-
من غير زق !
السلام عليكم
شباب المنتدي انا عندي مشكلة من ساعة ما اشتريت العربية بتحصل بشكل عشوائي يعني ساعات بتقعد سنه متحصلش واحيانا بتحصل يوم ورا التاني
المشكله اني لما باجي ادور العربية مش بتجيب مارش خالص يعني اخرها الكونتاكت والتكه التانيه مش بتسمع دوارة المارش ... ودتها لكذا كهربائي كل واحد يلعبلي في حاجه ويقولي هتمشي معاك تمام .. كشفت علي البطارية وشحن الدينامو وكله سليم
اخرهم : الاسطي عبد الحميد اللي في ورشة م/سليمان الاطير اللي جنب احمد فرج في الجراج .. قالي الكهربة عندك مبهدله ومحتاج تغيير علبة فيوزات والدنيا دي هتكلف 500 جنيه طبعا غير تمن علبة الفيوزات
سألت الشباب هنا http://www.nilemotors.net/Nile/33029...post3874768207
مستغليين الثمن وانا بصراحه مش فاهم هو هيعمل ايه عشان يأخد 500 جنية
طيب المساعده اللي محتاجه دلوقتي ادور العربيه ازاي بدل الزق عشان هي في الحاله دي مش بدور غير بالزق واني اشيل رجلي من علي الدبرياج مره واحده وانا جايب التاني ..
وياريت لو حد يتكرم ويفدني بحل نهائي للمشكلة العويصه دي
-
بص فك المارش و روح بيه لحد بتاع موبينة ( مش كهربائي عادي )
و خليه يفكة ( اي كهربائي هايؤولك مارش الفورد مبيتفكش و بتاع الموبينة هايجيبوا حتت ) و يشيك على الشربون
-
لو انت قريب من مصر الجديدة او مدينة نصر ، فيه واحد بتاع بوبينات في المسافة بين ميدان حلمية الزيتون وميدان المطرية اسمه "موريس جبرة" ، كنت اتعاملت معاه مرة ايام المرحومة وكان ممتاز.
-
طيب بص ياباشا لما العربية تعملها معاك تانى ابقى ادى العربية غيار واديها زقة كدة "العربية هتتحرك معاك مسافة وترجع تانى" وادخل دور بالمفتاح لو دارت يبقى كدة غالبا المشكلة فى الموبينة فيها قطع فى حتة واللى بيحصل هنا ان القطع دة بيكون هو اللى امام الشربون فلما انت بتيجى تدور المارش مش هيدور معاك
-
طيب معلش اعتقد اني عندي مشكلة مماثلة وهي ان وانا بدور العربية بتفصل كهرباء وتيجي تاني ومبيدورش المارش لان الكهرباء غير كافية انه يدور ؟ياتري ايه المشكلة
-
اكشف على القواطيش بتاعت البطارية واتاكد من انها مربوطة كويس ومش سايبة ومعلهاش املاح
لو لقيت كل دة تمام
وديها لحد بتاع بطاريات يكشفلك عليها
Content Relevant URLs by
vBSEO 3.6.0 PL2