عرض للطباعة
استلمت النيو صني من يومين وكانت زي الفل بس بدأت اسمع صوت غريب زي ونة كدة وبتبان قوي عند اخر النقلة المهم جبت الفيتيس علي n ودوست بنزين والعربية واقفة مسمعتش الونة دي؛؛ يا تري دا من الموتور ولا الفيتيس ولا ايه بالظبط قولولي بالله عليكم لحسن انا مرعوب
انا مش فاهم حضرتك الونه دى صوت فى الموتور او جى من قدام ولا دى هزة كدا فى عصاية الفتيس ؟؟؟
يعني لما اجي اتحرك بالعربية ونا دايس بنزين بسمع صوت ونة وبتعلي اوي لما العربية بتنقل للتاني يعني الrpm بيبقي علي2 تقريبا لكن انا جربت والعربية واقفة علي n دوست بنزين صوت الموتور طبيعي و مسمعتش الونة دي
طيب يعني جايه منين ؟ يعني ونه و العربيه بترعش ولا ايه بالظبط ؟
لو مفيش تأثير على اداء العربيه خليها لحد صيانة ال١٠٠٠ و قولهم عليها فالتوكيل
يا جماعة العربية مفيهاش حاجة غير الونة دي بس انا عاوز حد من الملاك يطمني
متابع
لو قدرت تصورها فيديو يبقى أفضل ... عشان نقدر نفيدك
علشان تطمن وديها التوكيل، ان شاء الله تطلع حجة بسيطة
الونه دي صوت صفاره خفيف خالص بيظهر بس وانت ماشى؟!!!!!!
اتاكد ان الونه دي مش من الكاوتش، لانه بيلم زلط و بيعمل اصوات رخمه، و روح اطمن النهارده في التوكيل و خد عرض الزيت المجاني النهارده اخر يوم معرف مدو العرض و لا لا
الحمد لله انا جربت عربية صاحبي وعنده نفس الصوت متشكر يا جماعة علي مشاركتكم
انا اللي بشكرك انك طمنتنا عليك و علي العربية