رأس رمسيس تداس عبثاً وإهمالاً

الصوره دي لسه شايفها من شويه على تويتر حاجه تزعل بجد

في اخميم بسوهاج

http://i46.tinypic.com/dco5d.jpg

ودي كمان لسه شايفها

معبد ابيدوس معبد جنائزي المياه الجوفيه غرقته واصبح المعبد الغارق مهجورا , تتآكل جدرانه وتسقط اعمدته


http://i50.tinypic.com/idrmv6.jpg

يحييك و يحيينا ربنا .... ملوش لازمة الكلام

ده حقيقي !!

احنا كدا هنبقى لا حضارة قديمة ولا نهضة جديدة

لا حول و لا قوة الا بالله. . . معبد ابيدوس ده انا زرته من اكتر من 15سنة. . . اية فى الفن و الجمال. .،

فى داهية المعابد والتماثيل, خدنا منهم غير ان كل واحد ينفخ فى صدره ويقول الفراعنة و 7000 سنة حضارة واحنا دلوقتى من احقر الشعوب.
يغوروا فى داهية.

اقتباس:

---

المشاركة الأصلية كتبت بواسطة 3ateef

فى داهية المعابد والتماثيل, خدنا منهم غير ان كل واحد ينفخ فى صدره ويقول الفراعنة و 7000 سنة حضارة واحنا دلوقتى من احقر الشعوب.
يغوروا فى داهية.

---

تصدق فعلا سبب كافى فى إن إحنا نبهدل الأثار بتاعتنا و أهم مصدر دخل ممكن يقوم البلد ديه ....... مقنع جدا السبب اللى إنت قولته الصراحة

لا تعليق !!!!!!!!!!

اقتباس:

---

المشاركة الأصلية كتبت بواسطة ahmed_ramadan

تصدق فعلا سبب كافى فى إن إحنا نبهدل الأثار بتاعتنا و أهم مصدر دخل ممكن يقوم البلد ديه ....... مقنع جدا السبب اللى إنت قولته الصراحة

---

أهم مصدر للدخل عشان فيه شوية حمير مش شايفين غير ان السياحة لازم تكون هى اول مصدر للدخل (المسؤولين). تخيل كده لو مصر مكنش فيها اّثار اصلا, كنا هنموت من الجوع مثلا ومش هنلاقى ناكل ولا نشرب ؟
وبالمناسبة, فعلا فى بلاد معندهاش تماثيل ومعابد فرعونية ومن انضف وارقى البلاد.

ولو فاكر ان البلد هتقوم بشوية تماثيل ومعابد وسياح, والعملة الصعبة هتدخل والناس هتعيش عيشة ورد تبقى غلطان, ماهى الاّثار متنيلة على عينها بقالها 7000 سنة فى مكانها, مبقيناش ليه الدولة رقم واحد ؟
ولا احنا عايزين شوية تماثيل تأكلنا وتشربنا وان شاء الله ما عننا اشتغلنا ؟


ده رأى وأنا بقوله, ومش مهتم ان اى حد يقتنع او ميقتنعش بيه.

اقتباس:

---

المشاركة الأصلية كتبت بواسطة 3ateef

أهم مصدر للدخل عشان فيه شوية حمير مش شايفين غير ان السياحة لازم تكون هى اول مصدر للدخل (المسؤولين). تخيل كده لو مصر مكنش فيها اّثار اصلا, كنا هنموت من الجوع مثلا ومش هنلاقى ناكل ولا نشرب ؟
وبالمناسبة, فعلا فى بلاد معندهاش تماثيل ومعابد فرعونية ومن انضف وارقى البلاد.

ولو فاكر ان البلد هتقوم بشوية تماثيل ومعابد وسياح, والعملة الصعبة هتدخل والناس هتعيش عيشة ورد تبقى غلطان, ماهى الاّثار متنيلة على عينها بقالها 7000 سنة فى مكانها, مبقيناش ليه الدولة رقم واحد ؟
ولا احنا عايزين شوية تماثيل تأكلنا وتشربنا وان شاء الله ما عننا اشتغلنا ؟


ده رأى وأنا بقوله, ومش مهتم ان اى حد يقتنع او ميقتنعش بيه.

---

بغض النظر عن رقى أسلوبك فى الكلام بس اللى حضرتك مش واخد بالك منه إن معظم دول العالم -النضيفة- عايشة على السياحة و اما بيكون عندهم رأس تمثال فرعونى و لا حتى رجل فرخة متحنطة بيعملولها متحف و بيجيب فلوس بالهبل ...... و ده مصدر دخل من مصادر دخل كتير بيجيبوا منها فلوس ...... و لعلمك اللى مخلى البلد ديه شغالة لحد دلوقتى الإحتياطى العملة الصعبة اللى من قبل الثورة اللى جبناه من السياحة الكافرة و التماثيل اللى مفروض نولع فيها على رأيك !!!

