الموضوع: مازدا 3 2007 1600cc استبترونك

المشاركة الأصلية كتبت بواسطة sherif309

حبيبى يا ميدو
والله احلى واجب, انا ساكن جمب المعهد وشغلى كمان يا معلم يعنى فى اى فسوة هتقلى انا هنا هقابلك واعمل معاك الواجب. انا هستلم العربيه بكرة ان شاء الله فياريت اشوفك قريب عشان انا مخضووووووووض من المازدا وركبى بتخبط فى بعضها ومبنمش.
كان معايا بومه 1300cc كنت حافظ فيها النمله وكنت بصينها وبوباتها وحساستها وغربنها وضبابيرها بنفسى كل جمعه عند البت. اما دى مش عارف هعمل ايه ربنا يعنى.

انا اهم حاجه عندى المرايات الموتور بيلف وبسمع صوته بس الكرستالات مبتتحركش والراجل قالى لانهم مش اصلى وشكلهم ملزوقين بسيليكون كدة فطبعا دى اول حاجه هنفضها فياريت تقولى اعمل ايه وبكام ومنين عشان بسمع ارقام معديه الفلنكات وممكن اقطع مرايه حمام وامشى بيها احسنلى

شكرا تانى يا معلم

العفو ياكبير وابعتلي رقمك عل خاص

المشاركة الأصلية كتبت بواسطة sherif309

ميدو باشا.. انا طارت من المازدا عشان الراجل لى بعهالى بعد اما افش عربون منى واتفقنا راح بعها لواحد تانى زيادة الف جنيه وقالى اصل ابنى اتقلب بالعربيه.. هههههههه راجل ناقص

المهم انا خلصت امبارح فى واحدة ايرو برة وجوة عامله 65 الف على 75 الف العربيه حالتها الحمد لله مش وحشه بس عندى الزجاج الامامى محتاج يتغير هوا فيه شرخ بسيط ممكن يتساب بس هغيرة للامان
على العموم انا نازل استلمها انهاردة وعلى الله الراجل ميطلعش زى الى قبله لحسن هغير وجهه نظرى فى المزداويه-- هههههه

بص يا باشا وانا بجرب العربيه امبارح سمعت صوت تزييق من الدركسيون من جوة العربيه هوا الواد قالى تلاقيها عايزة تتزيت ولا حاجه بس انا مش عاجبنى الكلام. يا ترى ممكن يكون ايه ويا سلام لو تعرف تكلمنى على 11 هكون بستلم العربيه بس هرفعها الاول فى اى بنزينه عشان اطمن

مبروووووووووووووووووووووو وووووووووووووووووووك علي العربية ياباااااشا
وربنا يديك خيرها ويكفيك شرها
باركو للراجل يارجاااااالة عددنا زاد واااااااااااااااااااااااا ااحد ^_^