| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 6 من 6

  1. #1

    الصورة الرمزية ahmedez03

    رقم العضوية : 133940

    تاريخ التسجيل : 24Jan2013

    المشاركات : 19

    النوع : ذكر

    الاقامة : MANSOURA

    السيارة: Huyndai Elantra

    السيارة[2]: Chevrolet Aveo

    الحالة : ahmedez03 غير متواجد حالياً

    افتراضي أفيو صيانة ال 5000 .... محتاج خبراتكم - Facebook Twitter whatsapp انشر الموضوع فى :

    hasad">

    أعضاء المنتدي العزيز .... انا عضو جديد علي منتداكم .... فالاول لازم اعرف نفسي .... انا مهندس ميكانيكا انتاج و اشتغلت لاربع سنين في احد شركات تجميع السيارات الاجنبية ... و عندي خبرة كويسة عن الميكانيكا بس للاسف كلها في محركات الديزل عشان كدة محتاج مساعدتكم قبل ما اعمل صيانة ال 5000 لعربيتي .... هي عاملة دلوقتي 4000 كيلو و فيها بعض المشاكل الي محتاج فيها رأيكم ....

    عن الافيو مانيوال .... بما انها اول عربية لية .... فمش فارقة رأي لاني مش هعرف اقارن بشئ ..... بس في وجهة نظري انها مناسبة جدا لسعرها

    أول شئ في موقف عارض تعرضت لية العربية في اول 500 كيلو .... مشيت لمسافة 8 كيلوا و فرامل اليد مرفوعة علي التكة التالتة ... و من يوميها اي مشكلة في العربية حتي و لو في الاكصدام او الفوانيس ارجعها الي ان فرامل اليد كانت مرفوعة

    أولا مشاكل المكانيكة
    1- صوت المحرك مرتفع و ملحوظ جدا ..... و مش عارف هو محركات الاي تك كلها صوتها عالي .... برغم كدة العربية بتجيب ال 150 و 160 كم بدون مشاكل وممكن تجيب اكتر بس الاتزان .... و معدل استهلاك الوقود م8 الي 9 لتر لكل 100 كم دخل و خارج المدينة
    2- سامع صوت ورة من الجير بوكس و انا ممور .... بتروح لما اضغط علي دواسة الدبرايج .... أظن المشكلة في الدبرياج .... و فاكر انة اتحرق عشان المشكلة الاولي ... بس جبت سواق اختبارت الشركة و خليتة يجرب العربية طلعت معاة علي الاول و التاني عادي .... علي التالت بالعافية
    3- عصاية الجير بوكس تقيلة في النقلة التانية و المارشدية .... ساعات بتحجر في المارشدية و دي من اول ما اشتريت العربية
    4- طارة الدليكسيون معوجة سنة يمين ... مالحظنهاش الا بعد اول 3000 كم .... و برغم كدة العربية مفيهاش زاويا و مش بتحدف و انا شايل ايدي من علي الدليكسيون

    مشاكل البودي
    1- فواصل السقف من ورا و قدام مفارقة .... بتنزل و تطلع مع التك
    2- الفوانيس الامامية جاية من غير جواناتها .... الفواصل كبيرة بين الاكصدام و الفانوس
    3- كوالين الابواب الورانية و الشنطة تقيلة اوي .... مستلمها من المعرض كدة
    4- الفانوس الخلفي شمال مفارق مع الرفر .... و مش مساوي مع الاكصدام

    مشاكل الترم
    تقريبا لا شئ .... صوت تزيق من التابلوة مع المطبات و الطرق المكسرة

    حاجة تانية
    عاوز اركب فوج لامب و جهاز انظار و وحدة رفع للعربية في التوكيل عشان ضمان الكهرباء .... محدش يعرف تكلفتهم تقف عليا بكام هناك

    و اخيرا .... اعمل اول صيانة في المركز الرئيسي الي في طريق الاسكندرية الصحراوي .... ولا مشاكلي مش محتاجة و اعمل الصيانة في العاشر من رمضان ؟؟؟؟

    محتاج ردود الخبراء خاصة في مشاكل الميكانيكا .... و شكرا


  2. #2

    الصورة الرمزية kokowanted

    رقم العضوية : 23697

    تاريخ التسجيل : 30Oct2008

    المشاركات : 124

    النوع : ذكر

    الاقامة : cairo

    السيارة: msh kateb brdh

    السيارة[2]: chevy aveo coupe

    دراجة بخارية: no

    الحالة : kokowanted غير متواجد حالياً

    افتراضي -

    اهلا و سهلا مهندس احمد ، هحاول ارد على النقط المذكورة حسب خبرتى و اتمنى خبراء المنتدى يصوبونى لو اخطأت و يردوا على باقى النقط ......

    - موضوع فرامل اليد كما ذكرت ، لا يوجد منه مشكلة سوى تأكل التيل و سوف يقوم التوكيل بعمل " رجلاش " فى الصيانة القادمة.

