المشكله اني ها اكون مسافر في شغل
لو مستعجلين ممكن تروح تطمئن على المكان وانا ان شاء الله اكون معاكوا في يوم المقابله
هاتيجى عافيه ونجيب باقى الناس ...
يعنى انا قولك على الموضوع وتيجى تقول لأبو ليلى واحشنى ... هيا بقت كده :azuztao:
هانسف تراب أسكت متودناش فى داهيه فى عربيتين لو جم هايسففونا تراب التراك كله ... بس مش هاقول عليهم دلوقتى الا أما الموضوع يتأكد الاول و لما الناس أصحاب العريبه دى نفسهم يأكدوا انهم جاييين
هههههههههههه فى واحد جاى مركز اول باذن الله لسه مكلمه امبارح هههههههههههه
فيات طبعا
ابو ليلى
استاذ فى الافكار
هاشوف لو اجى بالبيكانتو
بس عارف انها هتعلم على اى كيا تانية فمش هشارك بيها
مش عايز القسم ييجى له احباط
أيــــــــــه الـday الجامد ده يابوليلى يابو الأفكار :)
ان-شاء الله جاى -الجمعة تمام :16:
لأ جميل بجد، وكمان كل الـbro's جايين.. حبيبى حبيبى حبيبى :))
بس كده انتو اللى هتروحوا يابوليلى (الرجالة بتاع الهونضاى والقيا)؟!! :first:
انت عارف الناس التانيين دول boost-addicts ولا بيخافوا ولا بيروحوا؟؟!!! lol
وعاجبانى فكرة التراك عشان دى بتبين كل حاجة فـ العربية -مش بس شد مواتير!
- وان-شاء الله هجيبلكم واحد جامد أوى فشك -مفاءجة؟!! :16:
أخى العزيز / أبو ليلى
أولا" أحب أشكرك جدا على اتصالك التليفونى بى والأطمئنان على الأحوال فى السويس
ونظر لعدم دخولى المنتدى الفترة السابقة وقلة مشاركتى الفترة القادمة بسبب الأحداث الجارية فأحب ان انتتهز هذه الفرصة لأتقدم لجميع الأخوة الأصدقاء بالمنتدى بوافر الشكر والتقدير وأخص بالذكر الأخوة الأفاضل الذين تكرموا بالأتصال بى تلفونيا أو إرسال رسائل على الخاص وذلك للإطمئنان علينا فى ظل الظروف الجارية وبدون ذكر اسماء خشيتأ من السهو بصراحة شعور طيب جدا منهم وحبايب قلبى الأسكندرانية كمان ألف شكر ليهم
معلش كان لازم أول مشاركة لى تقديم هذا الشكر
نرجع للموضوع الأصلى
طبعا إن شاء الله فى حالة ان الدنيا ماشية بخير انا موجود ومش لوحدى كمان أكيد فى حبايب من نيسان هيشرفوا معايا من السويس - طبعا مقدرش اسافر من غير م /محمد سعد
المشكلة هنا يا أبو ليلى طبعا انت تعلم ان قسم هوندا من الأقسام المقربة إلى قلبى ويربطنى بهم الآن دم
فوجود شخص حبوب ومحترم ذى احمد إيهاب الكلام ده ممكن يقلب الموازين لأن كده سوف أضطر ان اصطحب سيارتى الهوندا و لعلمكم ان قبل ما أقدم على شراء الهوندا كان لان استئذن الأول من الهنداوية و ده حصل وسمح لى كل من احمد ايهاب وسامح (سمسم) ان أكون هونداوى بس برضو أصلى كياوى اصيل مأصل ومحدش يزعل (لولا ما كنت كياوى مكنتش شفت المنتدى يا غالى ) ومن فات قديمه تاه وكيا قديمى وجديدى ان شاء الله
وطبعا اسعدنى جدا تأكيد أخى وحبيبى الصغير لو سمح لى طبعا" ياسسسسسسسسسسر على حضوره أكيد هيولع الدنيا
ربنا يجمعنا على خير ويسعد ايامنا ويعديها على خير ان شاء الله
يا دكتور .تيجى حتى و لو بطياره .احنا بس عوزين نتعرف عليك و نتشرف بيك .سيبك من العربيات معروف اخرها طبعا .عوزين نقابلك و نستفاد من علمك على الطبيعه يا معلم . و عوزينك بالمناسبه و التجمع دا تفيدنا بعلمك فى التعديل و التسقيط و كده و يا ريت تحضر حاجه كده و تقولهالنا و تشرحها عملى على اى عربيه متعدله .
