بلد المرمطه (مصر)

**no2nn** · 25-01-2013 12:01 AM

المشاركة الأصلية كتبت بواسطة elakawy

اولا يا باشا الف حمد الله على السلامة و مصر نورت .
ثانيا انت ليه سميت موضوعك بلد المرمطة مصر ... انا مش شايف انك اتمرمطت فيها ولا اتبهدلت فيها عشان تقول عليها كده .... عنوان موضوعك يا اخي مالوش علاقة بمضمون الموضوع .

الله يسلمك يا باشا
اولا احب اشكرك جدا على تفاعلك مع الموضوع
ثانيا يشرفني ارد على حضرتك :)
مفيش حد في مصر الا ويعترف انو اتمرمط في بلده اللي بيكرّم فيها الاجنبي على قفا ابن البلد
لما اشتري عربيه ومعرفش ارخصها عشان القضاء ملوش ستين لازم (وهنا اقصد بالنسبه للمواطن العادي مش بتكلم عن القضايا الكبيره )يعني مش لازم استنى سنه عشان يتاكدو ان الراجل سرق الناس وحول فلوسو بره ونرجع بعد كده نولول ع الفلوس اللي اتسرقت واتهربت ومنعرفش نجيبها
لما موظف الحكومه بتاع المرور اللي ميسواش 5 قرش يكلمك بقرف وهو بياكل عشان بتسالو ع حاجه ف الترخيص !!
لما بتوع اي هيئه قضايئه يمشو من غير نمر ع عربياتهم ولما يقف ف اي لجنه محدش بيفتح بقو معاه
يبقى انا من حقي كــــ (مواطن عادي ) ولما اقف ف لجنه في ميدان الجيزه اشتمو عشان يسيبني امشي ... وحصل ع فكره
يبقا اللي يتطبق عليهم يتطبق علينا
ولما يبقى رئيس الدوله ممن يسمون انفسهم اسلاميون وهم لا يمسون الاسلام من اي جهه والاسلام برئ منهم
لما والدي ميلاقيش شغل بعد 22 سنه خبره كمهندس
لما تتعامل في اي مطار ف العالم ع انك فقير مهما كانت ثروتك لمجرد انك مصري
لما يكون المخترعين بتوعنا معترف بيهم برا واحنا منعرفش عنهم حاجه
لما ندفع بالــ 100000 جنيه في عربيات متستاهلش تتباع خرده
لما يترفع الدعم ويبقا ليك 5 لتر ف اليوم ( اللي انا بسخن بيهم العربيه اصلا ) !!!
عايز ترفع دعم يبقا تديني مرتب محترم عشان اقدر بيه اشتري البنزين اللي مش مدعم !
لما تتهان في اي مكان ف بلدك من ظابط شرطه مجموعه ف الثانويه تحت ال 60% ميسواش حاجه اصلا
لما تبقا ماشي خايف بالليل ع الموبايل اللي بالشئ الفلاني ولا المحفظه اللي شبه خاليه عشان متتقلبش عشان البيه مخمود في بيته ومش بيحرسك وفي الاخر يقولك الشرطه في خدمه الشعب
بزمتك بعد ده كلو مرمطه ولا لا ؟

في نهايه ردي احب افكرك ان الاختلاف ف الراي لايفسد للود قضيه
شرفتني بحضورك ف الموضوع وشاكر ليك تفاعلك
وانا مش اقصد حد بكلامي انا بتكلم بشكل عمومي
تقبل تحياتي ^_^

**graffittiii** · 25-01-2013 05:03 AM

المشاركة الأصلية كتبت بواسطة no2nn

عموما انا هاظبطها تظبيط خليجي تهمير وقطب

إيه تظبيط التهمير وقطب ده يازعيم !!!! علل .

.

**no2nn** · 25-01-2013 01:38 PM

المشاركة الأصلية كتبت بواسطة graffittiii

إيه تظبيط التهمير وقطب ده يازعيم !!!! علل .:u_thin1[1]:
.

شرفتني ف الموضوع يا كبير
التهمير ده انك بتطلع العجلتين الخلفيتين للعربيه بتبرزهم عن هيكل السياره وترفع العربيه من ضهرها وبتطلع العجلتين اللي قدام بس بنسبه اقل من اللي ورا وبتنزل البودي بتاع العربيه من قدام حد الكفر ( لحد ما يلمس الكوتش ) ومن ورا ترفع العربيه بحيث انها تبقا متهبطه من قدام ومرفوعه من ورا وده بيدي شكل مكاوي للعربيه ( لاني كنت ساكن في مكه المكرمه )
اما القطب ده ليه اشكال كتير بدايتها انك بتكيس العربيه من جوا بنوعيه بلاستيك معينه وبتجيب استيكرات وكاله وتحطها ع العربيه
وبتعمل تباريز للعربيه وبتطلع العربيه زي التهمير بس من غير ما تلعب في التهبيط
وممكن كمان تغبر العربيه وهيا انك تحط عليها الشكل اللي بيحصل لما بتمشي في ميه المطرا وهيا وساخه المياه ( لامؤاخذه ) انت بترشها ع العربيه حمايه للطلاء
وفي انك بردو ممكن تحط زينون بينك او اخضر او فسفوري
وفي بردو انك بتعلى بالجنط وانا شوفت واحد حاطط جنط 22 على هيونداي سوناتا
وبيبقى شكلها خرافه بس المشكله ان عفشه العربيه هاتضيع
في انك تغلف كراسي العربيه بالفرش المكاوي ( ودي ممكن تبقا صعبه في مصر )
وفي حاجات كتير بس ده اللي انا فاكرو دلوقتي
شرفني الرد على حضرتك
وتقبل تحياتي

**Sehsss** · 25-01-2013 03:19 PM

نورت مصر

الموضوع: بلد المرمطه (مصر)

LinkBack

أدوات الموضوع

عرض

-

الكلمات الدلالية لهذا الموضوع

المفضلات

المفضلات

ضوابط المشاركة