-
ألى الأستاذ جبريل
فى شهر 8 راجع أنا من المصيف و معايا المدام و أبنى و أختها و أبنها من رأس البر و الكلام ده حصل فى سنة 2011 و كان معايا عربية شاهين فابريقه مو 2001 يعنى لا أتخبطت و لا رشت المهم بعد الأسماعيلية و أدام مدخل قرية من القرى اللى موجودة فى الطريق و عربية نقل دبابة خبطت فى عربية نقل تريلة كانت راكنة ناحية اليمين طبعا سواق الدبابة نام لمدة ثوانى كانت كفيلة أنه يخبط العربية من ناحية اليمين و العربية الدبابة من قوة الأصطدام و عنفه راحت معرضة فى نص الطريق و قفت بالعرض طبعا أنا جاى زراها و أضرب الفرامل العربية زحفت لحد ما خبطت فى العربية النص نقل قوللى بقى بالله عليك أنا أعمل ايه طبعا أنا أطمنت على الخسائر البشرية و بغض النظر عن اللى حصل طبعا الشرطة جت مش علشان تحقق فى الموضوع لأ علشان تمشى الطريق و طبعا ظروف الحادثة راحت و معالمها ـأتغيرت و عقبال ما جه واحد أمين شرطة من الأسماعيلية و بيقوللى حنأخد العربيتين على القسم و حتحجزوا هناك و بعدين و هو بيقلب فى العربية النقل طلع كيس بانجو و قال للراجل و حنعمل كمان محضر قيادة تحت تأثير المخدرات و حتروح معايا المستشفى علشان نعمل أختبار و حتقعدوا أنتوا الأتنين فى القسم لخد ما تتعرضوا على النيابة و النيابة تقرر مين غلطان و ألللللللللللللللللللللللل للللللا نعمل محضر تصالح و كل واحد يدينى حلاوتى و شكرا ليكوا طبعا أنا رجليا مكنتش قادر اشيلها أكتشفت بغد كده لما كشفت علييها أن مشط الرجل أتكسر و بعت العربية بنص تمنها طيب أنا كان معايا كل حاجة الراجل اللى خبط و نمرة العربية النقل التريللا اللى كانت و اقفة على جنب لاطريق كل و كان معيا الراجل نفسه و شهادة ظابط القسم اللى جه عاين لكن بعد الكلام اللى سمعته من سعادة و زير الداخلية الأمين ونظرا للظروف النفسية و اجسمانية اللى أنا كنت فيها قررت التصالح و عملنا مخضر التصالح و أنا خدت عربيتى و مشيت و ما فيش حاجة أسمها حق فى البلد دى طول ما فى فوضى أذا كان الريس مرسى بيحيي سائقى التوك توك اللى هو فى الأصل عبارة عن بلطجة متنقلة من اول اللى سايقه لحد و ضع نفسه و شكله و كل حاجة فيه أنا نفسى أعرف مين اللى جابه مصر مين اللى أستورده و مين اللى دحله البلد دى علشان يزيده خراب و فى النهاية لنا الله يا مصريين
-
لا حول ولا قوة الا بالله ... الحمد لله انك طلعت منها سليم و اني طلعت منها سليم و محدش اتأذى و انها جت في صاج و فلوس و بس
قدر الله و ما شاء فعل. الف شكر يا باشا على مشاركتك ليا و ربنا يكرمك
-
الحمد الله انكم بخير ده اهم شئ ..
Content Relevant URLs by
vBSEO 3.6.0 PL2