اقتباس:
أستاذ حسام ...بالنسبه للمقدار هايبقي متوقف علي حجم الجردل لو 20 ليتر يبقي في حدود 100 مل للجردل و تزود في حدود المعقول حسب الإحتياج
أما بالنسبه للغسيل فأنا هاحكي أنا بغسل أزاي (خطوات).. و حضرتك برضه يا ريت تقول لنا
أولاً:أفضل غسيل هو اللي أنا بغسله للعربيه من حيث الحرص علي العربيه و طبعا درجة التظافة
أما بعد
الأدوات (بلاور-مكنسه-مجموعة فوط نظيفه مغسوله و ناشفه قطن-منظف يفضل شامبو -جردلين - 2 سفنجة غسيل-كوب كبير لسكب المياه-منظف زجاج)
1-نحضر البلاور و تكون العربيه مقفوله و نفتح الكابوت و ندي الموتور هوا و منساش باب الكابوت
2-بالبلاور نمشي علي جسم العربيه نزيل التراب المتراكم علي البودي و نركز علي توربيدو المساحات و مصارف مياه السقف و فروقات الأبواب و هكذا
3-نركن البلاور مؤقتا ً و نجيب المكنسه و ندخل الصالون نشغل مراوح التكييف علي أعلي سرعة تطلع التراب اللي جوه المخارج و ندور المكنسه و نبدأ نمشي علي الكراسي (حسب الخامه) نخلص ننزل للأرضيه -تكون الدواسات أتغسلت و بتنشف قبل الشروع في الغسيل - نبدأ نلم تراب الأرضيه بصبر شويه علشان نجيب الأماكن الضيقه - مننساش نمشي المكنسه علي الرف الخلفي .... مقفل الصالون نشوف الشنطه بعد ما فضيناها طبعا نبدأ نشد اللي فيها لو فيه تراب نزل في أرضية الشنطه علي الصاج يتلك بالمكنسه لكن بالقطع الفرش علشان متجرحش
4-خلصنا البلاور و المكنسه نبدأ نخش علي الغسيل ... هانجيب عدد 2 نص جردل ماء واحد بصابون عادي و التاني عادي و عدد 2 قطعة قماش متوسطه و نبدا نغسلها في المايه و نعصرها نصف عصره و نفتح الكابوت و نبدأ نمسح الفيابر و أجزاء الموتور مع الغسيل بإستمرار لقطعة القماش و بعد ما نخلص دور الصابون نيجي للجردل العادي و نغسل قطعة القماش و نبدأ نمشي علي الأماكن اللي أتمسحت مرة و أتنين و تلاته و مننساش دواير الحوض و الكابوت
5-نغسل الجرادل جيداً و نركن الفوط اللي أستخدمت للموتور و نجيب 2 فوطه للصالون و نفس محنوي الجرادل السابقه لكن نقلل الصابون و نبدأ نغسل قطة قماش مضيفه في الصابون و نعصرها و نمسح جميع الأجزاء الداخليه و بعدها جردل ماء نضيف بفوطه نضيفه و نبدأ نغسل الفوطه و نمشي علي نفس الأماكن لإزلة الصابون
6-هانرجع تاني لنفس جردل الصابون و نفتح الأبواب و نمسح بالصابون دواير الأبواب و الكاوتش و نشطف بالجردل النضيف و كذلك الشمطه
7-نقفل العربيه و بجردل مياه جاري و كوب المياه الكبير نبدأ نرش علي العربيه رشه بالكامل
8-نجيب جردل مياه بالشامبوه و مهانا السفنجه و نغمرها و نلف علي العربيه بداية بالسقف مرورا بالزجاج أمامي و خلفي و كبوت و إكصدامات و شمطه و خلافه
9-نجيب جردل مياه بصابون و سفنجه تانيه غير بتاعة البودي و نلف علي الكارتيرات و العجل و العتب
10-نجيب جردلين مياه نظيفه و بالكوب نبدأ نرش المياه لإزلة أثار الشامبو و الصابون
11-ننشف بقطة قماش مغسولة في المياه و معانا جردل مياه نضيف و قطعة القماش تتغسل بإستمرار أثناء التنشيف و تتعصر جيدا
12- بعد ما نخلص تنشف البودي نفتح الأبواب و ننشف الدواير و القوايم و هكذا كع الشنطة و الكابوت
13-ننظف الزجاج و المرايات بره و جوه بمنظف الزجاج و نمسح بقطة قماش نضيفه
14-نجيب فوطه ميكرو فايبر و ملمع تابلوه و نمسح جلود الصالون و جلود الأبواب و الشنطه و فوطه تانيه نمسح أجزاء المحرك الفايبر
15-مفرش الدواسات النضيفه و تكون ناشفه
16- مبروك عليك الغسله جيب كرسي و مشروبك المفضل و أقعد شويه معاها ههههههه
من عيوب الغسله دي (معايا أنا شخصيا )
بتستهلك مني وقت كبير و بالتالي بتكون باللين من بعد الساعة 12
العيب التاني إني مببقاش عايز حد ياخد العربيه أو يركب فيها أصلا :)
بين كل غسله و التانيه في الظروف العاديه يا ريت يبقي أكثر من 3 أسابيع
و مبروك علي العربيه و ربنا يحفظك و يحفظها
تسلمو ياغليين على المعلومات التفصيليه دى . فعلا اعضاء متعاونين ومحترمين ويشرفنى معرفتكماقتباس:
باشا يا كبير
أيوا بقي
احب الرجاله اللي بتنزل تغسل عربياتها بنفسها :]
انا كنت بأستخدم السوناكس و شبه خلص و دلوقتي عندي أرمور أول
انا كنا بأحط غطا من السوناكس و أعد أشقلب المياه بايدي لغايه ما يرغي بفوطه ميكرو عشان ناعمه و أصبن العربيه كلها مره بالميكرو, انت أصلا لو قريت اللي علي العلبه هو هيقولك النسبه قد ايه في جردل مياه قد ايه
حط ملو غطا العلبه ده عشان صغير 4-5 مرات مثلاا انا في السوناكس كنت بأعمل ملو الغطا مرتين الصراحه لكن الارمور لسه ما استخدمتوش و باعمل كده لغايه ما يرغي و قبل ما أصبن كنت بأجيب علبه جلانس فاضيه و أحط حبه من الصابون السوناكس و الباقي مياه و أرش علي العربيه كلها و أسيبه بتاع 5 دقايق كده علي ما الم العده و أحطها في الشنطه
عاوز تنشف العريه بقي يا كبير عندك الفوط الجلد
الميكرو ديه عشان تشيل بيها الواكس يا باشا مش عشان التنشيف طبقا لمعلوماتي
ديه شفتها في كارفور داندي الاتنين ب 80 باين
و فيه نوع الماني اسمه فيلدا في مول العرب الواحده ب 31.5 بالضبط :] و يفضل في حاله الفيلدا و ده مكتوب انك تغسل الفوطه بمياه سخنه قبل أول استخدام
صباحكم زي الفل يا رجاله
هو ده الشغل العالى والمحترف
انا جايب ارمو اول 450 م بسعر 28 جنيه تقريبا
وحجرب كل نصايحكم وان شاء الله تطلع احلى غسله
تحياتى للجميع