شلل مرورى بعد قطع المتظاهرين لخطوط المترو جمال عبدالناصر والسادات

**Samah AbdAllah** · 25-01-2013 09:01 PM

قام عدد كبير من المتظاهرين تجاوز الالف قطع خط المترو

فى محطة جمال عبدالناصر و السادات

ومنع عربات المترو من التحرك

والاستيلاء على الاذاعة الداخلية لبث الهتافات عن طريقها

وقد ادى قطع خط المترو الى تغيير خط السير لقطارات المترو ووقف حركة المترو خط المرج حلوان

و تحدث المهندس عبدالله فوزى رئيس هيئة المترو الى قناة الحياة

عن هجوم شباب الالتراس واعتراضهم لحركة المترو

حيث تجمهر الالتراس على الارصفة وعلى خطوط السكة

مما اضطرهم الى وقف القطارات

واعادتها من جمال عبدالناصر الى المرج

ومن سعد زغلول لحلوان

واستمرار حركة المترو حاليا من السيدة لحلوان

ومن الشهداء للمرج

والخط الثانى من محطة الشهداء لشبرا

والاخر من جامعة القاهرة للمنيب

ومنطقة وسط البلد مقفولة تماما لحركة المترو

وذلك حتى ينتهى قطع خطوط المترو من قبل الالتراس

**Karim_Monir** · 25-01-2013 09:29 PM

هي وصلت للاستيلاء علي الاذاعه الداخلية
ده تعدي سافر علي هيبة الدولة وممتلكاتها

**Hondawy_2008** · 25-01-2013 10:55 PM

الي مش قدها يسيبها هو سبب البلاوي كلها

لو اتقى ربنا في البلد بقراراته مكناش وصلنا للي احنا فيه دلوقتي دة

**besso** · 26-01-2013 01:51 AM

يعنى الخراب والدمار ده هو الحل
طب ما احنا كنا بقينا زى ليبيا بقى وخلاص على طول على الاقل جابوا من الاخر لو ده الحل

نفسى اعرف بس مين المستفيد من اللى بيحصل احنا الخسرانين فى الاخر والاقتصاد هايقع اكتر واكتر
البلد مش لعبه علشان ل شويه ننزل نشيل رئيس بقى فيه مجتمع دولى بيبص علينا
حد يقوللى كده انهى مستثمر هايجى لما يلاقى بلد فى لحظه بتقوم خراب ودمار ...ابقى قابلنى

وبيهاجموا مبانى المحافظات والاقسام !!!!! تانى نجر شكل الشرطه علشان تشتبتك مع الناس احنا ام بنتعلمش
نروحلهم لحد عندهم ونقول بيضربونا ليه ولو حد يتقال عليه شهيد اللى انا اعرفه انى ما اروحش لحد بيت الاسد واقول ده بيعض

حقيقى احنا بلد تفرح