007 1600 اتوماتيك عامله 78 الف كم و كنت عايز اعرف اخر ميعاد لتغيير سيور الكاتينه و التكييف و الدينامو واكون لسه فى الامان نظرا اظروف السفر؟؟؟
ياريت الخبراء يردوا بسرعه
و شكرا للجميع
عرض للطباعة
السلام عليكم. السياره لانسر 2007 1600 اتوماتيك عامله 78 الف كم و كنت عايز اعرف اخر ميعاد لتغيير سيور الكاتينه و التكييف و الدينامو واكون لسه فى الامان نظرا اظروف السفر؟؟؟
ياريت الخبراء يردوا بسرعه
و شكرا للجميع
بص الافضل تغيرها قبل ما تسافر اكيد
فى النوبيرا قعدت فى الاول 86 و قطع المفروض بيتغير على 80 فى اللانسر معرفش بيتغير على كام بالظبط بس هيكون بين 60:80 فلو مسافر يبقى تغيره اضمن و أمن
السيور بتتغير كل 80 الف حسب الكتالوج
غيرت زيت الفتيس من امتي ؟ هو المفروض بيتغير كل 40 الف كيلو برضة هو و فلتر البنزين
السيور ياريت تغيرها بالاصلي لانه جودته عالية جدا و عمري ما سمعت انه اتقطع انا شخصيا بغيرهم علي 100 الف مش 80 من يوم ما جبت العربية بس الافضل تلتزم بالكتالوج لو بتسافر كتير
شوف ميكانيكي شاطر علشان ميخلفشي تقسيمة العربية او يبوظ بنز الترس السفلي
بتغير اويل سيل كامة و اويل سيل كرنك و انت بتغير الكاتينة (اتأكد من المعلومة دي لاني مش متأكد اوي)
والله اعلي و اعلم
شكرا يا شباب على الردود. طيب ينفع اغير سيور التكييف و الدينامو قبل السفر و لما ارجع اغير الكاتينه و الفلاتر عند 82 الف مثلا. لأن التكييف و الدينامو انا مش عايزهم يعدوا 40 الف
زيت الفتيس غيرته عند 60 الف ولسه ميعاده عند 100
ينفع عادي بس متقرصشي علي العربية
80 من 82 مش بعيدة بقولك بمشي عليه 100 الف !!! بس للامانة انا كريستالة مش بومة بس مظنش الفرق في الخامات كبير
ربنا يسترها علينا جميعا
شكرا يا شباب و ربنا يسترها معانا جميعا
نصيحة امشى على كلام الكتالوج
متابع
غير فى التوكيل و ريح دماغك
هو أغلى طبعا بس مضمون و الصنايعى هناك بيعملها و هو مغمض
بص ياباشا انتة لية تحير نفسك انا كنت مكانك كدة وكنت واخد عربية عامله 87الف كيلو وطبعا الكتالوج قايل غير علي 80 المهم انا مشيت حوالي الف كدة عقبال مازبطت نفسي وقومت مغير السير بلسير الاصلي وريحت دماغي علي طول لية بقا تدوش دماغك وتحير نفسك والموضوع سهل وانت كدة كدة هتعمله ان اجلا او عاجلا في كل الاحوال هتعمله وعلي فكرة احيانا تكبير الدماغ وكلام سيبها ياعم لحد 100الف واصل عربية مش عارف مين قعدت لحد 120 والكلام دة ممكن يؤدي بيك انك تزعل اوي وبعدين ايش ضمنك السير الي جوة دا عامل اية ولا حالته ازاي ولا يكون خامته حتي لو كانت فبريكة ممكن يكون تعب او نشف وممكن يتقطع فجأة يا فندم انا كان معايا دوجان ومن حسن حظي انها كانت دوجان وكنت لسة من 4شهور مغير السير وممشتش علية الا حوالي 10 الاف تقريبا وجة اتقطع فجأة والمفروض يتغير علي 40الف نصيحة بلاش تتأخر في حاجة مهمه زي دي عشان متدفعش تمنها الوفات وخساير في الاخر وياريت العربية هترجع زي ماكانت توكل علي الله وغيرة علي 80الف او يستحسن قبل كدة كمان وربنا يوفقك