هل يا جماعة فى اماكن خارج التوكيل بتبيع قطع غيار للفلوانس مش اصلى و سعرها كويس .. و لو حد يعرف يعرفنا الاماكن دى ... و اسعار قطاع الغيار دى و مقارنتها بالاصلى فى السعر ؟
عرض للطباعة
هل يا جماعة فى اماكن خارج التوكيل بتبيع قطع غيار للفلوانس مش اصلى و سعرها كويس .. و لو حد يعرف يعرفنا الاماكن دى ... و اسعار قطاع الغيار دى و مقارنتها بالاصلى فى السعر ؟
قطع غيار زى أيه يا باشا مش أصلية ؟؟
بص الفلاتر والسيور والزيوت الحاجات دى روح العربية مينفعش غير الأصلى وسعرها برا التوكيل متواضع مش غالى ولا حاجة
ممكن اللعب يبقى فى الفوانيس مثلا الأكصدام الحاجات دى ممكن تلاقى منها جديد ماركات تانية أحنا مش هنقول كمان إنها تقليد ولا حاجة لكن من شركة تانية غير الشركة الأصلية المصنعة لفانوس العربية وبتبقى بجودة أقل
فيه شركات تانية برضه بتعملها بجودة أعلى من اللى بتنزل فى عربياتنا
عندك التيول مثلا هتلاقى منها أنواع برضه الرخيص منها والغالى
الطنابير كذلك
بجانب إن فيه قطع غيار استيراد كتير للعربية أصلية مستعملة لكن بحالة جيدة بتتباع برضه فى الحرفيين وصقر قريش وعين شمس
المساعدين مثلا ممكن تلاقى تركى تلاقى أسبانى تلاقى أكتر من ماركة فى السوق ممكن تجيب الأصلى بتاع العربية استيراد وممكن تجيبه جديد وممكن تجيب حاجة أقل وممكن حاجة أعلى برضه كله موجود
لكن كلمة مضروب دى أنساها يا باشا كلمة مضروب يعنى صناعة تحت السلم ومعتقدش إن حد يحط فى الفليوانس من الحاجات دى