عرض للطباعة
كنت عاوز اعرف من حضراتكم ايه هى الاجراءات اللى لازم اخدها علشان اضمن حقى و انا بشترى شقه بالقسط
و اللى عرفته انه مينفعش اسجل فى الشهر العقارى علشان لسه فى اقساط
يعنى هل يكفى العقد الابتدائى بس و لا فى حاجات تانيه لازم اعملها
يا ريت اللى عنده خبره فى الموضوع ده يفيدنا علشان انا اول مرة.
اهم حاجة سمعة الشركة اللى بتشترى منها مهمه جدا جداجدا و اعتقد انك ممكن تعمل صحة توقيع على العقد وان شاء الله الاخوه هنا يفيدوك اكثر ...
فعلا اهم حاجه سمعة الشركه وممكن تسأل عليها مثلا فى الجهاز بتاع المدينه او المنطقه اللى بتشترى منها وفعلا زى ما الزميل قالك تعمل صحة توقيع فى المحكمه
مين اللي قالك ان مفيش تسجيل في الشهر العقاري؟
انا مشتري تقسيط من البنك العقاري والعقد مسجل شهر عقاري وموضح به كافة الاتفاقيات
قولنا تفاصيل اكتر علشان نقدر نفيدك منها
العماره خلصانه ولا تحت الانشاء
هتستلم الشقه الان ولا هتنتظر لميعاد محدد
هتشترى من الشركه او من صاحب العماره ولا هتشترى من حد شارى
عدادات الكهرباء والمياه راكبين ولا لسه
انا بالنسبه لى دى معلومه جديده ....يعنى لو شارى شقه باقساط على سنتين مثلا ينفع اوثق العقد فى الشهر العقارى ؟اقتباس:
المشاركة الأصلية كتبت بواسطة أبو صلاح
المعلومه اللى عندى انه بيبقى عقد ابتدائى علشان لسه تمن الشقه مدفعش كله....يا ريت حضرتك توضحلى اكتر
انا طبعا لسه بدور و مستقرتش على شقه بعينها بس بالنسبه للتفاصيلاقتباس:
المشاركة الأصلية كتبت بواسطة abo_anas
العماره هتكون خلصانه ان شاء الله و الاستلام فورى
الشراء ممكن يكون من شركه عندها كذا عماره او من واحد بيبيع شقته
بالنسبه لعداد الميه هيكون راكب ان شاء الله و بالنسبه للكهرباء مش متأكد علشان اللى شقق اللى شفتها فى منها راكب و فيه لاء علشان تشطيب العماره لسه مخلصش مثلا
اقتباس:
المشاركة الأصلية كتبت بواسطة mo_x5
اولا مادام تقسيط يبقى بتكتب عقد بيع ابتدائى وكل شىء بيتكتب فيه بند بند ، وطبعا اكتب فيه شرط جزائى فى حاله تاخير الاستلام ، والمقدم المدفوع والاقساط وميعاد سدادها . وباقى البنود المتفق عليها بينكم.
خلى البايع يعمل توكيل خاص للمحامى بتاعك علشان تعمل صحه توقيع فى المحكمه
وكمان يعملك تنازل للعدادات اللى راكبه واللى لسه ماركبتش ، بس بصراحه مش عارف هيوافق ولا هيقولك لما تخلص اقساط
اهم شىء انك تشترى من شركه محترمه خاصه لو مش هتستلم على طول وربنا يوفقك
طيب لو الشقه هتتباع بتوكيل فى الشهر العقارى غير قابل للالغاء من صاحب الشقه هل ده اجراء سليم؟اقتباس:
المشاركة الأصلية كتبت بواسطة abo_anas
علشان اللى عرفته ان كل الشقق فى الشيخ زايد بتتباع كده
و السبب تقريبا هو ان كل اصحاب العمارات بيبقى مش معاهم العقد الاخضر ...يعنى الارض ليست خالصه من جهاز المدينه
السلام عليكم ورحمه الله
من الاخر صحه التوقيع ليس لها ايه لزمه - الشقه ممكن يتعمل لها 50 عقد بيع وخمسين صحه توقيع فى المحكمه والمحكمه لن ترفض.
لايمكن التسجيل بدون العقد النهائى - العقد الابتدائى يعتبر عقد اتفاق بينك وبين البائع