زيت الفتيس و نوعة

**alaa007** · 03-02-2013 11:13 AM

المشاركة الأصلية كتبت بواسطة khaled lanos

أحب أضيف ان زيت الفتيس في اللانوس عشان يتغير لازم تفك كارتيرة الفتيس من تحت وهي ماسكها 10 مسامير 13 وتنزل الزيت القديم كلو وتغسل الكارتيرة كويس بالبنزين..وهتحتاج جوان كرتيرة فتيس بــ 10 جنيه هات قبل ما تفك لأن القديم هينزل متقطع، ويستحسن تجيب مع الجوان أنبوبة سيليكون حراري بــ 7 جنيه عشان تضمن عدم تسريب الزيت.

وأنا أنصحك بزيت فتيس شل درجة لزوجة 90 اللتر بــ 18 جنيه من البنزينة هتشتري 2 لتر بــ 36 جنيه وهتعبي 1.8 لتر فقط.
كده الإجمالي 53 جنيه فقط وتبقى غيرت الزيت والجوان وظبطت الأداء :)

فعلا انا لسه عامل الشغلانه دية من إسبوع بس الزيت بقى ب 24 جنيه اللتر

**elwaworld** · 08-02-2013 05:52 PM

المشكلة ان كتير من محطات البنزين بترفض فكرة تغير الزيت كنوع من تريح الدماغ

**moryalex** · 10-02-2013 08:13 AM

المشاركة الأصلية كتبت بواسطة khaled lanos

أحب أضيف ان زيت الفتيس في اللانوس عشان يتغير لازم تفك كارتيرة الفتيس من تحت وهي ماسكها 10 مسامير 13 وتنزل الزيت القديم كلو وتغسل الكارتيرة كويس بالبنزين..

طيب انا عربيتى دايو نوبيرا اتوماتيك ولسة مغير زيت الفتيس والراجل مفكش حاجة خالص هوة حط خرطوم كدة متصل بمكنة شفط وشفط بواقى الزيت اللى كان موجود -كان متبقى حوالى 1 لتر فقط مش عارف الباقى راح فين- ومغسلش بالبنزبن ولا حاجة وبعدين حط الزيت الجديد هوة كدة غلط واللا ايه؟

**Khaled Lanos** · 13-02-2013 10:17 PM

المشاركة الأصلية كتبت بواسطة moryalex

طيب انا عربيتى دايو نوبيرا اتوماتيك ولسة مغير زيت الفتيس والراجل مفكش حاجة خالص هوة حط خرطوم كدة متصل بمكنة شفط وشفط بواقى الزيت اللى كان موجود -كان متبقى حوالى 1 لتر فقط مش عارف الباقى راح فين- ومغسلش بالبنزبن ولا حاجة وبعدين حط الزيت الجديد هوة كدة غلط واللا ايه؟

اه غلط الصح كان فك الكارتيرة عشان الزيت القديم ينزل براحته وكمان بيبقى مليان رايش من اللي قلبك يحبه وبعديها الكارتيرة تتغسل كدا بالبنزين غسلة حلوة ويتعمل له جوان جديدة وتحط سيليكون وتقفل..الشفط أكيد مبيسحبش الزيت كله وحتى لو سحبه كدا بيطلع الرايش القديم بين التروس فوق مستحيل يطلع مع الزيت وهو بيسحب ولما تملى زيت جديد الرايش دا ينزل تاني وأكنك معملتش حاجة وبالتالي تلاقي النقلات خشنة معاك وومكن تعض بردو..

أنا دايما مش بحبذ فكرة الشفط دي