الموضوع: WD40 مذلل الصعاب

ملاحظات عليه
انا فكيت المروحة بتاعت الكمبيوتر إمبارح "بسببها الويندوز وقع" المهم انا كنت مغرقها بيه عشان تنضف كمنى كنت حاطط شحم جواها لقييتها التراب ماسك فيها و كمان فى الهيت سنك بس مش متأكد إذا كان ده السبب لوحده


حاجة كمان أخويا رش منه على العجلة و على دراع إختيار السرعات و الدراع دا شغال لوحده لحد لما ربطنا المسامير قوى


لما إستخدمته على مفتاح ظبت التردد فى راديوا كان بايظ المفتاح إشتغل كويس

إستخدمته على مفتاح تليفون كان معلق الحمد لله شغال كويس

تقيم عام ليه ممتاز

منتج ممتاز فعلاً و أنا حالياً بستخدمه
بس كنت خايف من تأثيره على الكاوتش و المطاط و لكن الحمد لله مالوش أى تأثير سلبى

المنتج ده سحرى وامن جدا على الكاوتش والمطاط حتى انه ينصح بمسح الجلود والمطاط بيه كل فترة حتى تظل مرنة ومتنشفش وتتشقق فهو فعال جدا للحفاظ على الجلود من التشقق والجفاف .
تقدر تستعمله لتنظيف وترطيب الجلود المبطنة للابواب من الداخل كذلك المحيطة بزجاج الابواب من الخارج للحفاظ عليها من الجفاف والتشقق .
كذلك تقدر تستعمله لتنظيف وترطيب مساحات العربية كل فترة للحفاظ على الكاوتش الخاص بيها .
طبعا هو سحرى لمنع اى تزييق لاى اجزاء بتحتك مع بعضها مفصلات وخلافه.

امن جدا على الجلد ولو لزق فى ايدك بوية او ما شابه بلاش تستعمل الجاز اللى بيسيب ريحة صعبة اوى وجرب ترش منه رشة بسيطة حتلاقيه بيزيل اثار البوية او الشحوم او الصمغ او اثار استعمال لاصق (الامير) لما بيلزق فى الايد.

ولانه امن على الجلد تقدر تستعمله فى تزييت مكن الحلاقة الكهرباء ونتيجته اكتر من ممتازة .

هايل فى تلميع اى اجزاء بلاستيكية فى السيارة داخلية او خارجية.

سحرى فى تلميع اجزاء النيكل فى العربيات ( الشبك النيكل وخلافه )

ملمع رائع للاخشاب والنحاس ( كمية بسيطة على قماشة ناعمة وامسح بيها).

سحرى فى تنظيف الاتربة فى الاماكن الضيقة التى يصعب الوصول اليها .

والاف الاستخدامات الاخرى داخل المنزل وخارجه وفى المطبخ مثلا للسيدات لا غنى عنه لتنظيف الرواسب على البوتوجاز مثلا او الشفاط ونتيجته زى السحر.

انا كنت حكتب عنه موضوع منفصل لولا انى شفت موضوع سبعاوى

انا الحقيقة بعشقه وادعو الجميع الى تجربته.