عرض للطباعة
كل عام واعضاء المنتدى الموقر بخير
انا عايز اغير الاسكترا لانها مبوشة من الناحية اليمنى..... الاسكترا مربوطة ب 4 مسامير مقاس 14 منهم 2 صعب الوصول اليهم جداً ومتهيألى علشان اغيرها لازم افك القاعدة بتاعتها بالكامل ودى علشان تتفك لازم المقصات كمان تتفك وقاعدة الموتور السفلى علشان كل ده ماسك في بعضه وطبعاً دى شغلانة كبيرة وكل ده علشان المسمارين اللى في حته غريبة جداً
ياريت لو حد غير اسكترا في الفيليشيا قبل كده يقولى عمل ايه ..... والف شكر
[sor2]http://store2.up-00.com/Nov12/TtL28291.jpg[/sor2]
السلام عليكم
الاول انا زعلان منك يا استاذ ماجد علشان بقالك كتير مش معانا عاوزينك تيبقى معانا على طول
مع العلم انا زعلان منك بس مش مشكله انا هرد عليك
اولا انتا هتفك الفردتين قلى قدام و ترفع العربيه لفوق تمام
ثانثا هتلاقى الاسكترا مسكه فى المقص من فوق ببنز هتفك الصموله و على ما اعتقد صموله 17 بعدين هدق بشكوش و تسقط البنز ده لفوق يمين و شمال العجله تمام
ثالثا هتدخل تفك الكفر قلى تحت طارة الدركسيون قلى مغطى على العمود الدركسيون بمسمار صليبه
علشان تفك القطمه و تحراره بعدين اضرب غطس فى الكبوت و فك الاربع مسماير بتوع قعدة الدركسيون و اسحب العلبه فى اتجاه الرداتير و بعدين دقه بسيطه كده فكه من العمود و اسحب العلبه من جنب طنبورة الكوتش هتطلع معاك زى الحلوه بس كده
ربك المستعان
الموضوع كله بتاع الفك مش هياخد فى ايدك اكتر من نص ساعه
الف شكر يا باشمهندس احمد واوعى تزعل منى ده انت من الناس الغاليين عليا جداً ولا يمكن افوت ليهم موضوع او رد بس اللى بعدنى عنكم ان وقتى ضيق شويه ومبفتحش المنتدى كتير ولو فتحت بيبقى بأستعجال ...:Bravo:اقتباس:
المشاركة الأصلية كتبت بواسطة EngAhmedSayed
بص يا سيدى كل اللى انت قولتهولى كنت ناوى اعمله بس كانت مشكلتى فى الاربع مسامير ال 14 وبعد ما قريت ردك على الموبايل مستنش لما ارد عليك ونزلت اجرى على العربية وقلت يا انا يا المسامير دول ... وبعد 100 غطس فى الموتور وتشريح واصابات فى ايديا الاتنين تمكنت من فكهم واستخراج الاسكترا وتركيب الجديدة و فاضل بس حاجات بسيطة و ضبط زوايا مؤقت كده بس الكلام ده بكره ان شاء الله لانى خلاص جبت اخرى .....
واكرر شكرررررررى لسيادتك على الرد الرائع وربنا ميحرمناش ابداً من ردودك يا بشمهندس .
اقتباس:
المشاركة الأصلية كتبت بواسطة maged_samy
الحمد لله
يا استاذ ماجد ده انتا من الناس القدامى هنا فى المنتدى و انتا صاحب مكان
كل قلى انا بلومك فى متقطعش بينا كده مره واحده
و قلى انا عاوز اعرفه كان فى حاجه مختلفه بخصوص الشرح بتاعى و له كله كده تمام ياريت كنت صورة قلى انتا عاملته و عاملت بيه هنا موضوع
الحمد لله
و سلمى ليك
ربك المستعان
اه نسيت اقولك و انتا رايح تظبط زاويا خليه يظبط طارة الدركسيون بالمرة و لما تمشى امشى بطىء علشان الزاويا عندك مش مظبوطه يعنى على مهلك متجريش
الشرح كله تمام وللاسف انا مصورتش بس المسامير اللى فكتها هي :اقتباس:
المشاركة الأصلية كتبت بواسطة engahmedsayed
4 مسامير اللى ماسكين الاسكترا جوه الكبوت مقاس 14
4 مسامير الى ماسكين القطمه جوه العربيه مقاس 12
مسمار مقاس 12 اللى ماسك عمود الدركسيون بالاسكترا وده تحت دواسة البنزين
البيضتين بتوع الاسكتر مقاس 18 بصاموله مخرومة بتيله والجديدة الصينى مقاس 19 بصامولة كونتر
والحمد لله كله تمام وضبط زوايا
تمام انا نسيت اقولك على حاجه
ايه هى المسامير بتاعة تثبيت الاسكترا دى بتتفك بمفتاح لقمة و ماسورة تطويل
معليش دى واقعة منى و نسيت اقولك شحمة وركبت الكوتشات المزيكة و شحمة العلبة
و انتا نسيت تقولنا الاسكترا نوعها ايه و بكام و اخبارها ايه
1- بالنسبة لمسامير الاسكترا دى مزنوقه جداً ومنفعش معاها غير لقمه بمفتاح من غير تطويل لان مفيش مساحة للتطويل .اقتباس:
المشاركة الأصلية كتبت بواسطة engahmedsayed
2- بالنسبة لكاوتشات المزيكا ركبه و مربوطة بكوليهات بلاستيك من المصنع انا اعتبرت ان فيها الشحم بتاعها ، تفتكر افتحها واحط شحم ولا ايه ؟ وايه هى العلبه اللى تقصدها انها تتشحم ؟
3- الاسكترا نوعها صينى وسعرها 230 جنيه من عند المستورد عصام فلفل و جارى تجربتها .
4- صورة علبه الاسكترا الجديدة فى الرد بالاسفل
على فكرة لازم تشحم الأسكترا الجديدة انا عندى لما غيرتها فكيت الكاوتشات وملقيتش فيها شحم وشحمناها كويس واللى باعها لى قالى حط فيها شحم قبل متركبها والله اعلم !!!!اقتباس:
المشاركة الأصلية كتبت بواسطة maged_samy
هى فعلاً مفيش فيها شحم خالص ... بس مش عارف ايه الفكرة انهم ميحطوش فيها شحم قبل ما يقفلوا الكوليهات ؟ على العموم انا هحطلها شحم وهى راكبه .اقتباس:
المشاركة الأصلية كتبت بواسطة aw2100
الصينين دول بخلة بشكل على بشلم شحم يبوظوا الدنيا بببببببببببببخل وكلة على دماغ الزبون ؟؟؟؟؟؟؟؟؟!!!!!!اقتباس:
المشاركة الأصلية كتبت بواسطة maged_samy
انتا عارف ممكن يكون ده سبب فى انا علبة الدركسيون او الاسكترا الصينى بتبوظ بسرعه
و الناس متعرفش انى مبيكونش فيها شحم و تتاكل بسرعه حاجه غريبه جداااااااااااااا
و الميكانيكى وله العفشجى ركب و خلص
الناس تخلى بالها لما تجيب علبة دركسيون او اسكترا صينى يشحموها