تم بحمد الله افتتاح قسم جديد للطرق والسفريات وكيفية السؤال عن الوصول لنقاط معينة في مصر
وكمان لاضافة اي تفاصيل عن رحلات قام بها الاعضاء لاماكن ما للاستفادة منها
شكرا دكتور احمد سامي لاقتراحك انشاء القسم
وفقنا الله الى ما يحبة ويرضاه
كريم منير
عرض للطباعة
تم بحمد الله افتتاح قسم جديد للطرق والسفريات وكيفية السؤال عن الوصول لنقاط معينة في مصر
وكمان لاضافة اي تفاصيل عن رحلات قام بها الاعضاء لاماكن ما للاستفادة منها
شكرا دكتور احمد سامي لاقتراحك انشاء القسم
وفقنا الله الى ما يحبة ويرضاه
كريم منير
تمااااااااااام
الى الأمام دائما نايل موتورز
وشكرا على الفكرة الجامدة دى
مبروووووووووك علينا القسم الجديد
اللى لفت نظرى اسم الموضوع افتتاح قس الطرق والرحلات
فافتكرت ان فيه قس (قسيس ) قام بافتتاح طرق
فكرة رائعة بالفعل
لكن محتاجين يكون للقسم تبويب جيد حتي يظل مرجع لكل الأعضاء
يعني مثلا قسم طرق القاهرة ... الأسكندرية ,,,, الدلتا .. الصعيد
وياريت لو حد من الأعضاء يبعت خرائط لاني سمعت ان في بالفعل خرائط في الموضوع ده
كويس أحسن في ناس نيلة خالص في الطرق في مصر :)
أنا عن نفسي في حتت في القاهرة أنا معرفش انها موجودة أساساً !
والمصيبة إن في حاجات بتبقى جنب بيتي وأنا معرفش انها جنبي علشان أسماء الشوارع :)
ومش عايز تريقه
بجد أنا نفسي أعرف أروح المنوفية ازاي مثلاً واللا سوهاج واللا الفيوم ؟!!
Thanks
Eng.Sherif Shaker
شكرا - فعلا فكرة مفتكسة جدا
وهتوفر على ناس كتير (التوهان) فى طرق مصر المحروسة وترحمنا من الناس اللى بيفتو لما تيجى تسئلهم على الطريق
وتلاقى نفسك تهت وضعت .....دى وصفة هايلة !!!!
ولى تجربة من حوالى 25 يوم كنت رايح الساحل الشمالى (اول مرة اروحه) وكانت رايح عن طريق وصفه ولما وصلت تقريبا لبرج العرب سئلت احد الناس على الطريق
وبقوله هيلتون برج العرب فين لو سمحت ....
راح قالى الهيلتووووون ياصلاة النبى ...ياصلاة النبى ..وراح وصفلى واصفة كنت هاروح بيها مطروح ...... ولم ينقذنى منها غير كمين للشرطة !!!!
مبروك على القسم الجديد ، و بالمناسبة دى عاوز اعرف الطريق و خط السير و المسافة الكيلومتر من القاهرة الى منطقة العوينات .
انا مسافر مصيف راس البر وانا من القاهرة ومعرفش الطريق وكنت هاسئال وانا ماشى فكويس اوى الفكرة دية فارجو توضيح الطريق والانسب اذاء كان هناك اكثر من طريق
وشكراً
مبروك و مزيد من الاستفاده و الافاده للاعضاء
حلوة قوى الفكرة دى بجد فكرة هايلة وهتحل مشاكل كتير لان الواحد قبل ما يفكر يروح اى مشوار لازم يبقى عارف هيمشى ازاى والا مش هيوصل
مبروك افتتاح القسم الجديد وان شاء الله يكون فيه افادة لكل الناس ويوصلوا لكل مكان بدون عناء البحث واستهلاك بنزين على الفاضى
وعلى فكرة لازم ياشباب تدرسوا جغرافية مصر كويس ولو حتى القاهرة الكبرى مثلا جدا لأنها هتساعد بدرجة كبيرة جدا فى معرفة الطرق والاتجاهات وهتسهل عملية الفهم لو عضو وصف مكان لعضو اخر لو عارف الاتجاهات كويس مش هيتوه ان شاء الله
وربنا يسترها فى طريقنا كلنا يارب
الف مبروك علينا القسم الجديد
دائما في نجاح يا نايل :biggrin2:موتورز
مبروك القسم الجديد :flowers:
فعلا محتاجينه.. مع ان المفروض ان اللي يسأل مايتوهش.. انما في مصر و مع الفهلوة المصرية المعروفة هايتوه و يتبعت آخر الدنيا كمان.
