افتتاح قسم الطرق والرحلات

**islambana** · 27-07-2008 06:27 PM

المشاركة الأصلية كتبت بواسطة SAbuhashem

كويس أحسن في ناس نيلة خالص في الطرق في مصر :)

أنا عن نفسي في حتت في القاهرة أنا معرفش انها موجودة أساساً !
والمصيبة إن في حاجات بتبقى جنب بيتي وأنا معرفش انها جنبي علشان أسماء الشوارع :)

ومش عايز تريقه

بجد أنا نفسي أعرف أروح المنوفية ازاي مثلاً واللا سوهاج واللا الفيوم ؟!!

Thanks
Eng.Sherif Shaker

الف مبروك علي افتتاح القسم الجديد
واوعدك ياباشمهندس شريف اعملك موضوع ازاي تروح سوهاج عشان لما تيجي نتشرف بمعرفتك ونقوم معاك بالواجب

**mpilot_2006** · 27-07-2008 06:27 PM

حلوة قوى الفكرة دى بجد فكرة هايلة وهتحل مشاكل كتير لان الواحد قبل ما يفكر يروح اى مشوار لازم يبقى عارف هيمشى ازاى والا مش هيوصل

**sherif_84** · 27-07-2008 06:29 PM

مبروك افتتاح القسم الجديد وان شاء الله يكون فيه افادة لكل الناس ويوصلوا لكل مكان بدون عناء البحث واستهلاك بنزين على الفاضى
وعلى فكرة لازم ياشباب تدرسوا جغرافية مصر كويس ولو حتى القاهرة الكبرى مثلا جدا لأنها هتساعد بدرجة كبيرة جدا فى معرفة الطرق والاتجاهات وهتسهل عملية الفهم لو عضو وصف مكان لعضو اخر لو عارف الاتجاهات كويس مش هيتوه ان شاء الله
وربنا يسترها فى طريقنا كلنا يارب

**abdelaziz-waleed** · 27-07-2008 06:48 PM

الف مبروك علينا القسم الجديد
دائما في نجاح يا نايل موتورز

**OlaOsman** · 27-07-2008 07:02 PM

مبروك القسم الجديد

فعلا محتاجينه.. مع ان المفروض ان اللي يسأل مايتوهش.. انما في مصر و مع الفهلوة المصرية المعروفة هايتوه و يتبعت آخر الدنيا كمان.

**إسلام شاهين** · 27-07-2008 07:05 PM

قرار حكيم ومفيد ونرجو أن يكون قسما مفيدا

فيه حاجه أنا عايز أقولها بالصدفة البحته لقيت برنامج لأجهزة الموبايل الجيل الثالث اسمه القارمن وهو عبارة عن برنامج نافيجيشن روعه روعه وبنزله خرايط الدول اللي انت عايزها وفيه دليل صوتي كمان أنا النهارد لسه مجربة بخريطة قطر بصراحشغله روعه روعه أنا شغلته من الشغل للبيت وأنا مروح النهارده طلعلي الطريق كامل وتوجيه صوتي وميزته الرهيبه إنه مجااااااااااااااني مجرد بيشتغل على القمر الصناعي لا أكثر ولا أقل ، أنا بس لسه بدورله على خريطة مصر فلو حد عنده فكره عنه يبقى جزاه الله كل خير .

شكرا

**ali1spc** · 27-07-2008 07:18 PM

مبروك افتتاح القسم الجديد
اهم حاجه اتجهات الشوارع ودخول وخروج الميادين

**ali1spc** · 27-07-2008 07:21 PM

الاخ العزيز اسلام شاهين وحشنا و وحشانا موضيعك الحلوة انشا الله تكون بصحة وبخير اخوك على من الاسكندريه

**Ahmed Samy** · 27-07-2008 07:25 PM

المشاركة الأصلية كتبت بواسطة uhlphp

انا مسافر مصيف راس البر وانا من القاهرة ومعرفش الطريق وكنت هاسئال وانا ماشى فكويس اوى الفكرة دية فارجو توضيح الطريق والانسب اذاء كان هناك اكثر من طريق
وشكراً

اتفضل
الطريق من القاهرة لرأس البر واحدة واحدة