حل مشكلة الاوديو فى الكاسيت * والاضائة

**ehabpopo** · 24-01-2013 06:08 PM

المشاركة الأصلية كتبت بواسطة bassem.naguib

أنا شايف أنك موصل السلك من فتحة التكييف .. الجزئية دي محتاجة توضيح برضه أنك عديت السلك ازاي جوه الكونسول .. وهل توصيل السلك بجهاز الـ mp3 بيكون من الخلف ولا من الأمام .. ودخلت برضه السلك جوة الدرج ازاي .. على العموم لما أشوفك حبقى أقولك على افتكاسه كدة قد تكون صحيحة أو خاطئة .. بس عاوز الموضوع عملي .

توصيل السلك بجهاز ال mp3 بيكون من الخلف سواء الكهربة او الداتا ... وطبعا انا كنت حليت الكاسيت ... فوصلت من الخلف ... وخرجت كابل الداتا من هواية التكييف ... بدل مايبفى خارج من الدرج لحد فتحت ال oux من الامام ... كان هايبقى شكلة اسوأ بكتيييييييير... وطبعا انا خرمت الدرج من جوة علشان انفد السلك منه ...

**ابوجنى2112** · 25-01-2013 10:35 PM

ماشاء الله تبارك الله..لاقوة الا بالله..
حاجة جميلة اوى.. ربنا يبارك لك فيها ..
وعقبال الدراع الجديد..والفوجات..هتبقى الجميلة ...جميلة بجد مش كلام..

**ehabpopo** · 26-01-2013 12:26 AM

المشاركة الأصلية كتبت بواسطة ابوجنى2112

ماشاء الله تبارك الله..لاقوة الا بالله..
حاجة جميلة اوى.. ربنا يبارك لك فيها ..
وعقبال الدراع الجديد..والفوجات..هتبقى الجميلة ...جميلة بجد مش كلام..

شكرا يا باشا على مرورك ... وان شاء نركبهم سوى
ودى صورة الزراع ... لو كانت صور باسم مش واضحة قوى
ده بعد ازنك يا باسم طبعا

**abomona** · 04-02-2013 09:44 PM

الف مبروك استاذ ايهاب ويبارك لك فيها ويكفيك شرها اكون شاكر فضلك الجهاز بتاع ال mp3 بكام والدراع اجيبة منين العنوان بلظبط والدراع ممكن اشترى من نفس المكان الفوانيس الشبورة وانا حابب اعمل الشغل دا عندى اروح لمين يعدل التعديل دا الموضوع جميل جدا وعجبنى جدا واسف للاطالة عليك لك كل الشكر والتقدير سوال بسيط الدراع دا استراد ولا جديد شكرا

**ehabpopo** · 04-02-2013 10:51 PM

المشاركة الأصلية كتبت بواسطة abomona

الف مبروك استاذ ايهاب ويبارك لك فيها ويكفيك شرها اكون شاكر فضلك الجهاز بتاع ال mp3 بكام والدراع اجيبة منين العنوان بلظبط والدراع ممكن اشترى من نفس المكان الفوانيس الشبورة وانا حابب اعمل الشغل دا عندى اروح لمين يعدل التعديل دا الموضوع جميل جدا وعجبنى جدا واسف للاطالة عليك لك كل الشكر والتقدير سوال بسيط الدراع دا استراد ولا جديد شكرا

الله يبارك فيك يا باشا ...
الدراع من عند زكى جرجس اللى فى ميدان الجامع ب 160 جم ... وعندة فوانيس الشبورة ب 110 جم الى 150 جم ...
والاستاذ / بيتر جاب فوانيس الشبورة من الزاوية ب 100 جم من عند شخلول اللى جنب اولاد رجب فى شارع سكة الوايلى ... واعتقد انهم نفس الخامة ...
بالنسبة للتركيب انا ها ركبهم عندى بنفسى لان وصلاتهم موجودة ومافيش لعب فى دفيرت الكهربا خالص ...
بيتر ركبهم فى الشرابية عند كهربائى اسمة عم حمدى وهو كان شغال فى التوكيل ... وعلى كلام بيتر هو محترف وفاهم بيعمل اية ...
بالنسبة لمشغل ال mp3 انا جبتة من التوفيقية ... عند واحد فارش فى الشارع مش محل ... لما تدخل من عند ارخصهم وتمشى علطول هاتلاقى اول تقاطع اللى بيطلعك على شارع 26 يوليو ... حود يمين ... هاتلاقى الراجل ده على شمالك مباشرتا ... حاطط كاستات وmp3 .. انا جبت ده بالتحديد علشان صغير ويدخل فى الدرج ومايبانش .. ب 50 جم ... هو كان بادىء معايا ب 75 جم ... اشتريت منة اتنين ب 100 جم لية ولا اخى ...

**abomona** · 05-02-2013 07:24 PM

الف شكر ولك كل التقدير على الرد وربنا يحميك ويكفيك شرها ويبارك لك فيه

**Khaled Suleima** · 05-02-2013 09:52 PM

بعد اذن الاستاذ / ايهاب فيه مشغل mp3 بيركب مكان الولاعه بدون اى اسلاك كهرباء وبيشغل فلاشة او كارت وفيه منه نوع فيه مخرج صوت تركب فيه السلك اللى جاى مع مسجل السيارة الى فتحةAUX وممكن تشغلة على موجة FMبتاع الراديو بس طبعا AUX أصفى انا جايبة ب45جنيه دى صوره لواحد

**ehabpopo** · 05-02-2013 11:53 PM

المشاركة الأصلية كتبت بواسطة khaled suleima

بعد اذن الاستاذ / ايهاب فيه مشغل mp3 بيركب مكان الولاعه بدون اى اسلاك كهرباء وبيشغل فلاشة او كارت وفيه منه نوع فيه مخرج صوت تركب فيه السلك اللى جاى مع مسجل السيارة الى فتحةaux وممكن تشغلة على موجة fmبتاع الراديو بس طبعا aux أصفى انا جايبة ب45جنيه دى صوره لواحد

عندى بس الخرج بتاعة مش بيعجبنى .. صوتى مش قوى .. علشان كدة عملت الشغلانة دى ...