عرض للطباعة
السلام عليكم ورحمه الله ,
زى ما هو واضح ف العنوان فجأه وبدون مقدمات الريموت أصبح لايعمل إطلاقا , قولت يمكن بطارية !!!!! غيرت البطارية ولا فائده اطلاقا , ياترى هل ده من الريموت ولا من العربية ؟
وإزاى أتاكد ان الرموت سليم ولا لأ ؟ وهل يمكن إعاده برمجه الريموت (reset)
وهل الضمان يسرى على أعطال الريموت ؟ وهل فيه حد حصلت معاه الحكاية دى ؟ وعمل فيها إيه
أرجوا الإفاده ولكم جزيل الشكر ياأحلى صقور .
والله انا مكسوف اقولك انها حصلت معايا بس كان ذكاء خارق منى لان المفتاح كان فى الكونتاكت وانا ماسك الريموت وعمال اجرب لكن اعتقد انك محتاج حد يبرمج الريموت تانى على العربية والله اعلم
اعمل ريسيت للعربية بالطريقة دى ( مقتبس من موضوع الاخ بيشوى منسق مساعد القسم ) :
كيفية عمل ريسيت لكمبيوتر العربية نيسان صني ؟
الموضوع سهل جدا و بسيط لكن بخطوات مرتبة حتي يتم عمل ريسيت لكمبيوتر العربية بطريقة صحيحة بدون ادني مشكلة و هي :
1- يجب ان تقوم بغلق جميع نوافذ العربية عشان تسمع ما سيحدث في العربية بالظبط و تكون العربية في وضع عدم الادارة .
2- وضع المفتاح في كونتاكت العربية و لفه لوضع التشغيل بدون ما تدور العربية كما هو موضح بالصورة بالاسفل و بعد ان تغلق لمبة OverDrive بعد حوالي ثانيتين .. تقوم بلف المفتاح الي وضع الاغلاق فورا بدون خروجه من الكونتاكتت و بعدها بحوالي 5 ثواني هتسمع صوت تكة من الناحية اليمين لطابلوه العربية
3- بعد سماع هذه التكة تقوم بإعادة الخطوة رقم 2 مرة اخري و هي : لف مفتاح العربية لوضع التشغيل بدون ما تدور العربية كما هو موضح بالصورة و بعد ان تغلق لمبة OverDrive بعد حوالي ثانيتين .. تقوم بلف المفتاح الي وضع الاغلاق فورا و بعدها بحوالي 5 ثواني هتسمع صوت تكة من الناحية اليمين لطابلوه العربية
4- هتقوم بلف مفتاح السيارة لتدويرها كالعادة .
5- من هنا تم عمل ريسيت او اعادة تهيئة لنظام كمبيوتر العربية نيسان صني
المشاكل اللي بيحلها ريسيت كمبيوتر العربية ؟
النقاط التي ستسرد الآن هي نقاط اثارها اعضاء القسم و ايضا ً توكيل نيسان و تجاربي الشخصية و عند حدوث اي من المشاكل الآتيه فاننا بنتوجه في المقام الاول لعمل ريسيت لكمبيوتر العربية و اذا لم تحل المشكلة فإنه بدورنا نتوجه للوكيل لحل المشكلة اذا كانت كهربائية او ميكانيكية :
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://img24.imageshack.us/img24/7715/pumpnozzle.jpg1- الاستهلاك العالي للبنزين : حيث ان ريسيت الكمبيوتر بيقوم بتظبيط حساس TPS " throttle positioning sensor " و هو يتصل هذا الحساس ببوابة هواء الدخول للمحرك بزراع معين لينقل صوره حيه عن وضع البوابه لوحدة التحكم.....وعند حدوث ضغط على الأكسراتير بالقدم فأن البوابه وضعها يتغير وبالطبع ولابد من توفر عنصر فى دايرة الحقن يقوم بنقل الصوره عن وضع البوابه لوحدة التحكم لكى تقوم بالتفاعل مع الوضع الجديد.....وهذا هو دور هذا الحساس
2- عند اضاءة لمبات التحذير و لكنها لم تغلق في وقتها مثل لمبة AirBag او لمبة الموتور و بيكون قصور في برمجة الكمبيوتر و عادة بتحل بعمل ريسيت لكمبيوتر العربية
3- الاحساس بنقلات الفتيس الاوتوماتيك . حيث انه بعد عمل ريسيت بيقل الاحساس بنقلة الفتيس عند التسارع و غالبا كمبيوتر العربية بيحدث به برجلة عند الشد و القرص علي العربية و هذا ما يحدث معي شخصيا ً
4- السحب الضعيف او التسارع للعربية .
5- عدم قدرة ريموت انذار العربية للتشغيل .. فإنه عند عمل ريسيت للكمبيوتر بنسبة كبيرة جدا يرجع عمل ريموت جهاز انذار العربية مباشرة
6- علو صوت موتور العربية .
7 - اي برجلة تحدث بكهرباء العربية ممكن و بنسبة معقولة انها تتظبط بعمل ريسيت لكمبيوتر العربية.
