انا كنت عملت قبل كده موضوع عن اصوات في التيدا بتاعتي 2012 هاتش باك
وللاسف رحت كتير للتوكيل بلا نتيجة انا الحمد لله قدرت اوصل بنسبة 95% لسبب الاصوات بس للاسف موصلتش لحلها
فقلت مليش غير احلي اسرة اسرة المنتدي الي فعلا بحبهم كلهم في الله رغم قلة مشاركاتي
نيجي للمهم
1- اول صوت ده جاي ما بين التابلوه والقايم الي جمب المرايا اليمين وده حاسس ان حواره كبير وملوش حل
2-تاني صوت وده اكتشفته بعد معاناه كبيرة جاي من البلاستيك او الباغة بتاعت لمبة الصالون والي كنت بتخيله كتير من حاجة جوه السقف او من فتحة السقف بس لما بمسك اللمبه بايدي بيختفي الصوت
3- تالت صوت جاي في الشنطة من القطعتين البلاستيك الي بيغطوا تقريبا الدخلة الي علي الفوانيس الي ورا تقريبا 2سم في 3 سم وبرده خليت الحاج يسوق ونيمت الكراسي الي ورا وقعدت في الشنطة ومسكتهم راح الصوت
4- رابع صوت انا عارف اني زهقتكم استحملوني :( رابع صوت من التنجيد الجلد الي تقريبا كان ضيق حبتين فيحتك ببعض او من عدم تربيطج الكراسي كويس بعد التنجيد المهم هو صوت من الكراسي الي حاسس انها مبقتش زي تقفيلة بلادها
بس خلاص هي دي حكايتي مع الاصوات الي بتحاول جاهدة تكرهني في التيدا بس ان شاء الله لايمكن لان دي بجد من اروع العربيات الي ركبتها في حياتي
فارجو مساعدتكم
استفسارين تانيين معلش
1- ينفع اركب سبويلر ليها مع العلم انها هاتشباك وهل هياثر عليها في حاجة او ايه سلبياته وفين اقدر اركبه لو ينفع
2- ازاي اشغل ميه المساحة الي ورا انا بقدر اشغل المساحة بس مش عارف اشغل الميه
اسف علي الاطاله وشكرا مقدما