شكلي هاجيب جين 2 قريب وعايزكم تساعدوني !!

بسم الله الرحمن الرحيم

ياجماعه دلوقتي انا كان بقالي فتره محتار وعايز اجيب عربيه مستعمله وكنت محتار بين كذا عربيه وبعد فتره فكرت في جين 2 زيرو بس طبعا بعد ما غليت صرفت نظر و بدات ادور علي المستعمل

حاليا انا قدامي جين 2 موديل 2009 ماشيه حوالي 100 الف كيلو فابريكه بره وجوه بس فيها خبطه تحت الفانوس الشمال يعني واخده حته الرفرف الشمال و حته من الاكصدام بس هي دي هاتتصلح في التأمين بتاع العربيه يعني هايغير الرفرف والاكصدام بدل مايرشهم وانا ماليش دعوه التامين هو اللي هايعمل القصه دي
وهو طالب فيها 60 الف جنيه

وروحت النهارده عاينتها وعجبتني وكل حاجه فيها تمام معادا موضوع الخبطه ده
انا قولت اسال هنا الاول قبل ماخد اي خطوه ياريت اللي يعرف حاجه يا رجاله يقوللي والنبي

توكل على الله الجين تو ممتازه بس اهم حاجه الخبطه متكونس ماثره على السربنتينه او كرتيره الزيت مثلا او جسم العربيه من تحت

انا شايف ان الكيلومتر(100 الف) بتاع العربية كتير على 3 سنين
اكشف عليها كويس فى مكان معتمد

اقتباس:

---

المشاركة الأصلية كتبت بواسطة samozaen91

توكل على الله الجين تو ممتازه بس اهم حاجه الخبطه متكونس ماثره على السربنتينه او كرتيره الزيت مثلا او جسم العربيه من تحت

---

لا هيا مش ماثره علي حاجه هيا الخبطه في الرفرف والاكصدام من بره

اقتباس:

---

المشاركة الأصلية كتبت بواسطة rahieb_100

انا شايف ان الكيلومتر(100 الف) بتاع العربية كتير على 3 سنين
اكشف عليها كويس فى مكان معتمد

---

انا هاروح ان شاء الله التوكيل اكشف عليها بس هو لازم حجز الاول ولا ممكن من غير حجز

اعتقد لازم تحجز

طيب ماحدش يعرف اذا كان الرفرف والاكصدام يتغيرو في التوكيل بسهوله يعني سعرهم كام و متوفرين في التوكيل ولا لا
ولو مش موجودين في التوكيل الاقيهم فين

اقتباس:

---

المشاركة الأصلية كتبت بواسطة dandorman2010

بسم الله الرحمن الرحيم

ياجماعه دلوقتي انا كان بقالي فتره محتار وعايز اجيب عربيه مستعمله وكنت محتار بين كذا عربيه وبعد فتره فكرت في جين 2 زيرو بس طبعا بعد ما غليت صرفت نظر و بدات ادور علي المستعمل

حاليا انا قدامي جين 2 موديل 2009 ماشيه حوالي 100 الف كيلو فابريكه بره وجوه بس فيها خبطه تحت الفانوس الشمال يعني واخده حته الرفرف الشمال و حته من الاكصدام بس هي دي هاتتصلح في التأمين بتاع العربيه يعني هايغير الرفرف والاكصدام بدل مايرشهم وانا ماليش دعوه التامين هو اللي هايعمل القصه دي
وهو طالب فيها 60 الف جنيه

وروحت النهارده عاينتها وعجبتني وكل حاجه فيها تمام معادا موضوع الخبطه ده
انا قولت اسال هنا الاول قبل ماخد اي خطوه ياريت اللي يعرف حاجه يا رجاله يقوللي والنبي

---

الحاجة متوفرة في التوكيل

لكن المشي ده كتير علي 3 سنين .. يعني العربية ( مستعملة مستعملة )

الكشف في التوكيل بالحجز .. و سعر الريبورت 220 جنيه شامل حالة العربية بالكامل ( حوادث - كهربا - موتور فتيس تكييف عفشة إلخ ) بيطلعلك كل شئ في العربية و كل اللي محتاجاه و بالاسعار .

وده اضمنلك

* بقولك ان المشي ده كتير لأن عربيتي gen 2009 و ماشي 35 ألف كيلو :)

اقتباس:

---

المشاركة الأصلية كتبت بواسطة nourelmansy

الحاجة متوفرة في التوكيل

لكن المشي ده كتير علي 3 سنين .. يعني العربية ( مستعملة مستعملة )

الكشف في التوكيل بالحجز .. و سعر الريبورت 220 جنيه شامل حالة العربية بالكامل ( حوادث - كهربا - موتور فتيس تكييف عفشة إلخ ) بيطلعلك كل شئ في العربية و كل اللي محتاجاه و بالاسعار .

وده اضمنلك

* بقولك ان المشي ده كتير لأن عربيتي gen 2009 و ماشي 35 ألف كيلو :)

---

والله موضوع المشي ده مايتهيأليش انو كتير لان في واحد صاحبي معاه بردو جين 2 2009 وماشي بيها 130 الف كيلو والعربيه بتاعته بسم الله ماشاء الله بيعملها الصيانه العاديه بس
و لو الريبورت طلع فيه ان العربيه وحشه او هاصرف عليها كتير يبقي خلاص مش هاخدها