الموضوع: شراء شقه بالقسط

اهم حاجة سمعة الشركة اللى بتشترى منها مهمه جدا جداجدا و اعتقد انك ممكن تعمل صحة توقيع على العقد وان شاء الله الاخوه هنا يفيدوك اكثر ...

مين اللي قالك ان مفيش تسجيل في الشهر العقاري؟
انا مشتري تقسيط من البنك العقاري والعقد مسجل شهر عقاري وموضح به كافة الاتفاقيات

قولنا تفاصيل اكتر علشان نقدر نفيدك منها

العماره خلصانه ولا تحت الانشاء
هتستلم الشقه الان ولا هتنتظر لميعاد محدد
هتشترى من الشركه او من صاحب العماره ولا هتشترى من حد شارى
عدادات الكهرباء والمياه راكبين ولا لسه

المشاركة الأصلية كتبت بواسطة أبو صلاح

مين اللي قالك ان مفيش تسجيل في الشهر العقاري؟
انا مشتري تقسيط من البنك العقاري والعقد مسجل شهر عقاري وموضح به كافة الاتفاقيات

انا بالنسبه لى دى معلومه جديده ....يعنى لو شارى شقه باقساط على سنتين مثلا ينفع اوثق العقد فى الشهر العقارى ؟

المعلومه اللى عندى انه بيبقى عقد ابتدائى علشان لسه تمن الشقه مدفعش كله....يا ريت حضرتك توضحلى اكتر

المشاركة الأصلية كتبت بواسطة abo_anas

قولنا تفاصيل اكتر علشان نقدر نفيدك منها

العماره خلصانه ولا تحت الانشاء
هتستلم الشقه الان ولا هتنتظر لميعاد محدد
هتشترى من الشركه او من صاحب العماره ولا هتشترى من حد شارى
عدادات الكهرباء والمياه راكبين ولا لسه

انا طبعا لسه بدور و مستقرتش على شقه بعينها بس بالنسبه للتفاصيل
العماره هتكون خلصانه ان شاء الله و الاستلام فورى
الشراء ممكن يكون من شركه عندها كذا عماره او من واحد بيبيع شقته
بالنسبه لعداد الميه هيكون راكب ان شاء الله و بالنسبه للكهرباء مش متأكد علشان اللى شقق اللى شفتها فى منها راكب و فيه لاء علشان تشطيب العماره لسه مخلصش مثلا

المشاركة الأصلية كتبت بواسطة mo_x5

انا طبعا لسه بدور و مستقرتش على شقه بعينها بس بالنسبه للتفاصيل
العماره هتكون خلصانه ان شاء الله و الاستلام فورى
الشراء ممكن يكون من شركه عندها كذا عماره او من واحد بيبيع شقته
بالنسبه لعداد الميه هيكون راكب ان شاء الله و بالنسبه للكهرباء مش متأكد علشان اللى شقق اللى شفتها فى منها راكب و فيه لاء علشان تشطيب العماره لسه مخلصش مثلا

اولا مادام تقسيط يبقى بتكتب عقد بيع ابتدائى وكل شىء بيتكتب فيه بند بند ، وطبعا اكتب فيه شرط جزائى فى حاله تاخير الاستلام ، والمقدم المدفوع والاقساط وميعاد سدادها . وباقى البنود المتفق عليها بينكم.
خلى البايع يعمل توكيل خاص للمحامى بتاعك علشان تعمل صحه توقيع فى المحكمه
وكمان يعملك تنازل للعدادات اللى راكبه واللى لسه ماركبتش ، بس بصراحه مش عارف هيوافق ولا هيقولك لما تخلص اقساط
اهم شىء انك تشترى من شركه محترمه خاصه لو مش هتستلم على طول وربنا يوفقك

المشاركة الأصلية كتبت بواسطة abo_anas

اولا مادام تقسيط يبقى بتكتب عقد بيع ابتدائى وكل شىء بيتكتب فيه بند بند ، وطبعا اكتب فيه شرط جزائى فى حاله تاخير الاستلام ، والمقدم المدفوع والاقساط وميعاد سدادها . وباقى البنود المتفق عليها بينكم.
خلى البايع يعمل توكيل خاص للمحامى بتاعك علشان تعمل صحه توقيع فى المحكمه
وكمان يعملك تنازل للعدادات اللى راكبه واللى لسه ماركبتش ، بس بصراحه مش عارف هيوافق ولا هيقولك لما تخلص اقساط
اهم شىء انك تشترى من شركه محترمه خاصه لو مش هتستلم على طول وربنا يوفقك

طيب لو الشقه هتتباع بتوكيل فى الشهر العقارى غير قابل للالغاء من صاحب الشقه هل ده اجراء سليم؟
علشان اللى عرفته ان كل الشقق فى الشيخ زايد بتتباع كده
و السبب تقريبا هو ان كل اصحاب العمارات بيبقى مش معاهم العقد الاخضر ...يعنى الارض ليست خالصه من جهاز المدينه