اليوم بدء التشغيل التجريبي للمرور الطائر

**mado83** · 22-01-2013 12:28 PM

المشاركة الأصلية كتبت بواسطة horas3000

تبليغ بس
ده اقل واجب تقصف المخالفين و تريحنا منهم

انته كده عاوزها طيارات حربيه بقه مش هليكوبتر

**Ahmed Selim** · 22-01-2013 12:32 PM

هي خطوة حلوة و كل حاجة بس مش عارف ليه حاسس أنها مش وقتها خالص...........فيه حاجات أولى زي إصلاح الطرق و توسيعها.

المشاركة الأصلية كتبت بواسطة k_e

طب مدام شغلتها التبليغ
انا سمعت ان في حديدة كده اسمها كاميرا باين في بلاد كتيره بيوزعوها فوق المباني وبتغطي مناطق كبيره واوفر بكتير وهتجيب تقرير عن كل الاماكن الي موجوده فيها في وقت واحد واكيد ارخص من الطيارات

للأسف موضوع الكاميرات ده له أكتر من عيب

أولهم عيب خاص بمصر نفسها..........أن الكاميرات دي فى ظرف أسبوع هتلاقيها أتسرقت لو محطوطة فوق مباني........و الحل التاني هو أنها تتحط على عواميد عالية جداً خاصة بيها.....و دى تبقى صعب أنها تتسرق.

العيب التاني أنها مكلفة جداً علشان تعمل شبكة محترمة و تعمل مركز مراقبة يستوعب مراقبة كم الكاميرات اللى هتحتاجه علشان تغطي القاهرة مثلاً.............بس مما لا شك فيه أنها على المدى الطويل هتكون أوفر من الطيارات.

واحد أعرفه قالي من حوالي سنة كده أن إمارة رأس الخيمة فى الإمارات كانت بتعمل مركز متابعة و شبكة كاميرات................قالي أن تكلفة الشاشة بس كانت حوالي 8 مليون درهم......و كانت شاشة أحد أضلاعها 25 متر و قابلة للتقسيم بحيث انها تعرض العديد من الكاميرات فى نفس الوقت.

الراجل ده كان شغال فى الشركة اللى بتبني المبنى بتاع مركز المتابعة ده.

**Hondawy_2008** · 22-01-2013 12:51 PM

صح كدة هو دة فعلا

بعد ما الطرق عندنا بقت حرير و المطبات ملبن كدة و مفيش زحمة نهائي هو دة اللي كان ناقصنا فعلا المرور الطائر

**horas3000** · 22-01-2013 01:12 PM

المشاركة الأصلية كتبت بواسطة mado83

انته كده عاوزها طيارات حربيه بقه مش هليكوبتر

و ليه لا
شوف الموضوع ده و انت توافقني

http://www.nilemotors.net/Nile/331271-a.html

**Mohamed.Ramah** · 22-01-2013 01:23 PM

ياريت بس الاول يسفلتو الطريق وبعدها يضعو لوحات ارشادية صحيحة ويعيدو تخطيط الطرق مرة اخرى مينفعش كل الاسفلت اسود بدون اى خطوط فاصلة او حتى على الطرق السريعة مش كاتبين السرعة المحددة برقم كبير على الاسفلت ولا فاصلين بين الحارات ولا يوجد طريق محدد للتريلا او للاسعاف ولا محددين اى مكان لتوقف اى مركبة على الطريق ! بالشكل دة الشارع بقى زريبة

بكرة السما تبقى زحمة من الطائرات دة ويحصل مشكلة برضو : )

**gebreel** · 22-01-2013 01:44 PM

كانت الموتوسيكلات و العربيات الجديدة نفعت ... الداخليه دي عاوزة تتفجر

**khalid_adel** · 22-01-2013 02:10 PM

المشاركة الأصلية كتبت بواسطة mado83

مش وحش ولكن الطيارات دى هتلف القاهره فقط وربنا يستر من الطيارين وياخدو بالهم من اطباق الدش اللى فوق الاسطح
اعتقد فكره فاشله انها تكون للمرور
طب مايعملو خط ساخن للاختناق المرورى افضل من المرور الطائر وفعلا يخلو الطيارات دى للاسعاف لانها هتصرف مبالغ طائله
لو افترضنا ان الطياره الواحده هتتكلف مصاريف طياره وصيانه وبنزين فى اليوم الواحد 1000دولار
يعنى حوالى 6000ج مصرى ممكن نفكهم ب60 عسكرى بمرتب يومى 100ج وينظمو المرور
او يفعلو الموتوسيكلات بتاعت الشرطه

بتقول عسكري بمرتب يومي 100 جنيه
قولتلي اقدم علي عسكري ازاي وفين :)

-

-

-

الموضوع: اليوم بدء التشغيل التجريبي للمرور الطائر

LinkBack

أدوات الموضوع

عرض

-

-

-

-

-

المواضيع المتشابهه

اليوم وغداً: توقف مؤقت للمرور على مصر إسكندرية الصحراوى

التاكسى الطائر (منقوووول)

الفيل الطائر !

النعش الطائر

صور فرح المهاتما(السندباد الطائر)

الكلمات الدلالية لهذا الموضوع

المفضلات

المفضلات

ضوابط المشاركة