اسف جد اني كنت بنصحكو بالعربية دي

**eng.m7md.ali** · 23-01-2013 01:42 AM

المشاركة الأصلية كتبت بواسطة lanos2004

البيرسونا بتاعتنا برضه طرمبه البور باظت بعد 25 الف كيلو -واتغيرت
عندنا بيرسونا وجين تو

هيا مش باظت عندي

بس انا بطبيعتي محسوك جدا على العربية واي صوت بيضايقني

وطبعا صوت الونة واضح جداً " على الاقل بالنسبة ليا انا "

**salah_86** · 23-01-2013 01:43 AM

باشا بمنتهى البساطة سعادتك تاخد عربيتك واخوك معاك وتطلع على التوكيل وتواجههم ولو بجحوا بجح انت كمان واطلبلهم النجدة واعمل محضر اثبات حالة
او ابعت للشركة الام فى ماليزيا
انا ليا صاحبى كان اشترى عربية لانسر بومة 2012
دراع النور مكنش بيرجع فى الاشارات وقعدوا يماطلو معاه فى المواعيد علشان يغيروة
قعد على النت بعت ميل للشركة الام تانى يوم واحد يابانى كلمة من اليابان بالانجليزى طبعا واتفاهم معاه
بعدها بنص ساعه كلمه مهندس من التوكيل وقالة يافندم القطعة موجودة تحب تيجى نغيرهالك امتى ؟!!!!!!!!!!!!!!!!!!!!!!!!!!!!!!
الناس دى مبتجيش غير بكدا
انا عن نفسى كانت عربيتى خليجى فكدا كدا كنت برة الضمان وبتعامل مع المتخصصون بس للاسف دول لانسر بس وكمان حافظين مش فاهمين

**Khaled Lanos** · 23-01-2013 04:48 AM

ربنا معاك ياباشا ومتتنازلش عن حقكك مهما كان

**brashy101** · 23-01-2013 09:13 AM

روووق يا ريس .

قول يا رب ....ورحلهم انت واصحابك وخد حقك حتي لو زعيييق .

**mado83** · 23-01-2013 10:18 AM

فعلا اسلوب الشرشحه هيكون الحل الامثل

**DESIGNER105** · 23-01-2013 12:32 PM

اسواء توكيل فى مصر .والناس الى هناك مبيفهموش اى حاجه ...منساش لما وديت عربيتى عند عصام صفا ودخلونى فى حورارات فى العفشه و دفعت 5000 جنيه واستلمت عربيه خربانه من كلو اول ملف خدتو بعد ممشيت من عندو الدركسيون مبيرجعش معايا فى الملفات ؟؟؟...وفرع العجوزه الى اسهل حاجه عندهم يقولك (مش عندنا روح ابو رواش )...وياريت بتروح ابو رواش بتلاقى حل اصلا ................توكيل زباله بجد

**shakshak2011** · 24-01-2013 03:31 PM

و الله مش عارف أقولك إيه .. انا كنت فاكر عبد الهادى أحسن مهندس فى التوكيل .. بس الظاهر إن مفيش فايده!! .. يا فيلكس إنت لازم تروح و تعمل مشكله كبيره هناك .. من غير هزار .. بجد بهدلهم الدنيا و أوعى تسكت

**Land_Cruiser** · 24-01-2013 03:53 PM

لازم ترجع لهم و ما تسيبش حقك و خد معاك أخوك علشان ما يجييش واحد يقولك كلمتين يهديك بيهم و خلاص لما تبقوا اتنين حتى لو حاول يقنع واحد التانى هيقف لهم لحد ما تاخد حقك و تغيرها و المشكله تتحل

**Raul_7** · 24-01-2013 07:06 PM

بسم الله, الاجابة ماليزيا.

ميل صارم بس نفس الوقت محترم, و شوف النتيجة.

**eng.m7md.ali** · 24-01-2013 08:01 PM

انا بشكركم جداً على تعاطفكم معايا

حسبي الله ونعم الوكيل

انا للاسف اخويا سافر النهاردة قطر فاهروح لوحدي وان شاء الله مش همشي غير لما احل المشكلة

هدخل للمهندس امر علطول واحكيله المشكلة

بالنسبة لماليزيا يا استاذ محمود انا بعتلهم كتير قبل كدة عشان كام مشكلة ومحدش اهتم .. هما مبيحولوش يكسبو عميل تقريبا

الموضوع: اسف جد اني كنت بنصحكو بالعربية دي

LinkBack

أدوات الموضوع

عرض

-

-

-

-

-

-

المواضيع المتشابهه

طرت بالعربية

هل ينفع امشي بالعربية واطلع برة القاهرة بالعربية بدون نمر

خشونة بالعربية

صوت غريب بالعربية

جبت بالعربية 170 و ظهر الآتي ..

الكلمات الدلالية لهذا الموضوع

المفضلات

المفضلات

ضوابط المشاركة