| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 13 1 2 3 4 5 6 11 ... الأخيرةالأخيرة
النتائج 1 إلى 10 من 126

  1. #1

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي اهم مشاكل دهان عربيتك وطرق علاجها - Facebook Twitter whatsapp انشر الموضوع فى :

    hasad">

    شك في ان كتير مننا بتقابله مشاكل مع دهان عربيته ......مثلا ممكن تكتشف بعد الرش بيوم او اتنين وجود بقايا دهان

    على الزجاج او الاطارات الكاوتش او الفوانيس.... او ممكن تتخبط العربية لا قدر الله....

    او ممكن تتعرض لخدوش
    (( تتخربش ))
    ..وغيرها من المشاكل الوارد انها تقابلنا زي البارومة مثلا او الشقوق ....طبعا كل المشاكل دي وغيرها لها اثر سلبي على مظهر العربية .... .



    الموضوع بقى الغرض منه هو انك تعرف ازاي تحل المشاكل دي كلها باقل تكلفة ممكنة و ايضا انك تعرف ازاي تحمي عربيتك من المشاكل دي... من باب (( الوقاية خير من العلاج .......))



    (( المشكلة الاولى )) : و دي اكتر مشكلة بتقابل الناس و هي ان العربية تتخبط (( لا قدر الله )) و دي حلها بيعتمد على درجة الخبطة بمعنى الخبطة خفيفة او جامدة

    1)) لو الخبطة خفيفة ((يعنى مالهاش اثر على الدهان )) و لكن الصاج داخل لجوه في الحاله دي بتكون العملية سهلة وهي انك بتروح عند سمكري انت بتثق فيه و تخليه يرجع الصاج لوضعه الطبيعي من غير مايقرب للدهان ...... العملية دي اسمها (( دق على البارد )) يعنى بيدق الصاج من غير استعمال الاسطوانة (( لهب الاكسيستيلين )) ودي بتساعد على رد الصاج لوضعه الاصلى قبل الخبطة و في نفس الوقت تحافظ على الدهان كما هو .....

    و العملية دي تكلفتها حسب مساحة الخبطة يعني لو الخبطة واخدة الباب مثلا بتتكلف اكتر من انها تكون واخدة جزء من الرفرف

    بس هي بتتكلف من اول 40 جنيه الى 100 جنيه
    (( شامل كل الاحتمالات .....)) .


    2)) الاحتمال الاسوء و هو لما تكون خبطة شديدة (( واكلة باب مثلا او كبوت ........لا قدر الله )) ساعتها انت بتاخد

    العربية عند السمكري و هو بيرجع الصاج لوضعه الطبيعى
    (( و ممكن العملية تلزم قطع غيار يعني باب جديد او كبوت جديد ))
    المهم بعد ما السمكري ينتهي من شغله بتاخد العربية عند فني الدهان

    فني الدهان في الحالة دي بيصنفر مكان اللحامات ان وجدت بواسطة الصاروخ و بيزيل


    (( البرايمر )) و ده دهان لونه احمر فاتح بيستخدمه السمكري عشان يوضح لفني الدهان المناطق اللي اشتغل فيها ((

    سمكرها )) ...
    و بعد كده بيزيل الدهان القديم بواسطة المزيل (( paint remover ))......... او ممكن بواسطة النار (( يحرق الدهان القديم ))......... او ممكن بواسطة سكينة المعجون (( يقشره )) و بعد مايقشره يصنفره بورق صنفرة رقم 60 و ينعمه بصنفرة رقم 120 .





    و بعد ازالة الدهان.... بيمعجن بواسطة معجون ستوك (( stock )) و دي ماده غليظه لونها وردي ....طب ياترى بيمعجن ليه؟؟؟؟؟ عشان يخلى الصاج الجديد فى مستوى واحد مع الصاج القديم (( يعني يخلي الصاج الجديد اللي ركبه السمكري على مستوى واحد مع صاج العربية الاصلي ))




    بعد مايجف المعجون بيصنفر بورق صنفرة رقم 60 و يتنعم (( يتسحق )) بورق صنفرة رقم 120 وبعد كده ممكن يرش

    على المعجون مباشرة او يرش فلر الاول و ده مادة لةنها ابيض او رمادي تستخدم فى سد اي ثقوب موجوده فى المعجون بعد

    الصنفرة و بعد ما يرش الفلر ينعمه بصنفرة 320 و بعد كده يرش


    و العملية دي مكلفة وممكن تتكلف من 200 الى 600 جنيه (( شامل كل الاحتمالات ))






    طب لو فى حالة انك صحيت الصبح لقيت واحد خربش العربية بمسمار مثلا ساعته اول حاجة تعملها(( انك تدعي عليه ))

    ساعتها بجد تروح عند فنى الدهان هايروح يطفى اللون حول الخدش بصنفرة رقم 320 و بعد كده هايمعجن مكان الخدش

    طبقة معجون خفيفة
    (( قشرة )) .

