يا جماعه أنا قربت على الألف كيلو وعايز أغير الزيت والفلتر فتنصحوا بإيه بالنسبة لنوع الزيت ؟؟ وبعدين أغيره كل قد إيه ؟ والفلتر هل فيه نوع معين برضه ولا إيه ؟ العربية لانسر 2007 مانيوال 1300 سي سي
عرض للطباعة
يا جماعه أنا قربت على الألف كيلو وعايز أغير الزيت والفلتر فتنصحوا بإيه بالنسبة لنوع الزيت ؟؟ وبعدين أغيره كل قد إيه ؟ والفلتر هل فيه نوع معين برضه ولا إيه ؟ العربية لانسر 2007 مانيوال 1300 سي سي
السلام عليكم يا أخ اسلام :D بالنسبة للزيت أنصحك بموبيل وان و الفلتر الأصلى بتاع العربية تمنه حوالى فى التوكيل 40 جنيه و الزيت حوالى 180 جنيه و يتم تغييره كل 10000 كم و طبعا لازم تتابع الزيت من باب الأحتياط حتى لو العربية زيرو . أنا شخصيا بعمل كده أنا بركب الفلتر الأصلى و بحط زيت موبيل وان و الحمد لله لا شكوى حتى الأن. و ربنا يوفقك و كان فى موضوع هنا عن الزيوت بالتفصيل ممكن حضرتك تتطلع عليه , أعتقد انه كان من مواضيع الأخ الفاضل سبعاوى , و لو عندك أى أستفسار أنا تحت أمرك :D
يعني الموبيل ون أحسن حاجه ؟ وكل عشرة آلاف كيلو ؟ طيب الكلام ده حتى لو فيه سفر ؟ ولو مفيش ومشاوير داخليه فقط ؟ وبعدين هو أنا لازم أغير في التوكيل ؟
الموبيل 1 حاليا ب 215 جنيهاقتباس:
الزيت حوالى 180 جنيه
الشل الترا تقريبا هو زى الموبيل 1 و ارخص كمان
شكرا يا أخ معاذ على تصحيح المعلومة كل حاجة عمالة تغلى :D
أنا لم أقل أحسن حاجة و لكن ده اللى أنا ماشى عليه و أنت حر طبعا فى أختيارك . حتى لو فى سفر و جوه البلد أنت يا باشا راكب موديل السنة :) اللهم لا حسد . أنا كان شرط الضمان عند صيانة الالف تغيير الزيت و الفلتر عندهم بعد كده أنت حر طبعا ممكن تعمله بره أنت حر طبعا. الصيانة بعد كده على 10000 أى مع ميعاد تغيير الزيت و بعد كده الصيانة على 20000 يعنى برده زيت و فلتر فأنا بعمل كل حاجة فى التوكيل.
فعلاً الموبيل 1 غلي الفترة اللي فاتت و علي فكرة هو مصري مش مستورد , ال Shell Helix Ultra مستورد و ممتاز و ب 195 , لكن شوف إيه النوع اللي بينصحوا بيه في كتالوج العربية .
كتالوج العربية مكتوب مش مكتوب فيه النوع لكن مكتوب فيه ((( إذا كان من الصعب الحصول على زيت المحرك من الفئة se أو اعلى قم باستعمال زيت المحرك من الفئة sd من التصنيف api ، يمكن استعمال زيوت المحرك 5w -40 -- 5w -30 --sae 0w -30 فقط إذا كانت متوافقة مع المواصفات api sg , a5/b5, a3/b4 , acea a3/b3 او اعلى ))) هو ده بقه نوع الزيت حد يترجم لو سمحتوا .
مصرية تنصح طبعا بموبيل وان :D :D :D و مفيش فى التوكيل غير موبيل وان .... الله أعلم طبعا بالأفضل أنا واحد صحبى حبيبى جدا بيستعمل موبيل وان فى كل عربياته - و عربيات أهله - من ساعة ما نزل موبيل وان السوق من كام سنة و لا شكوى حتى الأن كل عربياته زيرو و بيحط موبيل وان من الأول - لا أستطيع التحدث عن موبيل وان فى السيارات المستعملة - و حاجة تانية هو بيسيبه حتى 20000 ألف !!! طبعا الزيت بينزل لونه زفت و بينقص شوية و بيزودهم ولكن اللزوجة موجودة !!! هو ليه معارف فى موبيل قالو له الزيت ده يعمل مستريح 20000 و الله أعلم طبعا. أنا مايجليش قلب أسيبه 20000 و لا أنصح بذلك .
حضرتك من الاخر يا موبيل 1 يا شل الترا
و انا افضل شل لانه ارخص و كنوع من الضغط على موبيل اللى غلوا الزيت من 175 جنيه الى 215 جنيه فى اقل من 6 اشهر
لا الجو فى البلد و لا البنزين و لا اى حاجة تشجع على كدهاقتباس:
هو ليه معارف فى موبيل قالو له الزيت ده يعمل مستريح 20000 و الله أعلم طبعا. أنا مايجليش قلب أسيبه 20000 و لا أنصح بذلك .
الزيت اخره 10 الاف و فى ناس محسوكة بتغير كل 8الاف
لكن الstandard للموبيل 1 او الشل الترا 10 الاف, على الاقل فى مصر
بالنسبة للتغيير, غير فى اى حتة و لا يهمك, بس يعنى علشان بس العربية جديدة و كده انا مش هيجيلى قلب اغير بره مركز صيانة, على الاقل اول مرة