كنت عايز اعرف من خبراء المنتدى لو انا عايز اعمل طقم شنبر للعربيه بتاعتى لأنوس 2000 يتكلف كام وهفيد لو عملتو ولا اغير موتور وهيكون سعره كام
عرض للطباعة
كنت عايز اعرف من خبراء المنتدى لو انا عايز اعمل طقم شنبر للعربيه بتاعتى لأنوس 2000 يتكلف كام وهفيد لو عملتو ولا اغير موتور وهيكون سعره كام
لما سألت محمد عبده قالي 1000 جنية بالمصنعية بكل حاجة بس هو غالي شوية في المصنعية
حالة الموتور بعد الفك هي اللي بتحدد تغيره ولا لا بس الناس هنا بتحب تغير علي الرغم من انك ممكن تجيب موتور استيراد مفوت او يفوت بعديها علي طول
رأي شخصي : لو موتورك كويس او معقول صلحة بس تصليح صح عند حد بيفهم و علي الاقل تبقي ضامنة
لو فكيت و لقيته بايظ و هيفتح كتير غيره
والله اعلي و اعلم
متابع
انا الميكانيكى قال لى فى حدود 1000 جنية . بالرغم من انى اشك فى مشكلة حاليا عندى فى الصبابات بس هو رفض تصليحها لانة قال لى ممكن تفتح معانا و تضر عمل شمبر وانا بصراحة مأجلة حاليا
انا غيرت الشنابر وكاوتش الصبابات والتكلفة الكلية بمصنعية الخراط اللي وضب وش السلندر 700 جنيه .
الميكانيكى دا نضيف؟ وشغله كويس
يعنى على ضمانتك بإذن الله
بسم الله ما شاء الله عليه هو بصراحة ممتاز ومش بروح لميكانيكي غيرة وهو حافظ كل مسمار في عربيتي رايح فين و جاي منين والاهم انه بيكتب عنده كل عربيه ( زي الدكتور ) ايه اللي اتصلح فيها و ايه اللي اتغير وايه اللي مفروض يتغير بعد كده وامتى .
مع ان تبص على ورشته تلاقيها صغيرة ومش كبيرة اوي بس ما شاء الله زباينه كتير وبيشتغل بأيده مع الصنايعية اللي معاه مع اشراف كامل منه على شغلهم ومفيش مسمار صنايعي عنده بيربطه في عربية الا لما الاسطى ده بيتأكده انه اتربط صح .
لو حضرتك عايزه اسمه و عنوانه ممكن ابعتهولك على الخاص .
ياريت تبعتهلمى عشان الواحد استوى من الحرامية
المواتير دى لما بتتحل... إستحالة ترجع زى ماكانت
السلام عليكم :تكلفه طقم الشمبر كالاتي..145 شمبر +5 لينات شمبر رفيعه (هيفهمها الميكانيك لو صنيعي كويس)+35 جوان وش سلندر+30 انبوبة سليكون عظم من الاصلي اللي بنشتغل منة ف التوكيل +لابد من عمل فريزة ورودية ل وش السلندر عند الخراط هيكلفك بالظبط 60 +40بوجيهاتngk ياباني+75 زيت وفلتر زيت(زيت مصر للبترول من الرخيص علي اساس انك هترمية بعد 500 كم)+300 ميكانيكا مصنعيات عشان منظلمش الصنايعي...يبقي الاجمالي590 وحط احتياطي 250 تحسبا لاي مفاجأت ( سير تقسيمة سير دينامو طرمبة مية طبة مية اويسيلات اورنجات سبيكة لو القديمة شكلها وحش ) كدة يعني
اما بقي لو عايز تعمل شمبر زي ماقال الكتب (فروم اية تو زد) ممكن بردة ابقي اوضحلك
جزاك الله كل خير و شكرا على الشرح
ابقي كداب لو قلتلك ان الموتور هيرجع زي الاول بس كدة علي الاقل موتورك هيشتغل بدون استهلاك للزيت(احنا كدة عالجنا عيب معين) اما عشان الموتور يرجع زي ما كان فلازم نرجع الشيئ لاصلة يعني شمايز جديدة بساتم جديدة طرمبة زيت جديدة وهكزا (سامحني مش لاقي حرف الزال)
ياريت تبعتلى تليفونه وعنوانه علشان بجد محتاج ميكانيكى زى دة انا معايا لانوس 2000 وطالع عينى مع الصنايعيه وانا بسافر كتير اصلا وببقى حاطط ايدى على قلبى من اللى بيتعمل فيا من افتائات الصنايعيه