أه و معلومة صغيرة إحنا ليه مبقيناش دولة رقم 1 فى السياحة مع إن عندنا كل حاجة ... علشان إحنا اللى مش عارفين نصونها و نستغلها و نحميها .... ديه أسبانيا اللى بتشحت دلوقتى جالها السنة اللى فاتت 52 مليون سائح و أنا لسه راجع من هناك ....أقسم بالله إحنا عندنا حاجات تضربها بالجزمة ....تخيل أنت بقى لو مصدر واحد من مصادرك بيجيبلك عائد زى أسبانيا مع باقى المصادر اللى ممكن تطورها و تشغلها صح !!!!

ياكيو انت مش دريان بسقارة اللى قسموها تربيعات أراضى وبينوا بيوت عليها؟

وعشان ماحدش ييجى ناحيتهم رفعوا صورة مرسى وقالوا البلد بتاعتنا والريس من عشيرتنا

اقتباس:

---

المشاركة الأصلية كتبت بواسطة ahmed_ramadan

بغض النظر عن رقى أسلوبك فى الكلام بس اللى حضرتك مش واخد بالك منه إن معظم دول العالم -النضيفة- عايشة على السياحة و اما بيكون عندهم رأس تمثال فرعونى و لا حتى رجل فرخة متحنطة بيعملولها متحف و بيجيب فلوس بالهبل ...... و ده مصدر دخل من مصادر دخل كتير بيجيبوا منها فلوس ...... و لعلمك اللى مخلى البلد ديه شغالة لحد دلوقتى الإحتياطى العملة الصعبة اللى من قبل الثورة اللى جبناه من السياحة الكافرة و التماثيل اللى مفروض نولع فيها على رأيك !!!

---

رقى أسلوبى او عدم رقيه, ملكش انك تعلق عليه. مش عاجبك أسلوبى, ممكن تمتنع عن الرد من الأساس وتشترى دماغك.

اقتباس:

---

المشاركة الأصلية كتبت بواسطة ahmed_ramadan

أه و معلومة صغيرة إحنا ليه مبقيناش دولة رقم 1 فى السياحة مع إن عندنا كل حاجة ... علشان إحنا اللى مش عارفين نصونها و نستغلها و نحميها .... ديه أسبانيا اللى بتشحت دلوقتى جالها السنة اللى فاتت 52 مليون سائح و أنا لسه راجع من هناك ....أقسم بالله إحنا عندنا حاجات تضربها بالجزمة ....تخيل أنت بقى لو مصدر واحد من مصادرك بيجيبلك عائد زى أسبانيا مع باقى المصادر اللى ممكن تطورها و تشغلها صح !!!!

---

هو انت فاكر ان أى بلد عندها اّثار, شعب البلد دى بيريح ضهره على الكنبة ويشد من الشيشة ويستنى الدولارات تنزل عليه ؟؟

الناس دى بتشتغل, بزمة وضمير أوى. ولو مكنش عندهم اّثار كانوا برضه هيبقوا نضاف ومتقدمين عشان "بيشتغلوا".


احنا ربنا ابتلانا بكسل وقلة ضمير وأخلاق زى الزفت, و عمر ما الاّثار هتكون هى حل مشاكلنا.

اقتباس:

---

المشاركة الأصلية كتبت بواسطة 3ateef

رقى أسلوبى او عدم رقيه, ملكش انك تعلق عليه. مش عاجبك أسلوبى, ممكن تمتنع عن الرد من الأساس وتشترى دماغك.

أولا:
لأ طبعا من حقى الرد ما دام أنت إقتبست ردى و بترد عليا ...أنت اللى لو مش عارف ترد بأسلوب كويس متردش و أسهل حاجة إن الواحد يرد ردود فيها شتايم و أسلوب كلام محدش ميعجبش حد

هو انت فاكر ان أى بلد عندها اّثار, شعب البلد دى بيريح ضهره على الكنبة ويشد من الشيشة ويستنى الدولارات تنزل عليه ؟؟

الناس دى بتشتغل, بزمة وضمير أوى. ولو مكنش عندهم اّثار كانوا برضه هيبقوا نضاف ومتقدمين عشان "بيشتغلوا".


احنا ربنا ابتلانا بكسل وقلة ضمير وأخلاق زى الزفت, و عمر ما الاّثار هتكون هى حل مشاكلنا.

---

مين جاب سيرة إنك تركن على أثار و لا بترول و لا ذهب حتى ...... بس عندك مصدر يجيبلك دهب ليه متهتمش بيه و تنضفه و تقدمه بصورة محترمة زى كل دول العالم ...ده مصدر جاهز و لا محتاج بنية تحتية و لا محتاج مصاريف و مشاريع خزعبلية تسحب من الموازنة المطحونة

ده أنت بعد شوية المصدر اللى مش عاجبك ده تصرف منه على الصناعة و الزراعة و بنية تحتية و يبقى عندك كذا مصدر يجيبلك فلوس