السلام عليكم

الحمد لله على كل شيء، قدر الله وما شاء فعل.

انكسر الكمبرورسور التكييف في العربية، العربية فيكترا A. للأسف أنا شاري العربية الكمبروسور اللي كان راكب مش بتاعها، المشكلة من بعد ما انكسر ان سير الدينامو بقى من السهل إنه يقع. كنت بافكر إني أجيب كمبروسور سد خانة placeholder يعني مجرد الفارعة والطمبورة اللي بيركب عليها السير مؤقتا علشان مفيش نية استخدام التكييف على الأقل 3 شهور بالإضافة إلى إني لسه شاري بطارية جديدة وقربة ميه جديدة ده غير لسه حوار الماف اللي سألت على الجديد منه لاقيته 1500 جنيه بالإضافة إلى بنود أخرى محتاج يتعمل لها صيانة وتتغير.

إيه رأيكم؟ ويا ترى ممكن ألاقي حد عنده كمبروسور محروق اركبه مؤقتا؟ وبكام؟

في انتظار اقتراحاتكم.

محمد