عرض للطباعة
دي أسعار حاجات اشتريتها من التوفيقية للستروين ax عشان الجميع يستفيد ان شاء الله
ريداتير جديد = 325
مرايات جانبية = 85 للواحدة
فانوس اشارة أمامي = 30
وش فانوس أمامي = 20
وش فانوس خلفي = 15
صباع حرارة = 30
فلتر زيت = 35
طبعا كل الحاجات دي جديدة و ياريت اللي معاه أسعار حاجات تانية يكتبها عشان الكل يستفيد
شكرا جزيلا لك
و يا ريت تحكيلنا عن موديل عربيتك و كمالياتها و سعرها ايام ما اشترتها و سعرها المتوقع حاليا
و ايضا خبرتك فى اعطالها و اتصلحت ازاى
و شكرا جزيلا
العفو يا باشا..انا عربيتي موديل 97 جبتها من حوالي شهر ب 17000 دواخل فبريكة و دهان الشركة من بره ..تكييف شغال..زجاج كهربا أمامي ..سنتر لوك ..و كان فيها مشكلة الحرارة اللي خلتها جابت مني جوان وش سلندر و ابتدت الميه تخلط مع الزيت..و ده كان بسبب ان الريداتير فيه شرخ في القربة البلاستك بتاعته وهو نفسه كان بينقط...واحد بتاع ريداتير قالي ممكن اعملك القربة دي نحاس وهتكلف في حدود 150 جنيه بس انا بصراحة قلت اجيب واحد جديد و اريح دماغي..و رايح بعد بكرة اغيرلها الجوان بس لما الميكانيكي شافها شكرلي جدا في الموتور و بالمناسبة هو 1400 سي لكن غير كده مش شايف عيوب الحمد لله..العربية ناعمة جدا الحمد لله
مبروك عليك يا باشا الax وربنا يباركلك فيها .....انا برضو بفكر ف الستروين ياريت نتواصل عشان استفيد من تجربه حضرتك
الله يبارك فيك يا دكتور ...ربنا يكرمك و تلاقي حاجة كويسة بأذن الله...و يشرفني التواصل معاك طبعا في اي وقت
جزاك الله خيرا علي الافادة ..
فلتر زيت = 35
انا بجيبه ب 10 جنيه بتاع البيجو
طبعا فيه بدائل كتير و ارخص يعني بيركب عليها فلتر البيجو و السوزوكي و الشاهين كل ده شغال...بس انا قصدت اكتب اسعار حاجات الستروين تحديدا عشان الناس ساعات بتفتكر ان قطع غيارها مش موجودة ...بالعكس كله موجود و جديد حتي فلتر الزيت بتاعها موجود...ولو حضرتك عندك أسعار حاجات خاصة بالستروين ال ax ياريت تضيفها معانا و جزاك الله كل خيراقتباس:
المشاركة الأصلية كتبت بواسطة rotanamasoud
جزانا و اياكم ان شاء الله..أشكركاقتباس:
المشاركة الأصلية كتبت بواسطة s o p h o s
هل الراديتير ده كويس؟؟ أصل أنا شاري واحد من كام شهر كده فاليو كان بـ750 جنيه، ومن غير الغطاء ومن غير الترومستات، وكان ناقص كمان لصامولة لفتحة شلتها من القديم، مش عارف بقى نظام الأسعار دي إيه؟
اسف علي التأخير في الرد...بصراحة هو الريداتير كويس جدا ..صناعة صيني لكن لحد دلؤتي شغال كويس جدا و السخونة اختفت تماما لدرجة ان الحرارة عندي مش بتزيد عن 70 الحمد لله...و اشتريته بردو من غير الغطا و الترموستات...بس عايز اقولك علي حاجة .انا قبل ما اشتريه اتصلت اسأل علي سعره عند أمير و جوزيف قالي سعره 850 تخيل !!!!!!!!!اقتباس:
المشاركة الأصلية كتبت بواسطة megoghanem
و اشتريته من محل عادي ب 325 و عموما الاسعار في التوفيقية كويسة و كله موجود
السلام عليكم
ياريت تقولى عالمحل اللى اشتريت منه الحاجات دى لانى محتاج ردياتير والاسعار فالحرفيين غالية جدا وعاوز انزل التوفيقية بس معرفش اى محلات فلو تكرمت تقولى على اسم المحل او اى بيانات عنه
وشكرا جزيلا