مقدرش أقع في مشكلة وملجأش لكم يا غاليين

**Lifz_Good** · 25-01-2013 08:48 PM

السلام عليكم ورحمة الله وبركاته

بعد التحية احتراماً وتبجيلاً للمنتدى الكريم بأعضائه وإدارته

وددت أن تشاركوني أفكاركم قبل أن أعرضها على متخصص

كورولا 2006 1.6
عفشة الفابريقة (ستوك بالكامل)
العربية ماشية 130.000 كم
قضت معظم عمرها على طرق غير آدمية
طرق دفعنا وظللنا ندفع من قوت يومنا وقوت أولادنا والذي لم يأت لنا على طبق من ذهب
دفعنا من صحتنا ضرائب لأجل ترقى وتكون على الأقل صالحة فقط للإستخدام المحترم
بما يدل على احترام الحكومة لنا وما يدل على احترامنا لبعضنا (لأن مفسدي الطريق هم مستخدميه والواقعين في حرمه)

المهم
العفشة من أنعم ال(عفشاااات) في عالم السيارات كما تعرفون
بفضل أيضا جنوط سبور 14
وكاوتش مداس 185 بروفايل 70

دائم الترصيص وربط العفشة وضبط الزوايا عند بريدجستون أو التوكيل

ظهرت مشكلة أصفها لحضرتكم بإحساسي الدقيق كالتالي
مع النقر والمطبات البزابيز اللي بتتكون من الطين عالأسفلت دي
المهم
مع الحصو مثلاً
تجد شخشخة بالطارة بيدك بسيطة وكأن هناك بوش بسيط جدا ولكنه خشن وليس ناعم
أي أن ال بوش بيطلع صوت مع الإهتزازة اللا إرادية وكأنها رجرجة سرعة

العرض التاني
رجرجة السيارة بداية من سرعة 90 وإلى مالا نهاية
ولكن أدقق التفاصيل في هذه النقطة جيداً
بدوس أنا كيك داون كتير
فا لو أنا دوست كيك داون أثناء ما الرجرجة أهي موجودة وأنا على سرعة 100 مثلاً
تختفي الرجرجة على الفور وتعود بمجرد ما ألغي كبس رجلي على الدواسة

مع العلم
الرجة بدون فرامل (يعني مش مشكلة طنابير
الرجة تظهر بمجرد خروجي للتجربة سواء ظبطت في توكيلات بريدجستون المختلفة أو حتى تويوتا إيجيبت محرم بك وأبو رواش

أنا الموضوع دا يؤرقني بجد
بس دايماً في التوكيل بكسل أخليهم يكشفوا عليها نظراً للتكلفة والوقت طبعاً

ساعدوني
وضعه الله في ميزان حسناتكم وأثابكم به دنيا وآخرة

أخوكم... علي

**AlGazar2** · 25-01-2013 10:31 PM

رجرجة الكاوتش على سرعه ده كده اما من الكاوتش او الجنوط عايزه ترصيص
اما بخصوص رعشه الطاره على الحصى و النقر فده اما العفشة عايزه تتربط اما علبه الدركسيون فيها بوش او الصليبه و ده الطبيعى فى طرق مصر و كتر خير العربيه انها قعدت 130 الف فى الطرق دى بس الاول ربط العفشة قدام فوق و تحت و شحمها و جرب تمشى فى الطرق دى و اظبط زوايا بس مش دى سبب المشكلة

**Lifz_Good** · 26-01-2013 07:36 AM

المشاركة الأصلية كتبت بواسطة algazar2

رجرجة الكاوتش على سرعه ده كده اما من الكاوتش او الجنوط عايزه ترصيص
اما بخصوص رعشه الطاره على الحصى و النقر فده اما العفشة عايزه تتربط اما علبه الدركسيون فيها بوش او الصليبه و ده الطبيعى فى طرق مصر و كتر خير العربيه انها قعدت 130 الف فى الطرق دى بس الاول ربط العفشة قدام فوق و تحت و شحمها و جرب تمشى فى الطرق دى و اظبط زوايا بس مش دى سبب المشكلة

طبعاً أنا متشكر جداً لكرم حضرتك
بس حبيت أضيف نقطتين
-- الكاوتش أمام وخلف جديد ولا يوجد به عيوب وتم الكشف عليه والترصيص كذلك يتم أسبوعياً وبنوعين اللاصق من الداخل في الجنط أو الخارجي على الحافة ويتم أيضاً تربيط العفشة والزوايا أسبوعياً
كدا يتبقى علبة الدركسيون والصليبة هم من تبقوا
-- ياترى تكلفة جديد كام واستيراد كام وهل هناك إصلاح أو تربيط وبكام وأيهم أفضل

وشكراً

**Lifz_Good** · 26-01-2013 07:47 AM

توصلت مع العضو الكريم (ياريس) في قسم ال تويوتا
إلى الحاجات دي بالإضافة لما سبق

أرجو منك (الجزار) المحترم
مساعدتي

علبة دركسيون وصليبة وجلب وتيش و بيض

شكراً

**Lifz_Good** · 26-01-2013 02:03 PM

للرفع

**AlGazar2** · 26-01-2013 03:28 PM

انا مش متأكد هتبقى ايه بالظبط فيهم

بس كل دول فى التيوتا هيبقوا غاليين لانهم غاليين فى النوبيرا و خصوصا علبه الدركسيون ولازم يتم الكشف بواسطه عفشجى محترم ميعملش عليك شغل

و لو عربيتك اوتو ممكن يكون بسبب كوبلن داخلى بس دى مش متأكد منها و ده الى بيسبب الرعشه على السرعه

نبدأ باسهل حل بدل العجلتين الى قدام ورا و الى ورا قدام و شوف الرعشه على سرعه دى نظامها ايه

و تربيط العفشه و الترصيص اسبوعيا ده كتير و ممكن ياثر سلبيا على صواميل الربط فى العفشه الافضل تبرطها كل 10 الاف و تشحمها مع كل غسله و الترصيص كل 10 الاف برضه مع عمل الروتيشن للعجل