الموضوع: رائعه سيتروين - سى اليزيه الجديدة

المشاركة الأصلية كتبت بواسطة khaled_afandy

ذهبت الى معرض عز العرب بالعجوزة و قابات أستاذ جورج و العربية غير معروضة رغم أنى كنت أتصلت و قال لى من اسبوعين، العربية حتيجى المعرض. و قال الأسعار قد تزيد، السعر الحالى 125 للفئة العالية و لكن قد يزيد و التسليم فى أبريل....

مش عارف لم أرتاح لعدم وجود السيارة و قال أنها ممكن تيجى يوم الأثنين
امال اللى كانت معروضة فى المعرض راحت فين؟؟؟؟

فيه حجاة مش مفهومة في قصة العربية دي ؟؟!!..امال ايه حكاية الاسعار اللي زادت دي وعلى عربية مش موجودة اساسا ؟؟!!

المشاركة الأصلية كتبت بواسطة anas00

فيه حجاة مش مفهومة في قصة العربية دي ؟؟!!..امال ايه حكاية الاسعار اللي زادت دي وعلى عربية مش موجودة اساسا ؟؟!!

الاسعار فعلا مزادتش لحد دلوقتي ,بس احتمال تزيد 5 الاف

و فعلا العربية مش موجودة في صالات citroen لأن عز العرب ببساطة فاشل في التسويق !!!!!!!!!!

المشاركة الأصلية كتبت بواسطة ahmed-adel

الاسعار فعلا مزادتش لحد دلوقتي ,بس احتمال تزيد 5 الاف

و فعلا العربية مش موجودة في صالات citroen لأن عز العرب ببساطة فاشل في التسويق !!!!!!!!!!

طيب وديه حاجة مش كويسة ان الواحد يشترى عربيه الوكيل بتاعها مش عارف يسوقها
وكدا العربية مش هتحقق مبيعات بالغرض المطلوب وبعدين انا علشان العربية لازم اروح عز العرب
اللى فى اول البوابات بتاعت اسكندرية وانا فى العاشر من رمضان مشوار بصراحة

نكتة والله... حاسس ان الوكلاء بتوع ستروين وبيجو نزلوا العربيتين الستروين الاليزيه و بيجو 301 علشان الناس تتفرج عليهم ويجروا ريقهم فقط.....واحد اعلن السعر وقال ممكن يتغير علشان ميلتزمش بكلمته...وواحد مرضيش يقول على السعر اساسا علشان يبقى يقول براحته ؟!!!!...هههه....بعد ده كله تحب تتفرج على العربية ..لا اختفت او كانت متأجرة للعرض في اوتوماك ورجعت على بلد المنشأ...هههه....وبعدين الكلام عن رفع السعر بين لحظة والتانية بدون ما ندخل نفسنا في علاقة الدولار ...هي فين العربية اساسا ...مش لما تبيع وتظهر في الشارع ويحصل الاقبال ...مش المفروض اللي بيحدد السعر دراسة جادة للخطة التسويقية وظروف القوة الشرائية للعملاء؟؟؟!!لان العربية نازلة فئة اقتصادية يعني المفروض توزع على شريحة عريضة من الطبقة المتوسطة او القادرة على شراء مثل تلك الفئات..والهدف هو تسويق وانتشار كبير لمثل تلك السيارة....ولا هو سعر بيتلطع كده وخلاص واللي عاجبه يشتري...ومدام الكل رفع السعر احنا كمان لازم نرفع

اولا السيارة موجودة بفئاتها في فرع عز العب عند البوابات
ثانيا سعر السيارة اصبح 119800 و 129800
ثالثا سبب الزيادة هو ان السيارة مستوردة من السوق الاوروبي اذا تتاثر بزيادة سعر اليورو
رابعا تسليم السيارة انشاء الله في العشر ايام الاولي في ابريل

والله موضوع شراء العربية المناسبة اصبح شيئ خنيق وقرار صعب لازم تفكر كويس قبل ما تستقر على العربية المناسبة
بالنسبة ليا كنت فى الاول بفكر فى عربية متوسط سعرها 100 الف طبعا بعد زيادة الاسعار تقريبا مش لاقى حاجة عدلة ومضطر ازود شوية المبلغ اللى معايا
انا شوفت الاليزيه كصور بس ماروحتش معرض ولا حاجة بس انا شايفها جميلة جدا وستيروين ماركة محترمة طبعا فاده مشجعنى انى احجزها بس التردد مخلى الواحد مش عارف يعمل ايه وخصوصا سوق العربيات فى مصر مش مستقر خالص الواحد بين ناريين هلى يستنى اول دفعة تيجى ويشوف تقييمات الناس ولا يحجز قبل ما السعر يزيد اكتر من كده وتبعد اوى عن امكانياتى المشكلة مع احترامى لكل الناس الدكاترة اللى كانوا بيقولوا رأيهم عن العربية مرة واحد يقولك الموتور صينى ومرة واحد يقولك الفتيس فيه مشاكل طب يا عم الدكتور مش تستنى العربية تنزل الاول وتجرب وبعدين تحكم عليها بالفشل ولا لا طب هل سيادتك اقترحت عربية تانية بنفس السعر وشايفها احسن منها ماهو كل العربيات اللى فى السعر ده زى الزفت وكلنا عارفين الكلام ده ياريت يا جماعة نتكلم كلام موضوعى شوية
وعشان نعرف ملخص الكلام سر نجاح العربية و حفلظها على سمعة كويسة هو التوكيل لو توكيل العربية محترم وموفر قطع الغيار فى السوق وعامل اسعارها معقولة هيا واسعار الصيانات مع ان كلوا دلوقتى بيغلى وبيستاهبل وعند خدمة عملاء كويسة حتلاقى الناس كلها بيتعمل دعاية للعربية وسعرها حينط فى السما وطبيعى ممكن موديل يكون فيه مشاكل بس فيين دور الوكيل من الموضوع ده والله لو قدر يحل مشكلة ظهرت فى مثلا فتيس العربية يبقى خلاص شكرا انا مش عايز حاجة تانية اما لو توكيل فاشل مش موفر قطع غيار ومش موفر حلول لاى عطل قوى يظهر فى العربية يبقى مع السلامة وشكرا العربية دى لو ببلاش يبقى فكك منها عشان العملية مش ناقصة قرف فاياريت السادة الكرام مالكى سيارات السيتروين يقولولنا اى اخبار عز العرب معاهم وايه تقييمهم عن مراكز الخدمة والصيانة واكبر مشاكل قابلتهم وايه هيا العيوب الموجودة وشكرا