إلي خبراء الـ Hr: التعليم عن بعد .....هل بيقيم زي التعليم العادي..

السؤال دة موجة بصفة خاصة الي خبراء الهيومان ريسورس...في منتدانا العزيز (زي اختنا الفاضلة علا عثمان) ....
من فترة وانا متابع تطور التعليم عن بعد (Distance Learning) وهو - للناس ايلي ماتعرفوش- عبارة عن نظام تعليمي عالي او فوق العالي (ماستر او دكتوراة او دراسات عالية ) يتم من خلال المراسلة وليس الحضور بنسبة كاملة (100% يعني )...

النظام دة كويس قوي قوي قوي للناس ايلي شغالة (زي حالاتي كدة ) وعايزة تزود مهارتها وتعلمها من غير ما تسيب الشغل وتتفرغ للدراسة (حيث ان الشغل هو مصدر الدخل الوحيد)...

السؤال بقي:
هل يا تري التعليم عن بعد دة ...مٌقيم في مصر...يعني لة نفس الثقل بتاع التعليم العادي (Full time ) ولا هايتبصلة علي انة شهادة متباعه ولا مدفوع فيها فلوس...؟؟؟

وهل في ناس ليها تجربة حقيقية مع النوع دة من التعليم ....يعني خاضت التجربة وحصلت علي شهادات وجربت تشتغل بيها ....؟؟؟

واضح ان ما حدش سمع عن حكاية التعليم عن بعد دي.....ولا حتي بتوع الـhr ...

بتختلف
تبعا للجامعه اللى انت واخد منها الشهادة
يعنى لو جامعه معروفه عالميا ومحترمه
غير لما تكون جامعه محدش سمع بيها

هوا اغلب الجامعات اللى شغاله فى الموضوع ده بتعتمد فيه على الربح
بس فيه جامعات كويسه (ولازم تروح تمتحن فى مركز تابع ليها) وبيبقى بنظام الكريديت
ولكل مادة فيه دكتور بتابع معاه

لكن السؤال هنا
هل لما بتاخد شهادة الماستر مثلا
بيبقى مكتوب فيها انك كنت بتتعلم عن بعد ( لا اظن انه بيبقى مكتوب فيه)

اخى hero
انا بادرس الموضوع بقالى فترة طويلة لاحتياجى ليه
و راسلت كام جامعه
"على فكرة انا كنت بادور فى مجال الجوده"
النظام ده ماشى زى الحلاوة بره مصر و جامعات كتيرة اوى شغاله بيه
بس الفكرة زى ما قال اخونا كاسبر
فى جامعات و جامعات
و بتبان فى المصروفات و نظام الدراسه و تعريف بالدكاترة او اصطف الجامعه

يعنى انا مثلا لقيت جامعه الحكايه تتكلفلها حوالى 8000 دولار
و لقيت نفس الحاجات فى جامعه تانيه كبيرة عنها بحوالى 30 الف
يبقى اكيد احمد مش زى الحاج احمد

و الموضوع ده منتشر اوى فى العالم و بدأ يغزو عالمنا العربى الاول
يعنى لقيت جامعه فى الامارات و راسلتهم كذا مرة للاستفسار
و كانت عبارة عن مقررات تبعت لى بالبريد
يعنى كتب و سى ديهات
و لى تقريبا على ما اذكر 3 مرات فى الاسبوع او الشهر" مش فاكر بصراحه"
اكون فيها متواصل مع الدكاترة المسؤلين عنى عبر النت
و كانت معتمده من جامعه كبيرة بانجلترا
بس كانت مصاريفهم 18 الف ريال
مبلغ برضه كبير على و على تفكيرنا كمصريين