    و بعد ما المعجون يجف يصنفره بصنفرة رقم 120 بواسطة كاوتشة الصنفرة و الماء (( كاوتشة الصنفرة بتساعد انها تخلى

    المعجون على مستوى واحد مع الصاج عند عملية الصنفرة ))
    و بعد كده بينعم المعجون بواسطة صنفرة رقم 320 و يرش

    و دي تتكلف 40 جنيه بالكتير




    و دي وارد حدوثها و هي بعد الرش بيوم او اتنين اكتشفت وجود بقايا دهان على المرايا او الزجاج او الجنوط او الفوانيس فى الحالة دي ممكن تعمل حاجتين ::::::


    ا )) تروح عند فني الدهان اللي رشها و هو هاينظف الدهان الزيادة بواسطة قطعة قطن موضوع عليها تنر thinner

    و طبعا ببلاش


    ب)) انك تستعمل قطعة قطن عليها شوية جاز و تمسح الدهان الزياده .... .




    (( المشكلة التالتة )) : و هى انك تكتشف وجود بارومة فى الصاج .............الاول عايز اوضح يعنى ايه بارومه و ايه سبب حدوثها ..........
    البارومة هي تاكل فى الصاج (( او المعدن بصفة عامة )) تنتيجة وجود الصدا

    و سبب حدوثها هى الغسيل المتكرر للعربية (( عمال على بطال ))

    ازاي تقدر تتخلص منها .............بطريقتين :-
    1))

    تروح عند فني الدهان و هو هايمعجن البارومة و بعد كده يصنفرها اي كلام (( عشان يخلى المعجون ماسك و قوي )) و بعد كده يرش

    و لكن بيني و بينكم الحل ده ينفع معاك لمدة 3 اسابيع بالكتير لان المعجون هايقع و تلاقى كل حاجة رجعت زي ماكانت


    و ده ينفعك لو عايز تفحص العربية فى المرور و ماعندكش وقت







    2)) و ده الحل الصح انك تروح عند السمكرى وهو هايلحم حتة صاج جديدة مكان البارومة و بعد كده تاخدها عند فنى

    الدهان و هو هايصنفر اللحام بالصاروخ و بعد كده هايمعجن ويصنفر المعجون و ينعمه ويرش


    و بالحل ده تقدر تنسى ان كان عندك بارومة اساسا ......




    (( المشكلة الرابعة )) : و هى انك بعد الرش بفترة بسيطة لقيت الدهان اتشقق في الحالة دي بدون نقاش هاتروح لفنى

    الدهان اللى رشها و تخليه يعملها و طبعا ببلاش



    و لكن من اجل الافاده هاشرح ازاى فنى الدهان يحل المشكلة دي ..... الاول بيصنفر الشقوق بصنفرة رقم 60 عشان يشيل

    الدهان التالف (( المتشقق )) و بعد كده بيمعجن الشقوق و يصنفر المعجون بصنفرة 120 و ينعمه بصنفرة 320 و يرش

    اللون المناسب


    ملحوظه ::: الدهان وارد جدا انه يتشقق او حسب لغة الحرفيين (( يطقطق )) بسبب المعجون انه ممكن يكون مش

    متصنفر كويس او يكون ممعجن على صاج به صدا







    (( المشكلة الخامسة )) : و دي بتحصل كتير جدا انك تلاقى على العربية قذورات او بويه (( بويه غريبة غير اللى استخدمتها فى الرش يعنى ناس بتدهن حاجة و قالو ناخد عربيتك بالمرة ))



    فى الحالة دي انت مش محتاج غير قطعة قطن و شوية تنر او جاز و تضع التنر او الجاز على القطنة و تمسح البويه او

    القذورات دي


    و في حل تانى انك تشتري من عند اى محل بويات علبة كمبوند(( campound )) و ده مادة بيضاء اللون خشنة

    الملمس بتحط قطعة منها على المكان اللى عايز تنظفة و بعد كده تدعك بالقطنة كويس و دي بتتكلف من 3 الى 7 جنيه حسب

    الماركة بتاعتها
    (( محلى او مستورد ))





    و لكن ليه تكلف نفسك و تضيع وقتك وانت ممكن تتجنب كل المشاكل دي و غير كده ممكن تتعامل مع حرفي من اللي بيعملوا

    من الحبه قبه عشان ياخدوا الطاق عشرة و ممكن مائة كمان ................