    - أولا مشاكل الميكانيكة
    1- ارتفاع صوت المحرك مسألة نسبية من شخص لا اخر . و اذا كنت تقصد هذا الأرتفاع على سرعات مثل 150 و 160 كم / ساعة فهذا طبيعى جدا على مثل هذه السرعات العالية.
    2- اسف، لا املك خبرة فى هذه النقطة.
    3- ثقل عصا الجير بوكس فى النقلة الخلفية شبه موحد فى معظم الأفيو، لكن فى النقلة الثانية انتظر اراء الأخوة.
    4- مشكلة بسيطة سيقومون بحلها فى الصيانة بعد ذكرها لهم.

    مشاكل البودي
    1 و 2 و 4 - مشاكل جودة تقفيل عادية لمثل هذه الفئات السعرية، تزيد قليلا فى التقفيل المصرى.
    2- فوانيس الأفيو الأمامية بدون جوانات.
    3- تحتاج لتشحيم فقط و ان استمرت مشكلتها سوف تحتاج لضبطها بالتوكيل عند ذهابك.

    - لا اعرف تكلفة تركيب هذه الكماليات فى التوكيل، يمكنك البحث فى المنتدى على تجارب مشابهة للأخوة.

    - المركز الرئيسى جيد، و لكنى لم اجرب مركز العاشر لذا انتظر نصيحة الزملاء.

    ارجو ان اكون افدتك و لو بقليل بحسب درايتى، و انتظر معك تصويب الزملاء و تغطيتهم لباقى النقاط.

    http://i240.photobucket.com/albums/ff248/itldo/20080219075145aveo_3dr.jpg
    Chevrolet Club Member No. 105


  3. #3

    الصورة الرمزية ahmedez03

    رقم العضوية : 133940

    تاريخ التسجيل : 24Jan2013

    المشاركات : 19

    النوع : ذكر

    الاقامة : MANSOURA

    السيارة: Huyndai Elantra

    السيارة[2]: Chevrolet Aveo

    الحالة : ahmedez03 غير متواجد حالياً

    افتراضي -

    صديقي جوجو ونتيد ...... شكرا علي الرد و الافادة .... و دائما استفيد بخبرتك و خبرة الزملاء

    بالنسبة للمحرك .... اداءة و استهلاكة للوقود طبيعيان .... المشكلة ارتفاعة صوتة و هو علي الصلنسية


  4. #4

    الصورة الرمزية kokowanted

    رقم العضوية : 23697

    تاريخ التسجيل : 30Oct2008

    المشاركات : 124

    النوع : ذكر

    الاقامة : cairo

    السيارة: msh kateb brdh

    السيارة[2]: chevy aveo coupe

    دراجة بخارية: no

    الحالة : kokowanted غير متواجد حالياً

    افتراضي -

    العفو ، لا شكر على واجب.

    تمام حضرتك ، مازلت لم اتبين بعد هل :
    1- ارتفاع صوت فقط مع ثبات لفات الموتور rpm ؟
    2- ارتفاع لفات الموتور يصحبه بالطبع ارتفاع بالصوت ؟

    لو الحالة 1 ، انصحك بالأنتظار و الملاحظة بعد تغير الزيت الصيانة القادمة. اذا بقيت الحالة كما هى يجب استشارة مختص مع التأكيد على انها مسألة نسبية كما ذكرت من قبل.

    لو الحالة 2 ، و هذه تسببها فيشة ال tps و سيقومون بتغيرها فى الصيانة عند ذكرها.

    http://i240.photobucket.com/albums/ff248/itldo/20080219075145aveo_3dr.jpg
    Chevrolet Club Member No. 105


  5. #5

    الصورة الرمزية ahmedez03

    رقم العضوية : 133940

    تاريخ التسجيل : 24Jan2013

    المشاركات : 19

    النوع : ذكر

    الاقامة : MANSOURA

    السيارة: Huyndai Elantra

    السيارة[2]: Chevrolet Aveo

    الحالة : ahmedez03 غير متواجد حالياً

    افتراضي -

    لا في صوت عالي عندي و العربية علي ار بي ام منخفض .... انا رايح بكرة الصيانة و بكرة هقول لك اية موقف الماتور بالضبط مع الوكيل