انا مستعد اسيبك تكسب التراك بشرط انك تشرحلنا شويه تعديلات و اسماء بعض الحجات بالعربى على الطبيعه
بهزر طبعا على التراك ههههههههههههههههه دا انا لو جبت مركز اخير ابقى بطل
يا فندم خلاص احنا بقينا عيلة واحده وده واجب علينا كلنا ...
وانا شايف ان المواضيع عندك ابدت تهدا شوية واهم شى خلى بالك على نفسك واسرتك الكريمة .
===========================طيب يا رجالة انا شايف ان الموضوع دخل فى الجد وفى قبول وترحاب بالفكرة
بس انا منتظر لحد ما الاجواء تهدا فى البلد لان كل يوم فى جديد وقطع طرق وناس بتموت وبعدين ننفذ على طول .
معانا لاخر الاسبوع الامور هديت فى البلد نكمل تنفيذ الموضوع ...لقينا الوضع زاد
للاسف هنتضر نأجل الموضوع فترة ..الفكرة ان فى ناس هتكون جايه من سفر واماكن بعيدة ودول اهم ناس سلامتهم اهم شى عندى لان لو حد حصله حاجه لا قدر الله بسبب المقابلة مش هسامح نفسى .... ربنا ييسر الامور ويصلح الاحوال .
[color="rgb(0, 191, 255)"][/color][/quote]
لاززززززززززززم تييجى يا محمد بيه ولو عايزنا نييجى ناخدك من قلب السويس مفيش مشكله
^_^
تسلم يا غالى والله حضورك هيشجعنا كثير
وأهم حاجة فى الموضوع تقارب أعضاء جميع الأقسام ليصبحوا فعلا اسرة واحدة والإنتماء فى المقام الأول يكون للمنتدى بجميع أقسامه ثم للقسم
انا معاكو ان شاء الله.....متفرج طبعاااااااااااااا
بالنسبه ليوكو هيناسبه يوم 15 /2 و مش هيناسبه يوم 8 خالص و عوزين نباركله
مبروك يا يوكو.بس على إيه؟
:hugging:
سلام عليكم :)
فيه هنا فى الموضوع دة "عربية للسيدات" عشان نفكر ولا مش مستحب ؟ :embarrassed:
هتوفروا عليا تذكرة دبى الحقيقة :)))))))))))))))))))))) و بعدين هسافر هناك بس من غير بيكا حبيبتى :B4_048:
يارجالة أنا مش جاى أسابق ولا أعمل Lap-times :B4_048:
انتو عارفين أنا بق وكلام بس :) :ma:
- أنا جاى أسخن العربيات الـT-JET والـV-TEC وهما بيقطعوا الـ Gamma 1.6 بأنواعه؟!!! :7bteen:
هههههههههههههههههههه
وأساسى العربيات المتونة -العبد لله ممكن يعمل الـpresentation
وان-شاء الله هجيب معايا الـAssistant بتاعى :driving:
بس ربنا يسهل وأبوليلى الدنيا تهدى -ويضبطلنا الميعاد!
أنا ممكن أجى أتفرج ؟؟
ايه الاخبار يا رجاله ؟؟؟
^_^
هههههههههههه متقلقش انا هرصوهولكم :B4_611:
انا بالفعل بسأل لانى لقيت فرصتين لممارسة الكارتينج للبنات واحدة فى دبى و واحدة فى لندن
و كان نفسى اكمل الموضوع كدراسة و أقدر اخد شهادات قيادة أمنة و قيادة رياضية
بس طبعا اقرب حاجة هى دبى و لقيت الموضوع مكلف للغاية فكبت فى نفسى و سكت لحد ما لقيت مترو الانفاق دة معدى قولت أسأل فيه عربية للسيدات أركب فيها ولا لاء ( كناية والله ) :durak:
دة موقع الكارتنج تراك
Wikimapia - Let's describe the whole world!
انا قست المسافة لقيتها 891 متر تقريبا بمسطرة ويكبيديا حسيتها صغيرة جدا
هو فيه رسمة معينة للمسار هتمشى العربيات عليها ؟
هو يفضل لو حضرتك عاوز تحضرى :تصطحبى حد قريبك او اصحابك عشان متبقيش لوحدك خصوصا و انتى مروحه .
