الموضوع: لأول مرة.. 4 طائرات هليكوبتر تُحلّق في سماء القاهرة لتأمينها وتنظيم مرورها

المشاركة الأصلية كتبت بواسطة khaled online

باشا ده ردي على موضوع بنفس الخبر على المنتدى العام

لو في سلبيات وده واضح وموجد اكيييييد . نرصدها . وعندك حق فعلا موضوع 600 عربيه دول . وحكاية الضباط يستخدموا عربيات الشرطه والدولة لمصالحهم الشخصية والمدام تروح النادي وهات البنت من المدرسة وكله على (قفا ) الشعب .. كل ما اسمع كلمة تطهير الاعلام اقول والله اعلام وشرطة وجيش حتي الشعب عايز تطهير .!! الله المستعان

شكراً يا خالد باشا على مشاركتك الطيبة

المشاركة الأصلية كتبت بواسطة su35flanker

ظابط الشرطه بقاله 60 سنه بيتعلم حاجه واحده (القمع) و انه مقدس و فوق البشر
الشرطه عشان تتعدل عايزه تأهيل نفسى تفهمهم ان المواطن اخوهم مش عبد عندهم معظم ظباط الشرطه عندهم نرجسيه و لو حرص البعض على اخفائها و لكنه يظل شخص نرجسى
عندما يفهم الظابط الشرطى انه موظف حكومى و ان عمله تكليف و ليس تشريف و انه ميقدرش ييجى جنب الحقوق الدستوريه للمواطن المصرى الشرطه ساعتها هتتعدل جدا
و ما تنساش انهم كانو موجودين فقط عشان يأمنو و يحمو الحراميه و النصابين اللى واكلين و مصين دم الشعب المصرى و بيتعينو بالواسطه و من خلال شبكه اجتماعيه خاصه كان يديرها ازناب مبارك لحماية النظام و كتير منهم بيكون فاشل اساسا فى الدراسه ده غير ال 100 الف اللى بيدفعها او يمكن تكون تضاعفت فى اخر سنوات العادلى كمان

هم دلوقتي اشتروا طيارات يبقى نعرف بكام ومنين وهيتصرف عليهم أد إيه ومنين
بقولك 600 عربية لوجان ومحدش شاف الداخلية بتستعملهم في الشوارع ومفيش تنظيم مروري ولا يحزنون
مهو مينفعش نصرف على طيارات وشوف بقى هتتعامل زي الحراسات الخاصة وهيكون التعيين فيها بالخناق جوا الشرطة اللي أصلا ... خلينا ساكتين
ومفيش ركنة ولا العربيات بتمشي ويوم ما البهوات ينزلوا يشتغلو يعملولنا كمين يقفل الشارع

بقولك معاهم فلوس بزيادة وأقسم بالله ففتحوا بند جديد يشفط أي خلل بالزيادة في الميزانية
عاملين زي الهند اللي الفقر فيها معدي ملايين الملايين والحكومة هناك بتصرف على المشروع الفضائي والفساد هناك زي هنا للركب

المشاركة الأصلية كتبت بواسطة youssef_u

لو الكلام ده صح و جابت نتيجه يبقا مرسي بدأ يشتغل بجد

الكلام حيقي يا يوسف باشا ونتمني تجيب نتيجة وتحقق المرجوا منها ونتمني نلاحظ تغيير شامل وكُلي .

شرفتني ياباشا

المشاركة الأصلية كتبت بواسطة khaled online

هم دلوقتي اشتروا طيارات يبقى نعرف بكام ومنين وهيتصرف عليهم أد إيه ومنين
بقولك 600 عربية لوجان ومحدش شاف الداخلية بتستعملهم في الشوارع ومفيش تنظيم مروري ولا يحزنون
مهو مينفعش نصرف على طيارات وشوف بقى هتتعامل زي الحراسات الخاصة وهيكون التعيين فيها بالخناق جوا الشرطة اللي أصلا ... خلينا ساكتين
ومفيش ركنة ولا العربيات بتمشي ويوم ما البهوات ينزلوا يشتغلو يعملولنا كمين يقفل الشارع

بقولك معاهم فلوس بزيادة وأقسم بالله ففتحوا بند جديد يشفط أي خلل بالزيادة في الميزانية
عاملين زي الهند اللي الفقر فيها معدي ملايين الملايين والحكومة هناك بتصرف على المشروع الفضائي والفساد هناك زي هنا للركب

اكيد كلنا ملاحظين انهم بيسيروا بنفس منهج وسياسات ما قبل الثورة
وانهم لم يغيروا شيئأً , ياريت اعلامنا الجميل يرصد مثل هذه الاحداث . ونرجوا يكون في هيئات رقابيه على جميع المؤساسات ..

أشكر لكم تواجدكم الكريم

المشاركة الأصلية كتبت بواسطة s o p h o s

ربنا يخليك يا ياسر باشا
وهدعيلك تشوف المرور البري الاول ..

ههههههههه بالمناسبة كنت في يوم جوة البلد وواد ابن لذينا راكب مازدا وبيامرك بيها وبيعمل خمسات ورجالة المرور واقفين وكأنهم بيشهدوا عرض على الفضائيات والواد مش . بعدها بخمس دقائق جه واحد غلبان بفيات 128 العربيه وخوا ماشي بيها طفت ومكنش حد وراه والحمد لله محدش خبط فيه جم هما سحبوا العربيه ورخصك وبطقتك وانت منين وسين وجيم . قلتلهم أه يا ولاد الــ ... اكيد قالو بتاع المازدا ابوه لواء ولا حاجه بلاش وجع قلب هتولي بتاع الفيات نتسلي عليه شوية .. لله المشتكي

نورتني يا احمد باشا انا لو جبت عربيه هلعب بيها تحت بيتنا ههههههههه مش هطلع برا

شرفتني يا ابو حمييييييييييييد (: