الموضوع: مشكلة فى البوابة وشكر لاعضاء هوندا لمساعدتهم ليا

ربنا يجعله في ميزان حسناتهم ان شاء الله

المشاركة الأصلية كتبت بواسطة ehab16

بصراحه مش عارف ابتدي منين لكن ممكن اقول ان عربيتي جتلها حاله جنان مره واحد فجاءه و بدون مقدمات جاي ادور لقيت العربيه علي 2000 rpm قولت شويه و حتنزل لكن بعد شويه لاقيتها بتخرف طالعه نازله ما بين 2000 و1500 في حاله السلانسيه لكن لما امشي بيها ماسكه 2000 و مش عازيه تنزل قولت اشوف في اي و بفتح غطاء الموتور لاقيت سللك البنزيت ضايع و كده بقت المشكله مشكلتين قولت اضبط حاجه حاجه دخلت الجراج و جيبت
المهم حاولت ارش اسبراي انضف البوابه و لا اي حاجه لكن ابدا حلفت ما تتعدل بس كانت ماشيه المهم قولت ما بدهاش بقي اكلم كبير الجراحين سمسم و بصراحه بسم الله ما شاء الله عليه موسوعه هونداويه بتمشي علي لارجلين اقعد يشوف معاي الاحتمالات علي التليفون و يشرحي اونا واقف ادام العربيه لما حسيت ان سمسم مخاوي و معايا عفريت تبعه او الكاميرا شغاله و انا مش شايف المهم طبعا معرفتش اصد الكم الهائل من المعلومات بتاعته و قولته انا هنجت ولما عرف اني من اسكندريه قالي كلم يحيي وشوفه فين المهم كلمت يحيي و دي اول مره اكلمه و عرفته بنفسي و اني من المنتدي و كده واتفقا نتقابل عند فرح بتاع قطع الغيار علشان نشوف موضوع الكابل رحت و شويه جت يحيي و باتسامه جميله و سلم عليا و كان لسه ناوله اجازه اول يوم من الشغل قالي يالا نبدا و فجاءه لاقيه قلع الجاكت و نط تحت الدواسه و طلعه بالكابل بدون ما افتح بقي حتي و راحنا سالنا علي الكابل طلع مش موجود طلعنا ورا ء بعض علي منطقه السوف و لفينا بره ملاقيناش بصراحه انا كنت محرج جدا من تعاون غير عادي من يحيي و بصراحه طلع عينه معاي و برضه مالاقيناش و اتقفنا تقابل يوم تاني المهم علشان ماتهوش مني روحت و قولت لسمسم علي الي حصل و بصراحه سمسم و لا يحيي دول مشكله اكتر من محرمين و متعاونين و حفه روح غير عاديه المهم سمسم قالي في مشكله في البوابه و شرحلي انضفها ازاي دخلت الجراج و مشيت مع الارشادات السمسمويه و فك و نظف لاقيت المشكله ان الفاست ايدال مسدود من الصدا طبعا طلع عيني لحد ما نضف و بعدين لاقيت خرطوم الميه الي داخل الايديال نفسه مصدي و متاكل من عند المسوره الضغير بتاعت المدخل روحت لخراط شاطر جنبنا عملها نحاس و ركبت كل حاجه زي ما كانت و لما كنت بتوه في الحوسه دي كنت بكلم سمسم و يوجهني المهم ركبت كل حاجه و دور يا باشا نوته موسيقيه اشتغلت المكنه ضبطت زي الفل و هديته و تمام التمام طبعا كلمت سمسم شكرته و طبعا حاولت اكلم يحيي ماردش المهم شويه لاقيت يحيي بيتصل فقولتله انا كنت بتصل بيك علشان اشكرك و يرد الشاب المحترم و يقولي انا اسف اصل انا اضريت انزل القاهره و ماسمعتش التليفون وبتصل بيك علشان اقوللك لني لاقيت الكابل جبتهوللك طيب بالذمه قولولي اعمل ايه مع الناس دي مش لاقي كلام و الله يعبر عن شكري ليهم بصراحه فريق جراحين و رجوله و شهامه فوق الوصف سواء يحيي و لا سمسم بصراحه و نعم الشباي الهونداوي الرجوله علي حق

يا ايهاب بيه متقولش كده احنا كلنا اخوات وبنساعد بعض وانا فى الخدمه فى اى وقت

المشاركة الأصلية كتبت بواسطة ahmedeihab

ده العادى بتاع الرجاله دى سواء سامح او يحيي ( سى زفت ) :d:d

^_^

لا متربى فعلا !!

الواحد بيحمد ربنا على النعمه اللى ربنا انعم عليه بيها بناس زى سمسم والشباب اللى معانا فى منتدى هوندا
سبحان الله لو مكانوش موجودين كان زمان الواحد انتحر
هههههه
ربنا يخليكوا لينا يا ردااااااله

المشاركة الأصلية كتبت بواسطة abo-berry

لا متربى فعلا !!

يا عمنا ما أنا قلتلك صاحبنا ده فى الضياع .. الهوندا واكلة دماغه الله يكون فى عونه