سؤال لاصحاب الخبره لبيجو 205
صباح الورد و الفل و الياسمين على احلى اعضاء و اجمد مشرفين
بعد حبيتين البكش دول :)
بصراحه انا عايز مساعدتكم فى الاتى
اولا عايز مسعدتكم انكم تدونى معلومات عن اماكن قطع الغيار الجديده و الاستيراد لبجوا 205 مع العلم انا من مصر الجديده ..
فايريت تكتبولى اسم المحل و عنوانه ورقم التليفون و تبقوا بجد خدمتونى على الاخر .
انا حاليا عايز قاطمه كامله بدركسيون gti فايريت تقولولى بكام
و لو فكرت اجيبها من بورسعيد هوفر كام ؟
ثانيا يا رجاله: انا عايز اعدل فى العربيه بتاعتى مش دلوقتى بس قدام شويه فكنت عايز انزل بورسعيد اشترى ( عافشه كامله gti - تابلو gti - و اخيرا موتور gti 1900 cc - بالفتيس بتاعوا ) مع العلم انا عربيتى موديل 1989 معدل موتورها 1992 1400 cc
السؤال بقى يا ترى الحجات دى هتكلف كام من بورسعيد و اجيبها من فين هناك و لو حد فيكم معاه رقم تليفون حد هناك يكون مضمون و حاجته كويسه ياريت يقلى .
يانى حاجه يا تارى العفشه يفضل اجيبها جديده ولا استيراد بتمشى الحال ...!!! لان فى ناس كتير قالتلى الاستيراد مش بيكون تمام
اخر سؤال بقى يا شباب العفشه الكامله جديده ممكن اجيبها بردوا من برسعيد و بكام و من هنا بكام ...!
انا عارف ان اسألتى كتير و الكم كل الشكر و التقدير