    دول بقى شوية نصائح عشان تقدر تحافظ على دهان عربيتك سليم و نظيف لاطول فترة ممكنة :_





    1)) اول حاجة انك ترش عربيتك فى التوكيل بتاعها عشان تضمن دهان صح يعني لا يتشقق او يطلع فيه اي عيوب بعد كده
    و لو ماعرفتش توديها التوكيل يبقى عند اي حرفي متمرس و بيفهم عشان يرشها صح




    2)) انك تركن عربيتك فى جراج امن (( تبقى مطمن على العربية فيه )) عشان تتجنب شخص (( محترم !!! )) ممكن انه يخربش العربية مثلا او قول يسرق منها حاجة



    طب لو هاتركنها لفترة قصيرة (( مسافة ماتشترى حاجة مثلا )) يبقى تركنها فى حتة صح .....ازاي؟؟؟!!!!

    يعني تخلى في مسافة مناسبة بينك و بين العربية اللى وراك و العربية اللى امامك و تركنها بعيد عن القلق يعني بعيد عن

    ناس بتدهن محل او واحد بيلحم حاجة او خناقة او فرح او ناس بتكنس الشارع .............الى اخره




    3)) تستعمل شمع العربيات (( car wax )) و ده ماده شمعيه بتستعمل فى حماية دهان العربية لانه بيعمل طبقة تحمى

    العربية من الاحتكاكات او السحجات ..........................ازاي نستعمله !!!!؟؟؟؟

    الاول انت مش محتاج غير قماشتين نظاف و علبة الشمع (( مع فرض ان القماشتين اسمهم ا و ب ))

    بتحط حتة شمع باصبعك على الدهان و تدعكها بالقماشة (أ) بس بالراحة لمده دقيقة (( و تخلى اثر للشمع على الدهان ))

    بعد كده تترك الشمع لمدة ثلاث دقائق على الدهان و بعد كده تدعكه بالقماشة (ب)

    تستمر العملية مع العربية كلها و يفضل ان العربية تكون مغسولة قبل وضع الشمع و علبة الشمع ممكن توصل ل 40 جنيه كحد اقصى





    4)) غسيل العربية يبقى كل 10 ايام و دي مدة مناسبة جدا عشان تحافظ على العربية نظيفة من غير ما تتسبب فى البارومة او الصدا و يفضل لو كان فى محطة البنزين

    بس لو العربية لسه مرشوشه من قيمة يوم مثلا ...............في الحاله دي يفضل الغسيل اليدوي عشان غسيل محطة

    البنزين بيبقى عنيف ممكن ياثر على الدهان




    5 )) تلمع العربية بواسطة بولش (( polish )) و ده فعل انجليزي بمعنى يلمع و العلبة بتتكلف 12 جنيه (( مستورد -امريكي ))


    و ده مادة لونها ابيض يميل للاصفر و ناعمه و شبه سائله و عشان تستعملها و تلمع بها العربية انت محتاج قطعتين قطن


    (( ا و ب مثلا )) بتحط بعض البولش على الدهان و تدعكه كويس بالقطنة (أ) وبعد كده تكمل دعك بالقطنة (ب)


    و لما تحط شويه تاني برده تدعكهم بالقطنة (ا) و تكمل دعك بالقطنة (ب) و هكذا


    و ممكن تستعمل الكمبوند مع البولش لو في قذورات او بويه على العربية



    منقول
    وياريت ياجماعه اي حد عنده خبره او معلومه ماييبخلش بيها ويحطه في الموضوع عشان يبقي مرجع شامل


