محتاج نصيحه من الاعضاء في مصر

**Mohmedkalaf** · 25-01-2013 09:18 PM

بسم الله الرحمن الرحيم ' الاخوه الاعضاء انا مصري مقيم في الخليج وعندي سياره همرh3 وناوي بأذن الله تعالي انزل بيها مصر في اجازة الصيف فمحتاج ارائكم في موضوع الامن والامان دلوقتي بمصر يعني في مشاكل ولا هتحرك بلعربيه برحتي وبدون مشاكل. . ومن ناحيه ازمة البنزين يعني فعلن في ازمه ولا كلام اعلام وجرايد علي فكره انا عربيتي بتاخد بنزين 92 مش 95 فهل النوع ده في ازمه .فارجو النصيحه من الاخوه ولكم جزيل الشكر

**MohammedAladel** · 25-01-2013 10:08 PM

هو من ناحية البنزين الأزمة موجودة للأسف بس محافظات آه و محافظات لأ

من دا على دا وأيام البنزينات يبقى فيها وأيام مفيش بس متخفش هتتعود على كدا

بالنسبة للأمان خليها على الله يا باشا .... وبعدين الهامر دى عربية أكيد محصنة جدا دى بالشئ الفلانى مش معقول ومش من كترها فى مصر يعنى

أنزل بيها عادى

**exact** · 25-01-2013 11:54 PM

بلاش احسن وبالذات لو اجازتك قصيرة.... وبعدين من هنا للصيف تكون الدنيا اتغيرت... ويارب تكون للأحسن

**youssef_u** · 26-01-2013 02:30 AM

بص هو من ناحية انك تمشي فيها براحتك ده صعب لانك هتتحشر بيها في شوارع و زحاام مروري بالنسبه لحجمها

و البنزين هتشتري اللتر بسعر قريب من ٣ جنيه تقريبا

و بالنسبه للامان خليها ع ربنا اقفل السنتر و متقفش لاي حد في الطريق و كله هيبقا تمام و يتتحسن لو مش محتاج العربيه اوي في الاجازه انزل منغيرها احسن

و ربنا يوفقك يا باشا

**Mohmedkalaf** · 26-01-2013 02:13 PM

في الاول احب اشكر الاخوه الاعضاء الاي ردو عليه واكيد اتحصلت علي معلومات منها انا اجازتي شهرين ونصف وبصراحه بحتاج العربيه في مصر انتو عرفين التاكسيات عمله ازاي في مصر ومكاتب التأجير كله نصب ومن هنا فعلن للصيف اكيد باذن الله الوضع هيتغير والواحد هيعمل حسابه في السواقه في الزحمه بتاعت مصر بس الاي مش هقدر احصره موضوع سرقة العلامات بتاعت العربيه فشكرا ليكم