انما لو على التراك و اللعب بالعربيه انتى تنورى و نشيلك فوق راسنا زى اختنا طبعا . لو مجموعه من العضوات هيحضرو تبقى افضل .من عضوه لوحدها
و طبعا الاستاذ ابو ليلى اكيد هينظم المقابله بطريقه محترمه و منظمه و بيعمل جدول زمنى كالعاده .
أخى وصديقى العزيز أبو ليلى
أعضاء المنتدى الكرام - اعضاء قسم كيا الغاليين
ارق سلام وتحية لكم جميعا
كان لى وجهة نظر متواضعة حبيت أعرضها عليكم بخصوص هذه المقابلة ممكن تكون كويسة وممكن متكنش
طبعا اجازة نصف السنة وكما تعودنا فى السنوات السابقة مرت بها الأحداث المؤسفة المتكررة وطبعا كل المواعيد وكل الخطط اتعمل ليها هولد أو اتكنسلت وفسحة العيال بتاعة نصف السنة كمان بخ
وبما إنه حتى هذه اللحظة لم يتم تحديد موعد المقابلة وهى من الممكن ان تكون ثورة فى هذا المنتدى
فلابد ان يكون لها تجهيز قوى وحضور كبير من السادة الأعضاء
ولذلك مينفعش تتم من غير حضور ومشاركة بعض الأعضاء المميزين وإللى ليهم بصمة وعلامة فى هذا القسم بوجه خاص والمنتدى بوجه عام
وعلى سبيل المثال اخى الصغير والفهد الكبير (ياسر الصياد) حبيب قلبي
ولذلك يكون تحديد الميعاد بعد استلامه لسيارته بعد الإصلاح نحدد موعد المقابلة وبالمرة نعملوا حفلة صغيرة لنجاته من هذا الحادث ربنا يسترها معانا جمعيا
للاسف مفيش عربيه للسيدات
كل واحد بيبقى مسئول على عربيته علشان الدنيا متبوظش
كمان فى سيارات كارتينج هناك موجوده لو حضرتك عايزه تجربى بس دى خارج حساب ايجار التراك
ايوه صحيح هى المسافه لا تتعدى ال 1 كيلو متر
حضرتك فاكره ان 1 كيلو متر فى حلبه سباق سهل
صعب جداااااا حضرتك مش هتحسى الكلام ده غير لما تنزلى ارض الملعب
هتلاقى ان التراك طويل جدااااا و ان العربيه بتصعب عليكى و نفس الوقت مجهود عصبى و ذهنى قااااتل
الكلام بره التراك سهل
جوه التراك كلام تانى خااااالص
خصوصا لو فى سباق و متسابقين و جمهور و الكلام ده ليه عامل عصبى و يفقد التركيز
لذا لازم حضرتك تنزلى ارض الملعب ساعتها هتعرفى ان التراك طويل و مش بيخلص
مسار التراك احنا اللى بتحدده على حسب الغزاله
طالما الارض موجوده خلاص انا اعمل التراك اللى انا عايزه
اخليه صعب سهل متوسط شديد المنحنيات سهل المنحنيات
زى ما انا عايز كله فى ادينا
يرجى اتباع كلام moha4te لسلامه حضرتك
و ياريت لو فى بنات ناويه تييجى تعمل الكلام ده بردو
^_^
هو لسه مخلصهاش
من كان قال هنزل اعمل اللى فيها
اسف بقالى كتير مش بتابع المنتدى
بس وجهه نظر حضرتك احترمها يا أ/ محمد
عمتا انا ماشى بمبدأ " يا نعيش عيشا فل يا نفكسها للكل "
يعنى المقابله دى مش هتكمل غير فى وجود كل الاعضاء اللى عايزين يشاركوا
و الله المستعان ...
^_^
أنا معاكم أن شاء الله فى الى تتفقوا عليه ... بس عشان الناس تبئى فى الصوره
الراجل مسؤل الحلبه تعبان شويه ومش موجود وكمان حادثه ياسر ... نست الناس كل حاجه
بس ان شاء الله المقابله هاتم ... ولو ياسر ملحقش يخلص عربيته ...
هاننزل نلعب أنا وهوا بعربيتى