  2. #2

    الصورة الرمزية ahmedshehata45

    رقم العضوية : 3151

    تاريخ التسجيل : 12Nov2007

    المشاركات : 414

    النوع : ذكر

    الاقامة : السويس

    السيارة: اوبل

    السيارة[2]: لادا سمارة

    دراجة بخارية: no

    الحالة : ahmedshehata45 غير متواجد حالياً

    افتراضي -

    موضوع اكثر من ممتاز مشكوووووووووووووووووووووو ووووووووووووووووووووووور


  3. #3

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي -

    اقتباس المشاركة الأصلية كتبت بواسطة ahmedshehata45 مشاهدة المشاركة
    موضوع اكثر من ممتاز مشكوووووووووووووووووووووو ووووووووووووووووووووووور
    العفو ياباشا


  4. #4

    الصورة الرمزية shoudy2005

    رقم العضوية : 4539

    تاريخ التسجيل : 19Jan2008

    المشاركات : 518

    النوع : ذكر

    الاقامة : egypt

    السيارة: no

    السيارة[2]: mercedes 230 w123

    دراجة بخارية: no

    الحالة : shoudy2005 غير متواجد حالياً

    افتراضي -

    شكرآ يا اخ islam bana على المعلومات المفيده
    انا عايز اسألك على حاجه انهارده و انا طالع من الجامعة كان قدامى واحد بعربيه النترا كان بيرجع بدهره فخبطنى فى اقصى الأكصام الأمامى و الرفرف اتنى شويه و رديته بأيدى و الأكصدام اتنى شوية مكان الخبطه لكن عنده الأكصدام اتفك شويه مكان الخبطه السؤال هنا انا ليه عندى الأكصدام و الرفرف اتطبق و هو محصلوش حاجه غير انو فك من ورا مع انى معايا مرسيدس و معروف انها ناشفه و هل من الزوق انو مايرضاش يعمله و يقولى بسيطه؟ و اتصرف ازاى لو واحد خبطنى بعد كده و قالى ديه بسيطه؟ و شكرآ


  5. #5

    الصورة الرمزية Adham

    رقم العضوية : 2087

    تاريخ التسجيل : 07Sep2007

    المشاركات : 4,087

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    مجهود تشكر عليى ياباشا

    بس موضوع علاج الخرابيش دة ماينفعش في الالوان الميتاليك

    و ملحوظة انة لا يفضل غسيل السيارة و الصاج سخن نتيجة الوقوف في الشمس و انما يفضل الصبح و هي باردة او تكون مركونة ف يالضل و الصاج بارد قبل الغسيل

    و لو بتنضف بواقي بوية بقطنة بتنر خللي بالك لو ايدك مشيت عالدهان بتاع العربية حايشيل البوية او يخففة و لو لون ميتالك حايشيل الورنيش


  6. #6

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي -

    اقتباس المشاركة الأصلية كتبت بواسطة shoudy2005 مشاهدة المشاركة
    شكرآ يا اخ islam bana على المعلومات المفيده
    انا عايز اسألك على حاجه انهارده و انا طالع من الجامعة كان قدامى واحد بعربيه النترا كان بيرجع بدهره فخبطنى فى اقصى الأكصام الأمامى و الرفرف اتنى شويه و رديته بأيدى و الأكصدام اتنى شوية مكان الخبطه لكن عنده الأكصدام اتفك شويه مكان الخبطه السؤال هنا انا ليه عندى الأكصدام و الرفرف اتطبق و هو محصلوش حاجه غير انو فك من ورا مع انى معايا مرسيدس و معروف انها ناشفه و هل من الزوق انو مايرضاش يعمله و يقولى بسيطه؟ و اتصرف ازاى لو واحد خبطنى بعد كده و قالى ديه بسيطه؟ و شكرآ
    العفو ياباشا وبالنسبه لموضوعك هو مش من الزوق ابدا انه مايرضاش يعملهالك لأنه طالما غلط لازم يصلح غلطه
    اما بالنسبه لحكايه الاكصدام دي فده يتوقف علي عده عوامل مثلا وضع العربيتين اثناء الحادثه او ممكن يكون هوا عامل اكصدامات صاج
    راجع الموضوع ده
    http://www.nilemotors.net/Nile/showthread.php?t=5932


  7. #7

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي -

    اقتباس المشاركة الأصلية كتبت بواسطة Adham مشاهدة المشاركة
    مجهود تشكر عليى ياباشا

    بس موضوع علاج الخرابيش دة ماينفعش في الالوان الميتاليك

    و ملحوظة انة لا يفضل غسيل السيارة و الصاج سخن نتيجة الوقوف في الشمس و انما يفضل الصبح و هي باردة او تكون مركونة ف يالضل و الصاج بارد قبل الغسيل

