غيرت البوجيهات اربع مرات ودايما تطلع مكربنه

**egyptiandiver** · 24-01-2013 09:40 PM

إلي فاكره يا جماعة إن أكد على إن وصلت الارضي وصلة و مش في عزل يمنع إن الكهربة تبقى تمام فيها

**dr.hazem** · 24-01-2013 10:01 PM

المشاركة الأصلية كتبت بواسطة mahmoud_anwar

ملهاش دعوة بي البطارية ولا بي الكهرباء المشكلة الي عندك والله اعلم عندك مشكلة في الرشاشات مابتضخش كويس انتا ممكن تعمل ايه تروح تغسل الرشاشات علي الجهاز وتغير سلك البوجيهات والبوجيهات ويمكن تظبط معاك جرب

انا اعتقد فعلا الموضوع كده ولو في موبينا ممكن تكون هي المشكلة....
تحياتي

Sent from my SE Arc S using Forum Runner

**mahmoud_anwar** · 24-01-2013 10:32 PM

المشاركة الأصلية كتبت بواسطة dr.hazem

انا اعتقد فعلا الموضوع كده ولو في موبينا ممكن تكون هي المشكلة....
تحياتي

sent from my se arc s using forum runner

اولآ كل سنة وانتا طيب
اما بي خصوص انها ممكن تكون موبينة فا الموبينة لو فيها حاجة هاتلقي العربية بتقطع معاه وتغيب في الدوارة غير العادم هيكون بيخرج اسود
هو الي هيحددله الموضوع ده ميكانيكي يكون شاطر وقبل ما تروح للميكانيكي اكشف علي العربية با الكمبيوتر كشف اعطال

**troyomar** · 25-01-2013 12:47 AM

شكرا يا جماعه لكل الناس اللي ردت و انا الجمعة ان شاء الله هكشف عليها كمبيوتر لان معظم الاراء انها برده الرشاشات وباذن الله هعرفكو النتيجه

**troyomar** · 25-01-2013 12:49 AM

المشاركة الأصلية كتبت بواسطة mostafa mahmod

طب ايه اخبار الدواره ؟؟؟ و هل فيه دخنه ؟؟

هي الدواره مفيهاش مشكله لكن في دخنه سودا

**abo_lamar** · 25-01-2013 09:02 AM

المشاركة الأصلية كتبت بواسطة egyptiandiver

حصلي مرة إن السحب كان في الضياع و إستهلاك بنزين بشكل غبي الصراحة و بجيهات مهببة، رحت لمكانيكي عقر و حلها الحمد لله من أول مر... السبب يا سيدي عندي كان الارضي! الرجل زبط وصلت الارضي تمام و كلو بحمد الله 100 / 100 و لا غيرت بوجهات ولا حاجة - ابقى طمنا أخوك أحمد سامي

نفس الموضوع ده حصلي برضه والحل طلع في وصة الأرضي اول الميكانيكي ما ربط عليها المشكلة اتحلت .... اوعي يكون نفس الميكانيكي اللي بتعامل معاه ؟؟

**troyomar** · 27-01-2013 01:12 AM

بعد الكشف على العربيه بالكميوتر قاللي ان حساس الشكمان مش شغال قولتله طب والرشاشات قاللي مقدرش احكم غير لما تغير الحساس .
اشتريت واحد زيرو امبارح كوري ب 175 جنيه وغيرت البوجيهات طبعا الدخنه السودا قلت كتير جدا لكن لسه موحوده خفيف .هو قاللي لازم مشوار طويل عشان المكنه تنضف من الدخان ولسه معملتش المشوار ده انا بفول الكلام ده عشان غيري ممكن تحصله نفس المشكله فيبدأ صح انه ما يجبش حساس شكمان مستعمل وأنا متشكر جدا لكل رجالة المنتدى الرائع اللي استفدت منه كتير

**msobhy** · 27-01-2013 02:03 PM

المشاركة الأصلية كتبت بواسطة troyomar

بعد الكشف على العربيه بالكميوتر قاللي ان حساس الشكمان مش شغال قولتله طب والرشاشات قاللي مقدرش احكم غير لما تغير الحساس .
اشتريت واحد زيرو امبارح كوري ب 175 جنيه وغيرت البوجيهات طبعا الدخنه السودا قلت كتير جدا لكن لسه موحوده خفيف .هو قاللي لازم مشوار طويل عشان المكنه تنضف من الدخان ولسه معملتش المشوار ده انا بفول الكلام ده عشان غيري ممكن تحصله نفس المشكله فيبدأ صح انه ما يجبش حساس شكمان مستعمل وأنا متشكر جدا لكل رجالة المنتدى الرائع اللي استفدت منه كتير

اعتقد ان الحساس تمنه مش هايقل عن 300 جنيه واللى حضرتك جبته مضروب :(