أشترى منين جانبين للفيستا 1100

**ffff** · 24-01-2013 01:30 PM

يا جماعة أنا تقريبا كلمت كل بتوع قطع غيار الفورد لقيت المساعدين بتوع فيستا 1100 جداد من 700-850 الالمانى ..........بس ما لقتش السوست خالص ولا لقيت المساعدين إستيراد.....
المشكلة دلوقت عندى فى السوستة اللى إتكسرت مش المساعد أصلا خالص بس لازم كلو يتغير
أنا بصراحة عاوز أجيب مساعدين بالسوست أو حتى جمبين كاملين زى ما قطب قالى إستيراد بس منين بقى ..............ياريت اللى يعرف مكانهم يقولى وشكرا

**aYaBooY** · 24-01-2013 10:57 PM

عندك تليفونات كل الناس بتوع الاستيراد في القاهرة و الاسماعيلية في اهم مواضيع القسم
لو يئست خالص منهم خلي قطب هو الي يجيبهوملك و لو هاتعمل كدة تخليه يجيب سوست بس و هات مساعد جديد بلاش استيراد

**ffff** · 27-01-2013 02:17 AM

ما هو ده شكلى اللى هاعملو يا جو ..............بس خايف الموضوع يفتح معايا فى العفشة وتوصل لمقصات وبطاحات وغيرو فانا عاوز أخلص وأجيب جامبين كاملين إستيراد وأركبهم هايبقو أرخص بكتير..........تخيل المساعدين فقط جداد ب800
السؤال بقى............أنا كان معايا ستروين وفاكر كويس إن الميكانيكى غيرلى جمب واحد فقط اللى كان بايظ والعربية كانت تمام...............ليه ما أغيرش السوستة المكسورة فقط أو الجمب بتاعها فقط ........هاتقولى عشان عمرهم يكون واحد بس الكلام ده لو جديد.....لكن إستيراد ماهو بيبقى مستعمل قبل كده فمش هاتفرق بقى ....صح
انا العربية ناوى أغيرلها قريب بإذن الله يعنى بعد الصيف كده فعاوز ألمها يعنى .............وشكرا يا جوزيف عشان إنتى الوحيد اللى رديت ...:)

**aliabdo** · 27-01-2013 11:08 AM

بص انا جايب عفشه اسكورت امامى كامله بالبور ب 800 جنيه من واحد اسمه بيكا فى اسكندريه

**ffff** · 27-01-2013 04:52 PM

والله ياريت يا على ألاقى عفشة كاملة أمامية بالسعر ده هنا......وأنا ماعنديش بور ولا عايز والمفروض قطع غيار الفيستا 1100 تكون أرخص كمان من الإسكورت...........عموما أنا شغال بدور وبسأل أهو.......ولو حد يعرف تاجر من الوكالة يقول