الموضوع: يا جماعه أدخل هنا وشوف فضيحه من فضايح توكيل هيونداي في مصر

لحظة واحدة بس
مش معنى ان العربية نازلة برة بموديل تاني يبقى الدنيا اتهدت
دي حاجة عادية جدا في عالم السيارات وانت لو متابع اخبار السيارات العالمية حتعرف ان ده شيء عادي
واختلاف المواصفات كلنا عارفين انه عشان بنزل بالسعر
وبلاش اللهجة الحماسية الزيادة عن اللزوم دي
وشكرا

يا باشا وانا بشتري الفيرنا عارف انها اكسنت موديل 2004 وبره بتنزل بفرامل abs و air bag وكمان عصاية الفتيس بتبقي جلد وفيها trip computer وفي موديلات بتنزل منها بفتحة سقف كل الكلام ده يا باشا بره مصر وطبعا في مصر بتنزل من غير الكلام ده كله علشان تمنها يكون منافس يعني وانا بشتريها كان تمنها ب 67000 واللانوس الكاملة كانت علي 66500 وكانت الاسبيرانزا ب 64500 فانا اخترت الفيرنا لانها احسن كماليات مقابل اقل سعر منافس لكن انا معاك ان تمنها دلوقتي مبالغ فيه (72000 ) جنيه لكن برده في عربيات تمنها مبالغ فيه جدا زي اللانسر الشارك وبعدين مش غبور لوحد اللي بيشيل حاجات من العربيات ياريت حضرتك تشوف المواضيع اللي بتتكلم عن الهوندا سيفيك الشكل الجديد حاتعرف ان التوكيل شايل برده كماليات كتير وتمنها كان 140000 وبقت ب 143000 الموضوع متعلق بحاجات كتير منها الجمارك ومواضيع كتير وبعدين الفيرنا مش بتنزل في مصر بس برده بتنزل في دول تانية حتي الان وانا الحمد لله ماندمتش للحظة اني اشترتها لانها وقتها كانت تمنها ممتاز وكمالياتها كويسة وعلي رأي ناس بتقول ان التقفيل المصري زي البطيخة والحمد لله طلعت معايا حمرا والعربية ما شاء الله تمام التمام

يعني حضرتك كاتب فضيحة
و ادخل اتفرج

و في الأخر يطلع ان الفيرنا هي الأكسنت القديمة و مافيهاش ايرباج !!!!!!

معلومات هامة و قيمة و مفيدة ...بس حضرتك متأخر ييجي بتاع خمس سنين كده

شكرا لمجهودك