السلام عليكم ورحمة الله وبركاته
الموضوع يخص السيارة الماتريكس , وخاصة الكاوتش
أنا أشتريت عربية ماتريكس 2002 ( بورسعيد - معاقين )
أول حاجة حبيت أعملها أغير الكاوتش لانه أهم حاجة فى العربية
ومن حسن حظى ان العربية جاية فيها جنوط 15 بدل اللى فيها 14
وكان الكاوتش اللى فيها مقاس 15/195/55
طبعاً العربية كانت أعلى من الطبيعى بتعها ( مقاس 14 )
بس بعد لف 4 شهور على الكاوتش الجديد والمستعمل
كان قدامى أكتر مقاس للعربية
15/195/55 ( واطى جداً )
15/195/60 ( عالى بنسبة بسيطة عن ال 55 )
15/195/65 ( عالى عن الارض , وعريض بس بيحك فى العربية لما تحمل فيها )
15/185/60 ( صغير جداً , وبيعوم العربية )
15/185/65 ( عالى عن الارض , مش بيحك فى العربية )
وكان أفضلهم مقاس 15/185/65 , وقبل ما أشترى كاوتش جديد
عملت حاجة كويسة قوى يمكن مكلفة شوية
روحت لبتاع الكاوتش , وبدلت معاه الطقم اللى عندى بطقم مستعمل من عنده ودفعت الفرق بمعنى
اديت بتاع الكاوتش طقم 15/195/55 وخد منه طقم مستعمل برده 15/185/65
ودفعت 300 جنيه فرق ( عارف أنهم كتيير ) بس علشان مجبش كاوتش جديد بـ 2000 جنيه ويطلع مش حلو على العربية واضطر أبيعه برخص التراب
والمقاس والله العظيم جامد جداً .. جداً
حبيت أنقل المعلومة للكل يستفيد بيها , بعد ملفيت لف التنين .
ابو يوسف
01110336039