Te Data مش بتقدر العملاء الحالين وانا عملت شكوى .العملاء القديمه ارجوا مشاركتكم

**Mahmoud Mosaad** · 07-02-2013 02:27 PM

الجديد بقى

الشركة تقريباً اتعاملت مع الشكاوى من منطلق " المساواة في الظلم عدل" ولغت العرض للعملاء الجدد

عشان ميبقاش في حد أحسن من حد

**Khaled Lanos** · 09-02-2013 06:13 PM

ربنا معاكم يا جماعة..أنا قريت الموضوع كل رد رد :D

انا بصراحة كنت مشترك لينك زمان وكنت بعاني منهم في سوء الدعم لكن كسرعة نت كانت حلوة..بس عيبها انها لزقة يعني لما جيت ألغي الإشتراك عشان اروح لــ Te-Data عذبوني عشان اخد رقم الإلغاء وكل ما اكلهم يقولي الاسبوع اللي جاي ولما اكلمهم الاسوبع الجاي يقولوي اللي بعده لحد مازهقت وخدت بعضي انا ووالدي ورحنا الفرع بتاعهم اللي في الدقي شارع مصدق ودخل مسح بيهم الأرض هناك وقبل المدير شخصيا ولغا النت وهو واقف :)..هما اساسا قالو لنا من الأول عشان عشان تلغو النت قبل سنة لازم تدفع 200 جنيه لو ناخد الراوتر بتاعنا قولنا لهم خدو الراوتر مش عايزينو (اللي هو أصلا بورت واحد بدون وايرليس) وجم خدوه فعلا وبعد كدا لما نكلهم يقولو لأ مخدناش حاجة ولازم تدفع الــ 200 جنيه بردو

دلوقتي انا الحمد لله مشترك مع Te-Data في عرض نص عليك ونص علينا واخد سرعة واحد ميجا غير محدودة بــ 70 جنيه لمدة 6 شهور وراوتر بنص التمن 125 بدل 250 جنيه وفات منهم 3 شهور..مش عارف بقى لما يخلصو هعمل ايه :)

انا بصراحة مرتاح معاهم وكمان السرعو بتوصلي كاملة في التحميل 125كيلو بايت..بس عندي مشكلة معاهم في الدفع وهي ان لما الشهر يخلص ويجي معاد الدفع لازم انزل بنفسي سنترال 6 اكتوبر وانا ساكن في الشيخ زايد ومينفعش ادفع بخدمة فوري من عندي لازم انزل بنفسي عشان ادفع لحد ما العرض يخلص :(
مش عارف بقى اشتكي ولا اطنش وخلاص..

عموما شركات النت في مصر كلها في الضياع مفيش حاجة عدلة يمكن أحسنهم Te-Data..انا كنت في السعودية من سنتين عندهم النت بالـ 20 والــ 50 ميجا كمان..ودلوقتي وصل 100 ميجا واحنا لسا 512 و 1 ميجا..
لكي الله يامصر..

تحياتي للجميع.

**OMAR61995** · 09-02-2013 08:20 PM

كلمونى تانى النهارده
بس كانت مكالمة مسجلة فيها استطلاع رأى

**mxz911** · 13-02-2013 06:01 AM

معلش يا جماعه انا بقالى فتره مش متابع معاكم بس انا كنت فى شويه مشاكل كده على كام حاجه تانيه خاربين الدنيا عليا .
المهم انا هرجع اتابع معاكم واقولكم اقتراحات تانيه ممكن نعملها بحيث نصعد بيها الموضوع اكتر
بس عشان راجع من بره مش شايف قدامى هبقى اكتب اما اقوم فايق كده ان شاء الله
اعذرونى :)

**mxz911** · 23-09-2013 04:14 PM

السلام عليكم

ازيكم يا جماعة . اخباركم كلكم ايه ؟
اسف جدا انى انقطعت عن النت فتره كبيره لأنى عملت عمليه واخدت منى وقت كبير فى الكشوفات وفتره الراحة بعد العمليه
بس الحمد أنا بخير وكل شئ تمام دلوقتى

واللى لسه مش تمام برضه te data ولا ايه ؟ انا برضه دورت على الشهور اللى فاتت ملقتش عروض عادلة للعملاء القديمة زينا . انا برضه مكانتش متابع العروض اوى بس دورت بعد العملية ولقيت ان مفيش جديد
بالاضافة لسوء الخدمة فى أوقات كتير
ياريت لو كانوا عملوا أى نوع من أنواع الحلول تقولولى . عشان لو معملوش ان شاء الله هنتاخذ اجراء مره تانيه ونقوم بالتصعيد مره أخرى حتى لو وصلت ان احنا نروح نعمل وقفه عند الشركه نطالب فيها بالعدل وحقوقنا . مش كفايه اسعار الانترنت الخياليه مقارنه بالخارج !!!

اسف للاطاله

**askanas** · 23-09-2013 08:50 PM

شركة نصابة و سرقت مني حوالي 300 جنيه بدون وجه حق TEdata
ومش عارف اكتب التفاصيل ولا لا عشان كتبتها حوالي 6 مرات في شكاوي و مكالمات كتير
ويكلمني واحد واعيدلو الحكاية من الاول
ومفيش اي تواصل بين المكالمات
وكل واحد اعيدلو من الاول
وولا مدير نافع ولا اي حد نافع و كان حلي الاخير الالغاء يقوم يقولك ادفع اللي عليك و الغي الاول طب اللي عليا ايه دنا مستخدمتش النت دقيقة

و كان حلي الاخير اني اروح الفرع واكسرلي شاشة كومبيوتر منهم ب300 جنيه :D ولسة عارف اعمله امتا :D