    و لو بتنضف بواقي بوية بقطنة بتنر خللي بالك لو ايدك مشيت عالدهان بتاع العربية حايشيل البوية او يخففة و لو لون ميتالك حايشيل الورنيش
    لا شكر علي واجب
    وشكرا علي الاضافه


  8. #8

    الصورة الرمزية MotorX

    رقم العضوية : 15163

    تاريخ التسجيل : 25Jul2008

    المشاركات : 339

    النوع : ذكر

    الاقامة : Cairo

    السيارة: لا يوجد

    السيارة[2]: SEAT IBIZA 1994

    دراجة بخارية: لايوجد

    الحالة : MotorX غير متواجد حالياً

    افتراضي -

    اقتباس المشاركة الأصلية كتبت بواسطة Adham مشاهدة المشاركة
    مجهود تشكر عليى ياباشا

    بس موضوع علاج الخرابيش دة ماينفعش في الالوان الميتاليك

    و ملحوظة انة لا يفضل غسيل السيارة و الصاج سخن نتيجة الوقوف في الشمس و انما يفضل الصبح و هي باردة او تكون مركونة ف يالضل و الصاج بارد قبل الغسيل

    و لو بتنضف بواقي بوية بقطنة بتنر خللي بالك لو ايدك مشيت عالدهان بتاع العربية حايشيل البوية او يخففة و لو لون ميتالك حايشيل الورنيش
    انا لي إستفسار ، إللي أعرفه إن جميع البويات الأكريليك إللي بيتقال عليها بويه فرن لازم تاخد clear coat ده إللي بيتقال عليه ورنيش سواء كانت metallic or solid ،وإللي فهمته من مداخلة الأستاذ ادهم إن الألوان الميتاليك بس هي إللي بتاخد ورنيش ، ياريت حد يوضحلنا المسألة دي.

    وشكراً.


  9. #9

    الصورة الرمزية Adham

    رقم العضوية : 2087

    تاريخ التسجيل : 07Sep2007

    المشاركات : 4,087

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    ايوة الميتالك بس اللي بياخد طبقه ورنيش بعد مايترش

    الالوان السادة الورنيش بتاعها بيبقى منها فيها

    مش بتاخد طبقة ورنيش فوقها ولا حاجة
    و ماينفعش
    ولو حد رش ورنيش على بوية سادة بعد ماتترش في الفرن "بتنفس"
    يعني بتعمل مسام صغيرة كدة عالبوية


  10. #10

    الصورة الرمزية HRH_Sameh

    رقم العضوية : 2560

    تاريخ التسجيل : 11Oct2007

    المشاركات : 1,806

    النوع : ذكر

    الاقامة : Beni Suef

    السيارة: ---

    السيارة[2]: Şahin S 1.4 2004

    دراجة بخارية: No

    الحالة : HRH_Sameh غير متواجد حالياً

    افتراضي -

    hasad">

    موضوع ممتاز
    شكرا ع الافادة

    فتح الشنطة بالريموت بطريقة دراماتيكية!:www.nilemotors.net/Nile/392122-a.html
    موسوعة الشاهين وأخواتها!:www.nilemotors.net/Nile/399252-a.html
    دليل المواصفات والصيانة للماروتي عربي:www.nilemotors.net/Nile/98669-800.html



 
صفحة 1 من 13 1 2 3 4 5 6 11 ... الأخيرةالأخيرة

المواضيع المتشابهه

  1. مشاكل دهان السقف
    بواسطة salah_86 في المنتدى ميتـسوبيـشى
    مشاركات: 10
    آخر مشاركة: 10-04-2011, 05:28 AM
  2. مشاركات: 0
    آخر مشاركة: 10-10-2010, 03:10 AM
  3. كيف تحافظ على دهان عربيتك ؟ ( للنقاش )
    بواسطة د.محمود صلاح في المنتدى القــــسم التعلــــيمى
    مشاركات: 30
    آخر مشاركة: 02-12-2009, 05:53 AM
  4. أهم مشاكل دهان عربيتك و أبسط طرق لعلاجها
    بواسطة AMA في المنتدى القــــسم التعلــــيمى
    مشاركات: 3
    آخر مشاركة: 13-04-2009, 01:34 AM
  5. أفيو 2007 كوري أزرق سماوي- هل فيه مشاكل دهان؟
    بواسطة ARAMIS في المنتدى شــيفـرولــيه
    مشاركات: 12
    آخر مشاركة: 29-10-2007, 02:43 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2