شيل كابل البطارية 10 دقائق ورجعه تاني
جرب الريسيت وان شاء الله تنحل
قبل الريسيت بص على علبة الفيوزات لأنه فيوزه بيضرب باستمرار
اولا : افتح الكونتاكت لحد ما كل لمض التابلوه تنور ... من غير ما تدور يعنى و استنى 3 ثوان
ثانيا :دوس على دواسة البنزين للأخر و شيل رجلك .. الموضوع ده لازم يتعمل بسرعة جدا ( خمس مرات فى اقل من 5 ثوان ) و بعدين نستنى 7 ثوان
ثالثا : هتفضل دايس على دواسة البنزين لمدة 10 ثوان لحد ما لمبة شيك انجن تفضل تنور و تطفى و بعدين شيل رجللك لمدة 10 ثوان.
رابعا : دوس دواسة البنزين للأخر تانى لمدة 10 ثوان هتفضل برضه اللمبة تنور و تطفى عادى. . بعدين شيل رجلك من على الدواسة و شيل المفتاح من الكونتاكت .
خامسا : دخل المفتاح و دور العربية هتلاقى اللمبة طفت .
انا عارف ان ده موضوع تانى بس حبيت اشارك بيه
حصلت معايا من شهرين بالظبط وجبت حجر وبرضه مشتغلش روحت للتوكيل طلع فيوز بتاعه وسنفره او نضفه مش عارف ورجعه تاني واشتغل انصحك تروح التوكيل في دقيقه هيعملهالك
هو ينفع اعمل الريسيت للتيدا ؟
ممكن يكون رطوبة او مياة داخلة بين الزراير........ ممكن تفكة وتنضفة من جوة بحيث ميبقاش فية عازل بين المفاتيح ودة اللى كان حاصل معايا ومتخفش من فكة .
تم حل المشكلة بنجاح عن طريق عمل الريسيت , ألف شكر لكل الزملاء الأعزاء اللى أفادونى بالرد
مبروك حل المشكلةاقتباس:
المشاركة الأصلية كتبت بواسطة zinger
مبرروك ان المشكله اتحلت على خير
فى احتمال تانى ودا حصل معايا
كان الريموت لايعمل وبالاتصال بالمهندس \اسلام فى السبع فطلب منى الحضور الى المركز وقام بفتح الكابوت وعرفنى ان فى فيوز فى علبه الفيوزات يحتاج يتعمل له ريست اى ان يتم خلع الفيوز من مكانه لمده 30 ثانيه ووضعه فى مكانه تانى وبالفعل اشتغل الريموت
وكان فى احتمال تانى وهو ضعف حجر البطاريه
الحمد لله انها اتحلت وطلعت حاجه بسيطه
+1اقتباس:
المشاركة الأصلية كتبت بواسطة _hema
بالضبط كده ده فيوز ال anti theft و ده بيحل المشكله بتاعه الريموت و الريسيت كمان مفيد قوى لانه بيضبط كذا حاجه تانيه غير الريموت زى استهلاك البنزين و النتشه بين النقلات و عامل كده زى restart ال windows فهو العلاج السحرى لمشاكل كتير فى خطوة واحده
تسلم ياباشا على إهتمامك ومتابعتك للمشكلهاقتباس:
المشاركة الأصلية كتبت بواسطة sehsss
ممكن صوره لشكل ومكان الفيوز - حتى تعم الفائده على الجميع وألف شكر على إهتمامك انته والأستاذ الكريم " هيما "اقتباس:
المشاركة الأصلية كتبت بواسطة land_cruiser
انا كونت عملت موضوع زمان اقراء كده يمكن يفيدك
http://www.nilemotors.net/Nile/211508-a.html
الف شكر على الموضوع الرائع بتاعك ده ياأستاذ عمرواقتباس:
المشاركة الأصلية كتبت بواسطة amr2004ibm
انا بقى يازنجر الى عندى سؤال ليك هى العربية الى فى الصورة دى عربيتك لو هى يبقى فى سؤالين الاول ركبت الافيز الى فى العجل ازاى الى بيمسك الطاسة بالعجل لانى فشلت بكل معنى الكلمة وكان مطلوب منى افك الطاسة عشان اسهلها على نفسى وفشلت افكها حتى ؟ السؤال التانى الازاز بتاع العربية شايفة اغمق شوية من عندى انت مفيم العربية او مديها درجة لون بسيطة ودة بيعملك مشاكل مع المرور وانت ماشى ؟اقتباس:
المشاركة الأصلية كتبت بواسطة zinger
الف مبروك علي عمل الريست يا باشا.اقتباس:
المشاركة الأصلية كتبت بواسطة zinger
بس انت ماقلتلناش انت عملت الريست بأي طريقه؟؟؟؟؟
ياريت تكتبهالنا
بالنسبة للأفيز ده ياباشا بيركب فى التوكيل بتبقى العربية مرفوعه نص رفعه والكاوتش مفكوك وهوه بيركب الكاوتش بيركبه بس ليهم طريقه معينه همه حافظينها طبعااقتباس:
المشاركة الأصلية كتبت بواسطة asyl84
بالنسبه للزجاج ده اللون الطبيعى بس يمكن عشان الصوره كانت فى المغربيه فتحس انه غامق شويه
اقتباس:
المشاركة الأصلية كتبت بواسطة esam_ayad
بنفس الطريقه اللى كاتبها الأخ حسام جابر بالأعلى بالظبط