قرار حكيم ومفيد ونرجو أن يكون قسما مفيدا
فيه حاجه أنا عايز أقولها بالصدفة البحته لقيت برنامج لأجهزة الموبايل الجيل الثالث اسمه القارمن وهو عبارة عن برنامج نافيجيشن روعه روعه وبنزله خرايط الدول اللي انت عايزها وفيه دليل صوتي كمان أنا النهارد لسه مجربة بخريطة قطر بصراحشغله روعه روعه أنا شغلته من الشغل للبيت وأنا مروح النهارده طلعلي الطريق كامل وتوجيه صوتي وميزته الرهيبه إنه مجااااااااااااااني مجرد بيشتغل على القمر الصناعي لا أكثر ولا أقل ، أنا بس لسه بدورله على خريطة مصر فلو حد عنده فكره عنه يبقى جزاه الله كل خير .
شكرا
مبروك افتتاح القسم الجديد
اهم حاجه اتجهات الشوارع ودخول وخروج الميادين
الاخ العزيز اسلام شاهين وحشنا و وحشانا موضيعك الحلوة انشا الله تكون بصحة وبخير اخوك على من الاسكندريه
مبروك افتتاح القسم وان شاء الله يكون فيه افاده لجميع الاعضاء
اعتقد اهم مكان يتحط فى القسم دة هو مكان الربوة اللى كل الناس بتسال عليه كل شهر
http://i83.photobucket.com/albums/j3...ps/alrabwa.jpg
MMamdouh
روعه يسلم اللي فكر
فكرة ممتازة
بالتوفيق
اسمع ......انت هتحج السنه دي؟؟؟؟
لو هتحج ان شاء الله السنه دي
انصحك تشوف الملف دة
ملف كامل عن الحج
ملف الكتروني كامل عن مناسك الحج
واوقات المناسك
واماكنها
وكيفية اداءها
والادعية التي ترددها
بالصوت والصورة
هذا هو الطريق الي الله
ربنا يكتبه ويسرة لي ولك
http://shat-eskndria.com/forum/viewtopic.php?f=75&t=163
احسن حاجه الواحد قبل اما يروح اي حته يشوف google earth ولا ويكي خرايط و ممكن بطبع الخرايط و مبتخليش الواحد في الغالب يسال اي حد لان الطريق كله قدامه :k5:
جامدة جدا فكرة القسم دة وبالتوفيق دائما وعمل الافضل
شكرا على الفكرة
انا مسافر شرم الشيخ بالعربية اول مرة وكنت عاوز افضل طريق للسفر ويوصفهولى بالتفصيل ومحطات البنزين والسرعة كام وكدة بس عاوز الرد بسرعة عشان انا مسافر 6/5 اكون شاكر جدا على تعبكوا معايا
مبروك على القسم الجديد
السلام عليكم انا بحيكم على هذا الموضوع الرائع
ورجاء انا كنت عايز اسافر الصعيد بالعربية تحديد محافظة سوهاج سوهاج وعايز لو فى حد يقلى انسب طريق هوايه مع العلم انى مبتدا سواقة جديد بقالى 3 شهور يعنى عايز يكون طريق سهل ومش مشكلة اوصل بسرعة او لا يعنى عادى بس المهم ميكونش زحمة وياريت بالتفصيل وشكرا
مبروك القسم الجديد
وبالمناسبة ديت
انا عايز اروح العريش من طنطا بعربيتى
ممكن اخ فاضل يقولى الطريق منين؟
مع الشكر للجميع