ماشى يا ريس اتفقنا شوف بس الاستاذ كريم الاول
عرض للطباعة
يا باشا انا اللى كلمتك وكنت المفروض هقابل حضرتك النهارده وكنت مفهم حضرتك انى شغال فى التحرير النهارده بس اديك شوفت الدنيا عامله ازاى والله احنا مكناش شايفين اى حاجه وعلى العموم والله لو اتباع الموبايل هزعل والله ولو تحب حتى احولك الفلوس رصيد على رقم حضرتك مفيش مانع وابقى اخده منك فى اى وقت بعد كده
الموضوع معايا مش موضوع فلوس مشكلتى فى المواعيد
خلاص يا باشا شوف ظروفك و منتظر اتصالك بس يا ربت ماتطولش عليا
و احنا على اتفاقنا الأولاني طبعاً ... ولاّ إيه ؟!
السلام عليكم ورحمة الله
تحية طيبة وبعد ..
انا ال ( واحد اللى اتصل ) على فكره يا شباب وحصل الاتى:
كلمت الاخ الفاضل reallistic بخصوص موضوع الموبايل وقلتله ياريت سعر كويس عشان مش بحب الفصال والشغل ده لان فى الاول والاخر الموضوع عرض وطلب رد عليا وقالى نهائى 80ج قلت امين الكلام ده يوم الاربعاء الماضى شرحت طبيعة عملى وهى ( تصوير خارجى ) وهقابله فى اى محطه مترو واستلم الجهاز يوم الجمعه عشان عندى شغل الخميس فى الحسين بمناسبه ذكرى ( مولد النبى الشريف ) وقفلت على كده.
اتصل بيا يوم الخميس وانا فى الشغل وقالى يا باشا انت ماجتش ليه ؟؟ قلتله حضرتك انا قولتلك ان النهارده انا عندى شغل ولا انت ناسى ؟ قالى اه بصراحه نسيت معلش طيب ايه الكلام ؟ قلت انا هخلص شغل متأخر ولو كده ان شاء الله انا بكره ( الجمعه ) فى التحرير عشان نغطى الاحداث الراهنه ده لو الدنيا كانت بيس ومفيش قلق ولا انت مستعجل على فلوسه ؟ قال لا عادى خلاص موافق والجهاز بتاعك.
االمهم طبعا انتوا عارفين امبارح الدنيا كانت عامله ازاى والمترو كان فيه قلق وحصل اللى حصل واللى نزل التحرير عارف ايه اللى حصل طبعا ولما خلصت شغل فوجئت بالبوست اعلاه اللى هو ( مافيش مشكلة يا صاحبي و رغم أن فيه واحد كان اتصل بيا و اتفق معايا على 80 جنيه
أنا بأعرض الموبايل دلوقتي على 50 جنيه من الآخر و برضه حالة الهاوسنج تفرق كتير
ده كمان لسه بلزقة الشاشة و أنا أضمنه شهر و لو ظهر فيه أي عيوب عدا سوء الإستخدام
بما يُرضي الله يرجعلي الموبايل فوراً و أرجع فلوسه ).
طبعا اتضايقك جدا لاكتر من سبب منها
1- رغم انى تقريبا شرحت ظروفى وتم الاتفاق عن تراضى يعنى انا مخلفتش بكلامى انه عرض الموبيل للبيع. طيب وانا ؟ والكلام ؟ والاتفاق ؟ والتقدير ؟ وا وا وا الى اخره.
2- اتصلت من ساعتان استفسر منه ليه البوست ده؟ ولو موضوع فلوس ممكن ابعتله فلوسه باى طريقه حتى لو رصيد على رقمه ولما افضى اعدى اخد الموبايل انا كده غلطان ؟
قالى يا باشا معلش انا مخدتش بالى انك شغال فى التليفزيون وفعلا الدنيا كانت زفت والمترو كان زفت والكلام ده قلتله خلاص اجى اخد الجهاز قالى ماشى بس بالسعر القديم 80ج قلت ازاى انت اولا اللى قلت السعر فى الحالتين ودلوقتى انت عارضه على 50ج قالى معلش ما انا اتضايقت فقلت اعرضه على 50ج.
قلت ان شاء الله لما نتقابل وبصراحه مش عارف اعمل ايه بقه المفروض ان حضرتك اللى قلت السعر فى المرتين مش انا اللى فاصلت عشان مش بحبه وربنا يعلم وفى نفس الوقت الجهاز ده ليه معايا ذكرى جميله خصوصا ان جدى رحمه الله اهدانى موبايل زيه منذ اكتر من 11 سنه.
وعايز الموبايل للسبب ده.
يبقى الكلام ايه ؟
اخده ب 80ج ولا ب 50ج
ال 30ج والله ولا يفرقوا معايا اصلا بس مسأله مبدأ فقط
التليفون والله يلزمنى وبشده بس نظرا للاسباب الموضحه اعلاه لو اخدته هاخده بالسعر ده اللى حضرتك قلت عليه مش انا والله الموفق
ارجو تقبل كلامى بصدر رحب
وبدل ما حضرتك تيجيلى زى ما انت قلت لاء يا سيدى انا اللى هاجيلك لحد عندك وذلك طبقا للمتعارف عليه فى عمليات البيع والشراء
طالما أنت بتتكلم بالمبدأ يبقى مبدأ اتفاق الرجالة الأولاني هو إللي يمشي
ولاّ إيه يا رجالة ؟؟؟ و أنا راضي باللي تشهد بيه الناس ...
أنا شايف كان الأتفاق يمشي لو مكنش الموبيل أتعرض تاني للبيع و فضل محجوز للأتفاق الأولاني
لكن عرض الموبيل للبيع ينهي أول أتفاق
و يبقى الأتفاق على السعر الجديد المعروض بيه ال هو 50 جنية
مفيش مشكلة لو صاحب الموبيل رجع وحس ان ال 50 جنية قليلة علية خصوصا وان الموبيل لسة معاة. بس في الحالة دي تكون ال 80 جنية ع الكل.
موافق وكده يبقى عداك العيب
حضرتك هل سترتضى برأى الناس ؟
لو كده انا بكره فى العتبه عشان عندى شغل هناك لو يناسبك اجيلك بكره ولو بكره مينفعش معاك ممكن اعدى على حضرتك فى المكان والزمان اللى يناسبك عشان اخد الموبايل
وشكرا ليك وحتى لو مرضتش تبيعه ليا مش هزعل والله
وربنا يباركلك فيه