عرض للطباعة
السلام عليكم ورحمة الله وبركاته
انا معايا استرا 2005 ساعات بلاقيها ناعمة جدا ما شاء الله وساعات بحس بخشونة بسيطة فيها
وساعات السلانسيه بتاعها بيكون شديد شوية وساعات بيكون ضعيف
المشكلة ده ملهاش علاقة بالبنزين لاني ساعات بحسها مع 92
سؤال ثاني : انا جربت احط بنزين 80 للعربية من بنزينة نضيفة
ومحستش باي فرق عن الـ 90 فهل اواظب على الـ 80 ام انه من الممكن حدوث مشاكل للسيارة
وملحوظة اخرى : لما بحط 92 للعربية بحس ان صوت العربية بقى عالي على عكس الـ 90 و 80
ايام نعمه جدا و بتجري جامد و بتاخد المطبات بنعوميه
و ايام خشنه شويه و صوت الموتور اعلى شويه و تقيله في الجرى
نفس الى بيحصلي في سيارتي السابقه ميجان ٩٩ و سيارتي الحاليه سيفيك ٢٠٠٧
دو مش لاقى اى تفسير للموضوع ده غير ان يمكن تغيير فى ecu بتاع الموتور
سبحان الله بجد
نفس الاحساس فى لانسر 2011 وما لهاش علاقه لا بننزين ولا حر ولا برد
نفس الاحساس فى نوبيرا 2002 مانيوال
تقريبا على حسب شعور العربيه و المكان الى انت راكنها فيه و المشوار الى انت رايحة
زى ما تكون رايح للميكانيكى بعيب تقولهوله يجرب يلاقى العربيه سليمه و مفيهاش اى حاجة خالص
طب العمل ايه ؟
الموضوع ده طرحتة كتير فى مشاركات سابقة لانه كان بيحصلى فى عربيتى بس انا عربيتى فكترا 92 كربراتير مش انجكشن وكنت بحس ساعات انها ناعمة وصوتها هادى وبتسحب معايا حلو وساعات بحس ان هى خشنة وصوتها عالى وبتنتش وزفت مع ان بحط بنزين 80 على طول ومش لاقى تفسير للموضوع ده بس قى اعتقادى الامر متعلق بكهربة العربية فية حاجة فى الكهربا بتاثر على اداء الموتور
يمكن الموضوع نفسي؟؟؟
أو ليه علاقة بدرجات حرارة الجو؟؟؟؟
و ساعات بحس إن ده ممكن يكون ليه علاقة بالشكمان ؟؟؟
غير طبعا إن علميا إنتباه العقل للمؤثرات يزيد ليلا عن نهارا..........
و العربية عموما بتبقى أهدى و أنعم معايا بعد مشوار فيه جري بس مش بقرص جامد...........
اضم صوتي لكم . ساعات جميلة وساعات .......
بس طالما دخل فيها بنزين 80 و90.. مايبقاش مجرد placebo-effect؟!! :rolleyes:
هو آه فيه بنزين وضغط كاوتش وحرارة الجو (وحالتك انت وإحساسك بالعربية)...
بس فيه تغيير جامد فـ أوكتان البنزين، ده لوحده كفيل انه يغير فـ أداء الموتور والعربية؟!!!
بالنسبة لأن صوت الموتور أعلى مع الـ92:
قد يكون صحيح؛ عشان اللخبطة مابين 80-90-92 بيبرجل الموتور طبعا (ignition-timing)
ودى عربية جديدة وموتور Eco-TEC مافيهاش فيشة أوكتان والكلام ده.. :duh:
يعنى بتضبط توقيت البوجيهات عـ البنزين حسب الـknock؟؟
بتحصلي ساعات
بس الفرق اني بدور العربية الصبح واستنى دقيقة وامشي .. او اسيبها دايرة وانزل اعمل حاجة وارجعلها يكون مؤشر الحرارة وصل للنص
وفعلا بحس ان العربية بتبقى انعم لما تسخن لحد النص بعد كدة اتحرك بيها