بالصور طريق القنبلة ..حل مشكلة زحمة موقف العاشر ومدخل القاهرة الشرقى

أخييييرا ... ودااعااا لمشكلة زحمة موقف العاشر وطريق السندبااااااد..وانت داخل القاهرة
....خلاص مش محتاج انك وامن داخل القاهرة انك تعدي على موقف العاشر بقرفه ومايليه من شارع جوزييف تيتو وحتى مدخل السندباد..اللى بياخدو الطريق ده عارفين معنى المعاناى دى...
دلوقتى محور الجيش ربط بين طريق اسماعيلية عند العبور بالطريق الدائري بالاتجاهين...
لو داخل القاهرة ناحية الهرم أو العكس ناحية التجمع و6 أكتوبر...الطريق ده عمل معجزة فعلا....الزحمة كانت فظيعة .....وطبعا هيرفع من أسهم وسعر مدينة العبور ..لانها بقة قريبة جدا من الدائري.... واختصر المسافة بين العبور ومدينى نصر وبين العبور والتجمع لاقل من 10 دقائق....شكرا للحكومة اللى طلعت ملف الطريق من الأدراج ونفذته وشكرا للجيش اللى بيعمله...وخلاص ادامه اسابيع قلبلية
[IMG]http://nileup.com/up/uploads/nilemotors_13590399961.jpg[/IMG]

فكرة حلوة

اقتباس:

---

المشاركة الأصلية كتبت بواسطة eng/muhamad

فكرة حلوة

---

واللى عاجبنى اكتر انها اتنفدت فى شهرين وفاضلها بس كام اسبوع

انا مش فاهم هو ربط إيه بإيه ؟؟!!

كم نتمني ..

فرحتنى جدا جدا بالخبر دا والله ربنا يكرم و نمشى على الطريق دا هينجز كتييييييييييييييييييييييي ر

اقتباس:

---

المشاركة الأصلية كتبت بواسطة ahmed_ramadan

انا مش فاهم هو ربط إيه بإيه ؟؟!!

---

زي ماباسن من الصورة ربط طريق مصر اسماعيلة. من عند مدينة العبور بالطريق الدايري علطول دون الحاجة للمرور بموقف العاشر لو انت طالع الدايري..او موقف العاشر ومنطقة السندباد لو انت داخل القاهرة..والعكس ..بمعنى اصح اختصر المسافة والژحمة والوقت بطريقة بشعة

ياراجل . دة بجد ؟

المكان دة كارثة في الزحمة .
انا عندي هناك مشوار (في العبور) من اسبوعين مش عاوز اروحة عشان الزحمة

تسلم ايدك علي الخبر الجميل دة

اقتباس:

---

المشاركة الأصلية كتبت بواسطة s o p h o s

كم نتمني ..

---

ان شاء الله يخلص على خير..بس انت لو رحت عند العبور او طلعت الدايري فى المنطقة دي هتلاقي ان الطريق خلص خلاص سفلتة واضاءة وتحديد وباقى بس المدخل زالمخرج ..مبروك علينا

اقتباس:

---

المشاركة الأصلية كتبت بواسطة al_manara

ياراجل . دة بجد ؟

المكان دة كارثة في الزحمة .
انا عندي هناك مشوار (في العبور) من اسبوعين مش عاوز اروحة عشان الزحمة

تسلم ايدك علي الخبر الجميل دة

---

اه والله بجد :) وكمان شوفت انه خلص بنشبة ٩٠ ٪ فاضل بس المدخل والمخرج الطريق من جوا خلص خلاص.. بس لو عايز تروح العبور روحها من الدايري عادى دلوقت مش زحمة اتجاه وانت رايح..بس الفكرة انك مترجعش من نفس الطريق لانه زحمة طبعا فى الرجوع..بعد ما تخلص مشوارك ارجع من الشروق..اطلع من العبور وخد اول يوتيرن وكمل عكس اتجاه القاهرة اتجاه اسماعيلية لحد الشروق حوالى ٥ كيلو بس وامشى فى طريق الشروق ٥ كيلو سؤيع ونضيف هتلاقى نفسك على طريق السويس قبل الرحاب بشوية يبقى انت اختصرت الوقت كتير

اقتباس:

---

المشاركة الأصلية كتبت بواسطة ma8rabye

زي ماباسن من الصورة ربط طريق مصر اسماعيلة. من عند مدينة العبور بالطريق الدايري علطول دون الحاجة للمرور بموقف العاشر لو انت طالع الدايري..او موقف العاشر ومنطقة السندباد لو انت داخل القاهرة..والعكس ..بمعنى اصح اختصر المسافة والژحمة والوقت بطريقة بشعة

---

أنا عارف المنطقة كويس بس فى حاجة غريبة عندى ...كل الصور المرفوعة على سيرفر المنتدى مش بتظهر!!

هو الطريق اتجاه واحد فقط من الدائرى فى اتجاه طريق الإسماعيلية وللا هايكون ليه مدخل على طريق الإسماعيلية فى اتجاه القاهرة كمان ؟؟

ياااااه...
انا كنت ساكن في النزهة وكانت معاناة بسبب الزحمه وكنت بشيل الهم وانا نازل الصبح....
ربنا يتمم على خير...
تحياتي

Sent from my SE Arc S using Forum Runner

اقتباس:

---

المشاركة الأصلية كتبت بواسطة khaled_nowaihy

هو الطريق اتجاه واحد فقط من الدائرى فى اتجاه طريق الإسماعيلية وللا هايكون ليه مدخل على طريق الإسماعيلية فى اتجاه القاهرة كمان ؟؟

---

لا الطريق حارتين فى كل اتجاه و اقصى سرعة ١٢٠ .... من طريق اسماعيلية الى الدائري والقاهرة... ومن الدائري ايضا طريق اسماعيلية .. وربنا يتمم على خير يارب حل فوق الوصف

اقتباس:

---

المشاركة الأصلية كتبت بواسطة dr.hazem

ياااااه...
انا كنت ساكن في النزهة وكانت معاناة بسبب الزحمه وكنت بشيل الهم وانا نازل الصبح....
ربنا يتمم على خير...
تحياتي

sent from my se arc s using forum runner

---

يارب ان شاء الله ده هيريحنا من اكبر ازمات حياتى

انا مش فاهم ايه علاقه الطريق الجديد
بالنزهه وجوزيف تيتو
مش المفروض ان الطريق من العبور للدائري والعكس