بعد اذنكوا كنت عايز اعرف هل فيه حاجة اسمها رخصة عربية مؤقتة ؟؟ ..يعني واحد يعمل نقل ملكية لعربية ويدولوا رخصة مؤقتة ويستلم النهائية بعد كام شهر ...وعايز اعرف دي بتتعمل في حالات ايه ؟؟ ..شكرا
عرض للطباعة
بعد اذنكوا كنت عايز اعرف هل فيه حاجة اسمها رخصة عربية مؤقتة ؟؟ ..يعني واحد يعمل نقل ملكية لعربية ويدولوا رخصة مؤقتة ويستلم النهائية بعد كام شهر ...وعايز اعرف دي بتتعمل في حالات ايه ؟؟ ..شكرا
لما بتنقل عربية من مرور الى مرور اخر بتاخد تصريح تسيير مؤقت لحين وصول ملف السيارة بتاخد تصريح 3 اشهر بعد كده 6 اشهر وبيتجدد كل 6 اشهر ووصول الملف حسب ظروفك هل المرور فى نفس المحافظة ولا من محافظة الى اخرى انا مره اخد معايا سنة ونصف ومرة تانية 3سنوات بجدد التصريح وبعت العربية وبرضه كان لسه ماوصلش بس الكلام ده كان من كام سنة معرفش دلوقتى الوضع ايه وبياخد وقت قد ايه
شكرا لرد حضرتك ..بس انا كنت عايز اعرف هل فيه اي مشاكل من موضوع الرخصة المؤقتة ده ...يعني لو هشتري عربية من واحد بالوضع ده هل فيه اي مشاكل او قلق من حاجة ..وحاجة كمان لو حابب اشوف تاريخ العربية يعني الملف بتاعها برجع لأنهي مرور في الحالة دي المرور اللي طلع منه الترخيص المؤقت ولا بتاع المالك الأولاني ...
لا مفيش اى مشكلة ان تشترى بتصريح مؤقت لكن حضرتك علشان تكون مطمئن بتاخد صورة التصريح وبتطلع على المرور اللى طالع منه وبتروح مباحث المرور وبتعمل استعلام امنى على السيارة ودى بتاخد دقائق معدودة بس وممكن تروح على الشبكات يكشف لك على الرخصة وعلى الملف بتاعها بس هتدى حاجة للموظف اللى على الشباك وبالتوفيق ان شاء الله
وايه اللى يجبرك تدفع كل كام شهر مبلغ مقابل تجديد الرخصة المؤقته؟