  6. #6

    الصورة الرمزية ahmedez03

    رقم العضوية : 133940

    تاريخ التسجيل : 24Jan2013

    المشاركات : 19

    النوع : ذكر

    الاقامة : MANSOURA

    السيارة: Huyndai Elantra

    السيارة[2]: Chevrolet Aveo

    الحالة : ahmedez03 غير متواجد حالياً

    افتراضي -

    hasad">

    رحت النهاردة مركز القاضي بالعاشر من رمضان .... و بما اني كنت شغال في صناعة السيارات سابقا .... كان من السهل عليا معرفة المهندسين في المركز .... فكان التعامل معايا بأحترام .... و المشاكل الي متحلش و اسباب المشاكل الي اتحلت
    1 - بالنسبة لمشكلة المحرك .... طلعت مشكلة سيور و تمبورة هي الي كانت عاملة التكتة و الصوت العالي .... ضبطوة الحمد لله و الصوت راح ...... لكن عملوا لية مشكلة اكبر ..... حط لية زيت ........l Helix Ha5 .... 50w-15 API SL .... الزيت طبعا من الزيوت التقيلة المعدنية الغير مخلقة .... طبعا صوت المحرك بقا عالي عن الاول (برغم ان زيت التكتة راح) .... قالولي هتهدا مع الوقت لسة بس عشان الزيت جديد ..... بخبرتي القوية في الزيوت .... الموضوع دا يدمر اي محررك جديد .... لان اللزوجة العالية هتخلي الزيت بطئ في الوصول لبعض اجزاء المحرك .... الحالة الوحيدة الي ممكن تستخدمة لو كانت عربيتك بتاكل زيت ... يعني بدأت تفوت .... الزيت دا هيحسسك ان عربيتك سليمة .... دا و الله اعلم
    2- بالنسبة لصوت الورة (صوت خفيف) ..... قلي الدبرياج سليم .... الصوت جاي من الجير بوكس زي ما انا كنت متوقع .... و محتاجين نسقط الجير بوكس و نشوفة ... بس بنفضل يكون في صيانة 20 الف .... و كدة كدة المشكلة مش خطيرة و مش عاملة لك مشكلة
    3 - بالنسبة لعصاية الفتيس المشكلة اتحلت الحمد الله بالضبط و التشحيم
    4- بالنسبة لطارة الدريكسيون .... ضبطوها من التيش من تحت .... معرفش فين التيش دا ... و اول مرة اسمع ان في تيش في مجموعةالدريكسيون .... بس اضبط فيها ميل سنة بسيطة خالص مش ملحوظ تقريبا
    5- بالنسبة للفرامل .... شدوها لية و بقت ماسكة اكتر من ما انا كنت جايبها من المعرض .... اساسا انا كنت مستلمها مرخية .... حاول يقنعني في الاول انها كدا تمام ... بس في الاخر نفذ طلبي بعد ما اقنعتة ان عندني في البيت اختها الكورية و فراملها ناشفة

    بالنسبة للبودي
    1- الفواصل ما عملوش فيها حاجة .... قالوا لية تقفيل مصري و ملحاش عندنا حل .... بيني و بينك انا عارف حلها .... تلزقها و تحط عيها تقل .... زي ما كنا بنعمل .... بس لازم يكون قبل الدهان ... وفقت اني استلمها من غير حل
    2- الفوانيس مفيش عندهم جوانات
    3- الفانوس الخلفي .... قالوا لية عشان انت كنت شغال جودة هياكل فعينك بتشوف حاجات صغيرة ... الفاصل زي الفل بس انت الي بتدقق في حاجات صغيرة
    4- الكوالين ضبطوها

    انا شبة راضي عن الخدمة .... الا بس مشكلة الزيت التعبان بتاع ال5000 كيلو الي حطوة في العربية

    المضحك في النهاية .... احد المهندسين و هو بيسلمني العربية وقف معايا يسألني عن شغلي و اذا كنت مستريح ولا لا ... و ام عارض علية ان اشتغل معاهم في مكان فاضي عندهم ..... شكرتة طبعا و قولت لة لا عودة لقطاع السيارات تاني بالنسبة لية .... ولا تصميم ولا صناعة ولا حتي خدمة ما بعد البيع



 

المواضيع المتشابهه

  1. محتاج خبراتكم ....... إنقذوووونى
    بواسطة loayegypt في المنتدى مشاكل الكهربــاء
    مشاركات: 6
    آخر مشاركة: 24-01-2012, 09:24 PM
  2. أصحاب ال n 97 محتاج خبراتكم بعد إذنكم
    بواسطة ALSHARIEF في المنتدى المنتــــــدى الاجتمــاعى
    مشاركات: 0
    آخر مشاركة: 26-01-2011, 10:09 PM
  3. محتاج خبراتكم معايا يا فيتاويااااااااااااااا
    بواسطة الغزالى في المنتدى فــــيات
    مشاركات: 13
    آخر مشاركة: 08-03-2010, 03:24 PM
  4. صيانة الأفيو 5000 كيلو - محتاج بعض النصائح
    بواسطة AmrDarwish في المنتدى شــيفـرولــيه
    مشاركات: 8
    آخر مشاركة: 10-11-2009, 12:21 AM
  5. محتاج خبراتكم فى الأتوس برايم
    بواسطة segsauer في المنتدى هيــونــداى
    مشاركات: 5
    آخر مشاركة: 18-03-2008, 04:13 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2