السلام عليكم ورحمة الله وبركاته

امبارح نزلت المنصورة فسحة للعيال وتغيير جو مع مجموعه من العائلات الأصدقاء كل واحد فى عربيته
وقولت فرصة احسب استهلاك البنزين على المشاوير الكبيرة الطوالى
رغم انه مش طوالى خالص .... كل مترين مطب !!!
ما علينا ... أنا كنت مفول بنزين من كام يوم وقولت البنزين معايا هيكفينى ان شاء الله المشوار رايح جاى ....المهم ان مؤشر البنزين عندى غير دقيق زى معظم العربيات بسبب البالونة اللى موجوده فى التانك بتكون شاربة بنزين
المؤشر كان فى التلت الأخير ومتابعه طول اليوم
ركنت ونزلنا اتغدينا ورجعت لاقيته نزل تحت الصفر ... أنا اتخضيت.. قولت حد فتح التانك وسرق البنزين ولا ايه !!! ... بصيت على غطاء التانك لاقيته مقفول بالمفتاح ومفيهوش مشكلة
قولت يبقى البنزين اتسرب ولا ايه وبقيت ماشى قلقان للعربية تقف منى فى اى لحظة
الحمد لله وصلنا البيت ومفيش اى مشكلة حصلت ... واضح ان العيب من المؤشر اللى فى التابلوه .. وده استكمالا لمسلسل المشاكل الرخمة اللى بتحصلى اليومين دول

ياترى ايه سبب المشكلة وتتحل ازاى ؟
هل المشكلة فى العوامة اللى فى التانك ؟
ولا فى التابلوه ؟
تنصحونى بإيه

وبالنسبة للناس اللى عندهم شاهين .... مش المفروض عندنا لمبة بتنور لما البنزين بيقرب يخلص ويكون على الإحتياطى ؟
أنا عمرى ما شوفتها منورة ابدا فى عربيتى !!!
ياترى اللمبة محروقة ولا ايه ؟

ديه صورة المؤشر والعربية شغاله

وديه صورته والعربية مطفية ... مفيش اى فرق ... المؤشر ميت تماماً