الموضوع: العفشه

اخوانا الكرام حبيت انقل لكم ما تم في العفشه للاستفاده

1-إسكاترا استيراد خلعتها من نصف عربيه ابيزا ب400 جنيه وقالولي ان الجولف اكبر قليلا في الطول
2- بيضتين مقصات الماني جداد ب150 جنيه
3-حاجه كده شبه حلقه بمسمارمتركب فيها كوتش استبليزر معرفش اسمها استيراد الاتنين ب70 جنيه
4- جوز مقصات جولف استعمال نضاف وربما يكونوا استيراد لان الراجل ده اللي اعرفه انه بيشتغل استيراد بس ب100جنيه
5-بطاحتين بتوعها جداد ب140 جنيه
6-بيضتين دركسيون وحاجه كمان نسيتها دلوقتي الماني جداد مجموعهم ب230 جنيه
7-جوز مساعدين بتوعهاجداد ب580 جنيه
عند بتاع قطع الغيار الاستيراد فتحي عدس كان عنده مساعدين الجولف ومرضاش يبيعهم لي لما عرف ان العربيه شيري ونصحني اشتري بتوعها جداد لان بتوع الجولف حيكونوا ضعاف عليها مع اني كنت مركب جولف وكانت احلى من بتوعها وكمان كنت مركبه استعمال ونصيحه للي حيشتري ما يجيبش بتوعهاالا اما يختبرهم لان بعد ما ركبتهم لقيت واحد منهم محجر ومرضيش يرجعه بعدها بيوم فقط وانا كنت بدور على حاجه تخص العربيه عند بتاع السيات قال لي البايع ان مساعدين التوليدوا بيركبوا عليه وانا اعتقد ان لو كان كلامه صحيح حيكونوا افضل لانهم الماني مش صيني وكمان ارخص جداد ب500جنيه وممكن يقلوا انت وشطارتك
والمصنعيه على مرحلتين الاول طلع ما بيفهمش واعتقد انه السبب في تحجير المساعد الشمال الجديد لاحظت ان البطاحات مش مستويه على الكوز من فوق يعني مش بايته صح ولما رحتله تاني نفس النتيجه وخد 300 جنيه مصنعيه رحت لواحد تاني في نادي الصيد اسمه الاسطا حامد راجل محترم وعنده ضمير وصنعه ونحسبه من المتقين ظبطلي الكلام وهو اللي ركب بيض الدركسيون والحاجه اللي انا مش فاكرها دي اللي اعتقد انهم جلب مش متاكد وكان يوم شتاء او سيول وراح معايا بعربيته وفاصل كمان وساب الشغل اللي في ايده وعملي العربيه بعد ما حلها كلها وخد 150جنيه واتعدلت العفشه لكن بقت مشكلة علبة الباور(طلمبة) غيرتها استعمال اكثر من مره بطرمبه اودي استعمال وكانت سيئه رجعت ركبت القديمه هي دلوقتي احسن بكتير من الاول لكن الظاهر ان لازم اجيب طرمبتها وان شاء الله حيحصل قريب هي ب600 جنيه

يا بشمهندس احمد انت تنور البلد وان شاء الله يكون لي نصيب واسلم عليك ...لكن انا كنت بهزر معاك ولم اقصد ابدا ان اعلق عى اسمي على النحو الذي فهمته حتى انا قلتلك انا حنصرف ده على اساس ان اسمي ارواح بس لكن والله انا بحبك في الله وسلامنا للباشمهندس الصغير وربنا يباركلك فيه